بناات تعالواا بصبغ شعري

عـطـر الأماكـن*

31-12-2022 - 01:04 pm

السلام عليكم ورحمة الله وبركاته..
كيفكم بناات..اخباركم؟؟
المهم الزبده اني بصبغ شعري..
وشريت الصبغه..بس كل ماقلت بصبغ اهون..شعري مندمر من الاستشوار والفير..واخاف الصبغه تدمره زياده..
المهم عشاان لاخرج عن صلب الموضوع..لون بشرتي حنطي فاتح..يعني لون غريب اول مره بحياتي اشوفه
المهم وقررت اصبغه الصبغه هذي..وقولوا لي وش رايكم واللي جربت تقولي وش رايها..
بس متردده كثير..اخاف يطلع مافيه تناسق بينها وبين لون بشرتي..او انها تسمرني اكثر..
واذا تعرفون وش الالوان اللي طايحين فيها اللحين غير الاحمر لانه مايصللح لي قولوا لي..
يالله بنات كل وحده تدخل..تعطيني رايها..وتدلي بدلوها من معلوماتها
واذا تعرفون وش الالوان اللي طايحين فيها اللحين غير الاحمر لانه مايصللح لي قولوا لي..
المهم مابي اشوف اللي يدخلون اكثر من اللي يشاركون ..
وان شاء الله تعم الفايده على الجميع
عطر

التعليقات (7)

غيمة وفاء

31-12-2022 - 04:12 pm

حبيبتي عطر مثل ماتقولين شعرك مندمر وحالته حاله ليش تبين تتعبثين فيه صدقيني شعري اول ياخذ العقل
والكل يسألني وش احط فيه وانا مااحط فيه شي من الله ويوم صبغته صرت انا مااحب اشوفه واحاول اللحين اعالجه
على الاقل لو يرجع شي بسيط مثل اول عيوني انتي بكيفك بس حبيت انقل لك تجربتي والله يوفقك

شــــ الــــــروووح ــووق

31-12-2022 - 05:13 pm

انا انصحك بالحناء افضل من الصبغاات واحسن للشعرر
واذا ملزمه عالصبغه جربي درجات التررابي

بونيتا

31-12-2022 - 06:14 pm

عزيزتى انصحك اول شى عالجى شعرك بعدين صبغيه لان اذا كان الشعر مقصف وتعبان من الاستشوار وصبغتيه ماراح يطلع حلو

عـطـر الأماكـن*

31-12-2022 - 07:15 pm

غيمة وفاء ..شعري فيه شيب مومن كثره بس يقولون اذا قطعته بيطلع اكثر قلت اصبغه احسن..مع العلم اني مو اول مره اصبغ ولا ودي ادمر شعر اكثر من كذا بس يقولون ان اللي بتصبغ تحط مع الصبغه بيضه ومايخرب شعرها..لان فيه مادة الامونيا بالصبغه والبيض يبطل مفعوله والامونيا هو اللي يدمر الشعر..
شوق الرووح ..ياقلبي عليك من زمان افكر بالترابي بس احس انه موضة العام..طيب وش رايك بالصبغه اللي شريتها مو حلوه اغيرها؟؟
بونيتا .. العلاج ياخذ وقت وانا وراي مدرسه يعني اذا كل يوم بحط شي بشعري يعني لازم كل يوم اتروش يعني كل يوم استشور شعري<<ياعمري بونيتا الضرر بيصير اكثر من النفع..انا يالله يالله بالاجازات احاول اللحق عمري حمامات زيت وخلطات وكل شي..بس بايام المدارس صعبه شوي اقعد اعالج فيه بس احط مايونيز وزيووت..
والله يعطيكم العافيه ويسعدكم على المرور

شــــ الــــــروووح ــووق

31-12-2022 - 08:16 pm

انا احس احلى شي االاشقر بدرجاته والبني والتررابي وموضتهم ماترروح ابدا

LOLO999

31-12-2022 - 09:17 pm

اللون اللي اخت رتيه جميل مع اللون الحنطي لكن اهتمي اولا بتغذية شعرك ثم اصبغيه

عـطـر الأماكـن*

31-12-2022 - 10:18 pm

شوق..الاشقر مايمشي مع لون بشرتي ابد..بس الترابي يجنن..وان شاء الله ادور على درجه مضبوطه واللي تشوف درجه لون حلوه تكفوون تحطهاا..
لولو..خلاص ابعقل..شورك وهداية الله..ابحاول قد مااقدر اتعصر واعالج فيه ويارب انه يطلع صحي وعيد الاضحى ان شاء الله صابغته صابغته.. ولو ان ودي اصبغه اللحين عشان الشيب

ماني مصدقة ان شعري صار هالحلاوة وهالطول وهالكثافة لا وبطريقة سهلة وايد←
التونك الماليزي→