بنات احذروا من اي حبوب تخسيس زي سيبوترم و فايتوشيب

1. بنات احذروا من اي حبوب تخسيس زي سيبوترم و فايتوشيب

بنات احذروا من اي حبوب تخسيس زي سيبوترم و فايتوشيب

بنات احذروا من اي حبوب تخسيس زي سيبوترم و فايتوشيب بنات احذروا من اي حبوب تخسيس زي سيبوترم و فايتوشيب بنات احذروا من اي حبوب تخسيس زي سيبوترم و فايتوشيب بنات احذروا من اي حبوب تخسيس زي سيبوترم و فايتوشيب بنات احذروا من اي حبوب تخسيس زي سيبوترم و فايتوشيب
بسم الله الرحمن الرحيم
السلام عليكم ورحمه الله وبركاته
اتعجب صراحة من المواضيع اللي تعرض حبوب التخسييس و تقول انها مصرحة من وزارة الصحة
حراام عليكم اتقوا الله ... والله ثم والله انها كلها كذب وتلفيق
انا شفت مليون موضوع من كدا منتدى عن حبووب فايتوشيب وسيبوترم و زينيكال شيتوكال ريدكتيل وغيرها كتير:50:
وانها تنحف وتسد الشهية والكلام اللي تحبو تسمعوه وانا صراحة صدقت وقلت خلاص بشتري واجرب:97: ....
الا الوالدة الله يخليها لي ولا يحرمني منها تقول لي قبل ماتشتري وتروحي فيها روحي لمستشفى الملك فهد واسالي الدكاترة هناك.....
توكلت على الله ورحت يوم الخميس لمستشفى الملك فهد بجدة وعلى طول عند الدكتورة
وسالتها عن الحبوب وكم مرا اخذها واستمر عليها الدكتورة لو تشوفو ووجهها كيف >>> ياساتر انا خفت كاني قلت شئ غلط بس استفسار لا اقل ولا اكتر:88:
المهم بعد ماكلمتها قالت لي خلاص خلصتي >>>طبعا انا كنت اقولها عن كدا نوع وايش تسوي وجالسه امدح فيها
سالتني سؤال ...
قالت لي تعرفي مشاهير زي حسين الجسمي و احلام و.... و..... >>>انا صراحة ما اعرفهم بس اشوف لهم صور في المجلات
قلت ايوا قالت وتعرفي اكيد فلانة وعلانة و ذكرت لي اسم رجل عمره 27 وهوا كوري وزنه تقريبا 157 k
لمن شوفت الصورة مرا مرا حزنت عليه كتل من فوق لمن تحت الله يحمينا
المهم بعد كدا قالت لي ..
ليه اليابان والصين وكوريا وامريكا اللي اعلى نسبة للسمنة سواء الوراثة او بغيرها ما استخدموا الحبوب ونحفوا ؟؟؟
انا سكت ... قالت لي يابنتي لو صدق ما منها مضار زي ماتقولي كان العالم كله رشيق ..
حبووب التخسيس صح راح تنزل الوزن في البداية وتحبيها و...و... بس المدى القريب راح تمووتي لانها باختصاار..
تاثر على مراكز الشبع في المخ
خفقان في القلب
اغشية على العين
صداع
تسيري عصبية يالطييف
تسبب اكتئاب شدييد فلمن تتركيها تسيري مفجووعة >>>>هادي سيبوترم
كمان ممنوعة في الاسواق والصيدلياات منعا باتا واللي يبيعها راح يتعرض لمسائل قانونية ومن دا الكلام
ومن جد بناات يعني بالعقل بالمنطق شئ ما ينباع الا بالنت والدكاترة ووزارة الصحة مانعتو
ايش كمان باقي ... النااس اللي تبيعها ما لهم ذمة ولا ضمير بس يبغوا يمشوا بضاعتهم ويكسبوا وبس ... مو حبا فينا ولا خوف على صحتنا ابدا ابدا ...
واتحدى اي وحدة تبيع من حبووب التخسيس تجيب صورة موثوقة بالختم بكلو على بعضو ..انها مالها اضرار ...
وغير كدا د / جابر القحطاني حذر منها في قناة الاخبارية وقال انها ::
تسبب سرطان القولون
اضطرابات في القلب
جفاف في البشرة
نقص البوتاسيوم بالجسم
غير مرخصه طبيا والمملكة العربية السعودية بريئة منها
وبعد هذا كله تبغوا تاخدوا منها .... لاحول ولا قوة الا بالله
انا من طلعت من عند الدكتورة وانا حالفة مستحيل آخدها لو ما ادخل من الباب ""/
وقلت لازم اخبر النااس المساكين اللي ينجذبوا للكلام الفاضي المعسول انها من اعشااب و.. و... >>>زيي:80: بس الحمد لله عرفت واتعضت
اللهم بلغت اللهم فاشهد *)....
يارييت اللي مشتركة فمنتدياات تانية تنقل كلامي وتنشره وتعلم صاحباتها ومعارفها اللي ياخدوا منها
وهادا اللي عندي حاولت اختصر قد ما أقدر
بس سوري على الاطالة.....Z
بالتوفيق للجميع وياارب كل البناات ينحفوا برجيمات صحية بدون حبوب