بنات ابي اتزوج شلون

السلام عليكم
مساء الخير
بنات اخباركم علومكم؟؟
انا تراني مو جديده في المنتدى انا كنت مسجله بلقي ثاني بس من زمان ما دخلت المنتدى
ويوم جيت بحط موضوع يقولي لاتستطيع
المهم ما علينا
يا بنات انا عمري 22 بدخل 23 برمضان وادري بتقولون صغيره
بس انا ابي تزوج ابي اعف نفسي ما ابي اروح بالحرام
كل الي حولي متزوجين وعندهم طفل
والمشكله مو عايبني شي
صحيح انا لاني جميله ولاني شينه وسط ومقبوله
وزدايم اذا رحت مكان اعجبهم ويسالون متزوجه ولا مخطوبه
والمشكله الكل يقولي نفس الكلمه( شكلك متزوجه من هيئتك)
اقولهم لا
ا لمشكله محد خطبني ابدأ الا مره توه من 3 شهور ولا ما بغوني يبغون وحده جميله
وهم مالت عليهم سمر حيل انا افتح منهم بواجد لاني بيضه ولاسمره وسط
المشكله ابي اتزوج بس شلون متري
وبنتخالتي كبري ما شاء الله دائما تتخطب الا انا يمكن عشانها بالجامعه وغير كذا كل الي يجونها
ماشاء الله شغلهم زين وراتبهم كويس
بس ترفضهم لانهاتحب واحد ومتفقين ع زواج هي معه بس بدون احد يدري
الا انا >>>فديتني بس
محد خطبني ولا قرب صوبي ماني عارفه وش السبب
مع اني حلوه حنطاويه فاتحه وشعري قريب لناعم حتى اذا استشورته يفكرونه ناعم شعرتي لينه
وطولي حلوه 155 بس اذا شافوني الناس يقولون موش مبين انه هاذا طولك كانك اطول
ووزني 54 متناسق
ال عيب الوحيد الي فيني موب زين خشمي (انفي) لاتفكرونه كبير لالالالالا بالعكس عادي بس انه كبير
بشكل بسيط بس مو لدرجه مشوهني وعيوني لاهي صغيره ولا كبيره وسط
كل شي فيني وسط
الحمد الله
ايه عاد اقولكم يمكن عشان بينت خالتي بالجامعه وتطلع مه صديقتها وعزومات وانا لا ما قبلوني الجامعه
تو السنهدرست انتساب بالجامعه
وغير تدرون هي عندها مكافئتها وتتشيك هي وصديقاتها وانا لا صحيح لبسي قريب من لبسها بس هي من دخلت الجامعه صارت توب 1 قمه مسكته ما شاء الله عليها ربي يوفقها
وانا كله جالسه بالبيت من بيتنا الى بيت جدتي ونجمع امي وخالاتي
وبس او نروح مجمعات او عزايم لا واللي يقهر انا مو مثل باقي البنات اترزز عشان يخطبوني لا استحي ما عندي هالحركات
وانا هاديه مره بس عصبيه واحب اضحك
زين اني درست السنه بالجامعه كل سنه وراهم وراهم اسجل لين يقبلوني وما قبلوني
لين فتحو جامعة الملك فيصل انتساب بفلوس واهلي قالو لي بس بندفع لك هالسنه ولازم تحولين نظام وتجيبين نسبه
بالاخير ما جبت نسبه نسبتي 2,47
يعني مقبول وهم يبغون 3,5
يعني ما فيه امل شكلي بس هالسنه بدرس وبطلع
وانا ابي اتزوج ومنها زوجي يدفع لي
وودي اكمل دراستي
ولا يوم جا الي خطبني هاذا تخيلو اول مره امي تقوليكذا انا استغربت منها تقولي وافقي انا لو علي
زوجتك من زمان >>وجه مستغرب
تقول روحي تزوجي طلعني معاه يدلعك ويعطيك ومدري ايش ويجيبلك نجوم الظهر وتخففين عنا مصروف ومدري ايش
مع انو الحمد الله ابوي متقاعد من ارامكو بس اخر 3 سنوات الراتب يخلص من ثاني اسبوع
والحمد الله اشتري اغلي الملابس
وانا تفكيري مو كذا ابي رجال يفهمني وافهمه احترمه ويحترمني اقدره ويقدرني
يعني ابي نكون متفاهمين حتى لو يكون فقير موافقه المهم متفاهمين>>> عاد مو فقير ع الحافه ههه
وقالت حق اخوي من بيجي يخطبها ما جاها الا هالواحد ما نبيها تجلس بكبدنا
وانا من يومها وانا خلاص ابي اتزوج
شنو رايكم وش اسوي