بنآآآت السنة التحضيريه في جامعة الملك سعود تعالوآآآآآ

ثانكس : )

1- اي قسم انقبلتي فيه ؟؟ حابه القسم او لا ؟؟ << تبي تتعرف على بنات
القانون "..والله كان من ضمن رغباتي ..وما اعرف عنه شي
2- بنات بطاقة الجامعه وش سويتوا فيها ؟؟ متى نروح نسويها ؟؟ واللي سوتها يا ليت تحكي عن تجربتها .. << ضروري
اتوقع ببداية الدراسة..لانهم يقولون ان اول الايام مايداوم الا المستجدات عشان يطلعونلهم بطاقات..
انا جتني رسالتهم ودخلت النت وطبعت الاشعار اللي لازم نقدمه علشان البطاقة ..
3- البرنامج التعريفي وش بتسوون فيه ؟؟
وشو ذا ؟؟ ؟
وان شاء الله تحضيريات السنه الجايه في جامعة الملك سعود يستفيدون من هالموضوع
تصدقين تحمست معك..والله ودي اتعرف على بنات انا بعد
انتِ باي قسم؟؟

هلا قلبي
انا البرنامج الموحد
غريبه ما ارسلوا لك مسج بأنوا يوم 9 أو 10 لازم نداوم عشان البرنامج التعريفي وعشان اختبار الانقلش ؟؟
اذا ما ارسلوا لك خبريني عشان ارسل لك الرابط اللي ارسلوه لي

مبروك ياعسل

ملاك الله يبارك فيك
بس ليه ما جاوبتي على اسئلتي !!
نورتي خيتو

بنات لقيت هذا الموزوع وحبيته مره
للأمانه منقول من منتديات جامعة الملك سعود العضوه ليلو
السلام عليكم ورحمة الله وبركاته
صباح / مساء ~> الورد .. ..!
يا هلا ب دفعة 430
كيفكم ..؟!
وكيف الشعور الجامعي؟
الموضوع عام لكل الطالبات المستجدات .. بس أكيد حطيت كم شيء مخصوص لبنات تخصصي الجميلات
بغيت احكي بهالموضوع عن كل شيء يخص الجامعة والدراسة .. علماً بأني مستجدة مثلكم .. بس ميخالف لازم نتعاون عشان نصير أحسن دفعة
أكيد فيه ناس خايفين .. وفيه ناس قلقانين .. وفيه ناس ماودهم يداومون ..... الخ الخ
بس بنحكي عن كل شيء ان شاء الله .. عشان ماتبدا الدراسة الا وحنا متحمسين
شيء طبيعي كلنا مثلك وانا أكثر وحدة بعد! .. واكيد راح تقلقين وتخافين .. مكان جديد عليك ونظام جديد وناس جدد ماتعرفين منهم أحد
لكن هالشعور بيزول بسرعة ان شاء الله .. أكيد راح تكرهين الجامعة بالبداية .. بس كلها اسبوعين أو ثلاث بالكثير وتتعودين ..
وكثير كثير ناس يقولون ان الجامعة أحلى من المدرسة بكثير
لازم تدركين أهمية الدراسة والشهادة .. وانها أهم شيء بحياتك الحين .. وانك طالبة علم .. وطلبك للعلم تقدرين تخلينه عبادة خصوصاً اننا الحين بالمجال الصحي
لازم تشدين حيلك .. لاتقولين ضغط ومدري ايش .. الدراسة لابد منها .. اجل تبين تجلسين بس كذا بدون هدف بالحياة؟ ولا تبين هدفك يجيك بالساهل؟ أصلاً حتى العطلة ماراح يكون لها طعم لو كنتي بأيام الدراسة مرتاحة .. وحتى النتيجة ماراح يكون لها طعم لو انك ماتعبتي عشان تجيبينها
ودايم تذكري قوله تعالى: " يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ وَاللَّهُ بِمَا تَعْمَلُونَ خَبِير " *سورة المجادلة آية 11
وتفسير الآية~
لا ريب في أن لازم رفعه تعالى درجة عبد من عباده مزيد قربه منه تعالى، و هذا قرينة عقلية على أن المراد بهؤلاء الذين أوتوا العلم العلماء من المؤمنين فتدل الآية على انقسام المؤمنين إلى طائفتين: مؤمن و مؤمن عالم، و المؤمن العالم أفضل و قد قال تعالى: «هل يستوي الذين يعلمون و الذين لا يعلمون»: الزمر: 9.
و يتبين بذلك أن ما ذكر من رفع الدرجات في الآية مخصوص بالذين أوتوا العلم و يبقى لسائر المؤمنين من الرفع الرفع درجة واحدة و يكون التقدير يرفع الله الذين آمنوا منكم درجة و يرفع الذين أوتوا العلم منكم درجات.
و في الآية من تعظيم أمر العلماء و رفع قدرهم ما لا يخفى.
و أكد الحكم بتذييل الآية بقوله: «و الله بما تعملون خبير».
شعور رائع صح؟!
اللهم اجعلنا من العلماء
برب ~
ولحد يرد !

وانتي بالجامعة ~
لا تفوتين ولا محاضرة .. وركزي بالشرح عشان المذاكرة بالبيت تصير سهلة عليك .. ومب شرط تجلسين قدام لان المكان مب مهم المهم انك تركزين .. انتي شوفي وش المكان اللي ترتاحين فيه واجلسي فيه دايم .. واذا انتي من النوع اللي يتشتت بسرعة بعدي عن البنات اللي يحكون كثير .. واكتبي كل اللي تقوله الدكتورة .. حتى لو حسيتي انه مو مهم يمكن يفيدك بعدين ..!
واذا تعرفين احد من السنوات اللي قبل تقدرين تاخذين كتبهم واوراقهم خذيها .. زيادة الخير خيرين
لازم تدركين أهمية الدراسة .. ولازم تفهمين انك مسؤولة عن نفسك خلاص .. مب زي المدرسة المعلمة تكتب لك كل شيء على السبورة وتلاحق وراك عشان تتأكد ان دفترك كامل .. بالجامعة لازم انتي تكتبين كل شيء بنفسك .. وتدرسين نفسك وتفهمين نفسك .. واذا فيه واجب انتي تروحين تودينه للدكتورة مافيه احد بيجي ياخذه منك ..!
بس ترا هالشيء مب صعب ! منتب أول وحدة تدخل الجامعة .. وكثير ناس دخلوا وطلعوا وتميزوا
وتعالي الصباح بدري .. لا تتأخرين .. وانتبهي لساعتك وقت البريك ترا مافيه جرس .. وازين عشان تلقين لك مكان يناسبك وتقدرين ترتبين عفشك ولا انك تدخلين محتاسة (ان كانك راعية عفش مثلي )
روتينّا اليومي ~
لنفرض مثلاً ان دوامنا ينتهي الساعة 4 العصر .. ووصلنا البيت 5 العصر (انا افرض اسوء الاحتمالات للاحتياط بس ) .. انا فكرت بأكثر من روتين
روتين نمبر ون: تتروشين وتاكلين (صارت الساعة 6) .. تمسكين دروسك وتجلسين تذاكرين (صارت الساعة 10) .. تنامين .. عاد كلن يصحى على حسب الوقت اللي ياخذه وهو يتجهز .. وعلى حسب السيارة اللي بتوديه ومن معاه
روتين نمبر تو: تتروشين وتاكلين وتجلسين على النت أو مع أهلك لين أذان العشاء .. بعدها تصلين وتنامين لين الساعة 3 أو 4 .. ومن تصحين تجلسين تدرسين وبعدها تتلبسين وتروحين للجامعة
روتين نمبر ثري: أول ماترجعين تنامين لين 7 .. تجلسين تتقهوين مع اهلك أو على النت لين 8 .. وتجلسين تدرسين لين 12 .. وتنامين
طبعاً كل بنت واللي يناسبها .. فيه بنات لازم ينامون أول مايرجعون .. وفيه بنات عادي عندهم .. انا بالنسبة لي النومة اللي بالوسط تجيب لي النكد ..!
وبرضه لو تلاحظون اني حاطه النت بكل روتين لأني مدمنة عليه مرة .. ولازم اجلس عليه لو خمس دقايق باليوم .. بس طبعاً هو شيء مب مهم .. ولازم ماتخلونه يأثر على مستواكم الدراسي
ولو كان بيتك بعيد عن الجامعة ممكن تستغلين وقت الطريق .. مثلاً تفطرين بالسيارة أو تجلسين تدرسين أو تحلين لك أي شيء .. وممكن تقولين للشغالة تحط لك غداك بالسيارة عشان اذا طلعتي من الجامعة تاكلينه بالسيارة
فيه مليون طريقة للمذاكرة .. كلن وطقوسه
أول شيء بقول لكم طقوسي
لازم مذاكرتي تكون أول ما اصحى من النوم سواء بالويكند ولا بأيام المراجعة او بأيام الدراسة اذا كنت نايمة العصر .. وامسك الكتاب واجلس اذاكر بدون بريكات .. لاني اذا اخذت بريك خلاص ماعاد اقدر ارجع زي أول .. ولازم كتبي ودفاتري كلها ملونة وملصق عليها اوراق ملونة وشرح بالرصاص واحياناً سمايلات .. وانا من النوع اللي يذاكر بصوت عالي واردد الشيء اللي ابي احفظه .. وطبعاً قبل احفظ لازم افهم ما اقدر احفظ بدون فهم .. وفيه عندي لوحة صغيرة شاريتها من جرير نصها فلين ونصها سبورة .. الفلين الصق عليها عبارات تشجيعية والسبورة كاتبة فيها الأيام والمواد والاشياء اللي لازم اسويها ( راح انزل صورة للوحة بنهاية الموضوع ان شاء الله )
ايه صح .. انا الدراسة اليومية ادرس بغرفتي على المكتب .. بس ايام الاختبارات ادرس بغرفة التلفزيون بس طبعاً والتلفزيون طافي .. بس آخر ترم درست كلش بغرفتي
أياً كان المكان اللي بتدرسين فيه وترتاحين فيه .. لازم يكون عفشك كله فيه عشان مايكون لك عذر انك كل شوي تقومين تجيبين شيء .. ولازم تكون اضاءة المكان زينة .. وحبذا يكون هدوء بعيد عن الملهيات
ووانتي تدرسين علقي على باب غرفتك شيء يفهّم اهلك انك تدرسين عشان محد يزعجك .. مثل هذي:
برب ~
ولحد يرد !

خلي كتبك ودفاترك كلها ألوان .. خليها فرفوشية .. استخدمي هايلاترز والأوراق الملونة .. خلي كل معلومة بلون غير اللي قبلها تساعدك بانك تتذكرين وتفرقين بين المعلومات .. وعشان تنفتح نفسك للمذاكرة
ولو تحطين استكرات وسمايلات عشان تونسك مافيه مانع
اذا عندك معلومات كثير مرتبطة بعض وحاسة انك محيوسة .. سوي رسم بياني يربط هالمعلومات ببعض .. يعني دوائر واسهم والعلاقة على الاسهم .. زي هذا:
بس طبعاً خلي حقك ملون ومرسّم عليه أحسن
اذا المادة فيها تعاريف كثير أو مصطلحات كثير .. اجمعيها كلها في جدول عشان يسهل عليك انك تذاكرينها وتراجعينها وتفرقين بينها بعد
اذا مثلاً عندك تعريف طويل ابدي رقميه .. واذا فيه معلومة طويلة رقميها بعد .. يسهّل عليك الحفظ
ادرسي زين تجيبين زين ..اجتهدي قد ماتقدرين .. شدي حيلك وجيبي نتيجة تسعدك وتسعد اهلك .. شدي حيلك وادخلي التخصص اللي تبينه سواء كان طب بشري أو طب أسنان أو صيدلة أو علوم طبية .. حتى لو كان التخصص اللي تبينه المعدل اللي يطلبه مب عالي معليش ادرسي وجيبي معدل عالي بس عشان تحسين بالرضا عن نفسك ولا انك تخصصين ع الحافة ..!
برب ~
ولحد يرد !