بنآت وش آخر سوآليف الهوى

بنات ... أنا جيت
وكلي سواليف ... وغلا
حبيت ...
ورب السماء حبيت
الحين أنا بسكة سفر ...
و يمكن تطول ...!!
الله ... يا حلو السفر ... بالذات إذا هو في هواه ...!!
الله على دموع البنات إذا عشقوا ...
أحسها ماهي دموع ...
أحسها حبة مطر ... كله طهر ...
حتى سوالفهم غير ...
ويبدون في يومٍ جديد
وحلمٍ جديد
ونظراتهم من جد تتغير كثير ...
تصير مرة جارحة
واحيان تبقى سارحة
يا ربي وش حلو البنات
يجننون
فيهم غلا ... وملح ... وحلا ... ما حطه الله ف أحدٍ غيرهم
إذا ضحكوا
وإذا بكوا
وإذا عشقوا
وإذا مشوا
وإذا وقفوا
وإذا زعلوا
وإذا رضوا
وحتى إذا انقهروا بعد ياربي عليهم
سبحان من سوى البنات ...!! وياه لو تدرون عن حلمٍ حلمته ... البارحة
والله خطير
والبارحة ماهي مجرد حلم ...
البارحه ميلاد ...!!
والبارحة ...سكة سفر ودربٍ طويل
شوفوا فديت عيونكم ...
وش رايكم في غرتي ...؟!
وفستاني ...؟!وعطري ...؟!
كله جديد ... كله
كل شي تغير في خلود
كل القديم اللي احبه اليوم أنا صرت أكرهه
اليوم انا ماني خلود
اليوم انا فيني هوى وعشقٍ جديد
حتى اسمي غيرته بعد
اليوم انا إسمي وعد وعهد
وقطعت لعيون الهوى وعد ... وعهد
إني ما اخون
وابقى على دربي الجديد و عشقي الجديد
وعطري وفساتيني الجديده
وأنتم ... وش آخر سواليف الهوى معكم ...؟!
تدرون ...؟!
أنا عشقت البارحة
والبارحة ياصار شيء ...!!
البارحة بس ( انا ضحكت )
والبارحة بس ( انا بكيت )
والبارحة بس ( سهرة لين الصبح )
اثر الهوى مجنون ...؟!
سمعت من وحدة تقول
( إن الهوى مثل الربيع ينبت على شفاه البنات
وإذا ضحكوا طاح الكرز )
وسمعت من وحدة تقول
( إن الهوى مثل العطر يفوح بانفاس البنات
وإذا حكوا فاح العطر )
وسمعت من وحدة تقول
( إن الهوى ملعون ابو
وهو سبب موت البنات
وإذا عشقوا ماتوا قهر )
و وحدة تقول
وأُخرى تقول
والحين أنا فعلاً عشقت
وانا اللي خلوني أقول
تدرون وش معنى الهوى ...؟!
( موت وحياة ...
وانا عمري القديم ... وقلبي القديم ماتوا جميع البارحة
والبارحة انا حييت ... بعمرٍ جديد ... وقلبٍ جديد
وعشقٍ مثل طعم العسل ...!!
وأثر الهوى عين العقل
وهم يقولون الهوى دايم جنون ...!!
وحتى إذا عشقي جنون ... يبقى الجنون عين العقل ...!!
واثر الهوى كله عبث ...
لكن يجي منه فنون
)
الله على العشق النظيف ...!!
عشقت لي قطعة قمر ...!!
رجال ... مو رجال بس ...!!
وربي ي هو كل الرجال ...كله احاسيس ... وغلا
كله وله ...
زرع على شفاهي الدلال
إذا ضحكت ... يبكي
ياربي عليه
وإذا بكيت ... يموت
وعساي انا قبله أموت ...!!
وإذا لمس كفي بعض كفه شهق ...
بسم الله عليه
وقام يهذي ...!!
ويقول لي أحلى قصيد
وإذا انتهى ...
يرجع يعيد
وإذا انتهى ... يرجع يعيد
إلين أنام ...!!
تدرون البارحة وش قال لي ...؟!
البارحة قال
( تكفين ودي تزعلين ...!!
وإذا انا غالي عليك لعيوني تكفين ازعلي ...!!
تدرين ليش ...؟!)
بصراحة خفت ... وقلت ...
( ليش ...؟!)
يقول
( ابا اتلذذ وانا اطلب رضاك ...
وربي ل سوي كل شيء ... إلين ماترضى علي ...!!
وحتى إذا صار ورضيتي ...
ب ارجع بعد وازاعلك ...
واعود أطلب لك رضاك ...!!
واسوي كل اللي تبين ... بس ازعلي
خليني انعم ب الزعل ... وانعم إذا ترضين ...)
وربي جنون ...!!شفتوا الهوى وشلون ...؟!
حتى في وقت الزعل يحلى الهوى ...ويحلى بعد إذا رضيت ...!!
ياربي وش هالحظ الحلو ...؟!
احس انا فعلاً حييت ...!!
كان الزهر اسود ...
والليل هم ...
وكانت سواليفي حكي ...
واحلامي شتات
الله على عشق البنات ... موت وحياة ...!!يا الله نوموا يابنات
بروح أنا في غرفتي
أجلس انا وقلبي جميع ... بلحالنا
نقراء دواوين الشعر
ونضحك سوى ... ونبكي سوى ...
ون نام ونتغطى باحاسيس البنات إذا عشقوا ..!!
ونذوق لو مرة دفى ...!!
ان شاء الله تعجبكم ,,
منقول