بنات ادعولي همي مايعلم فيه الا الله يمكن تصادف وقت استجابة

1. السلام عليكم ورحمة الله وبركاته

السلام عليكم ورحمة الله وبركاته

بنات انا في هم وحزن مايعلم فيه الا الله صرت ماانام الا والدمعة على خدي..انظلمت من ناس مايخافوا الله وحاولت انسى الموضوع وأنا متأكدة ان الله حينصرني...وحاولت انسى والتفت لمستقبلي وطموحاتي...ربنا يعلم انه كل خطوة أمشيها في حياتي أبغاها يكون فيها رضى لربي..المشكلة مين يسندني؟؟ مين يحن عليا ؟؟ انا انسانة جدا حساسة ومااحب أأذي احد ابدا..ووالله حتى لو حصل اني عرفت اني آذيت احد مايجيني النوم الا وانا اتخلصت من ذنبي دا ..وهدا نعمة من الله انه ضميري صاحي...حتقولولي فين المشكلة
حأقلكم اني انا عندي أب قاسي عليا والله ماانكر انه كان يوقف معايا وانه سندي لكن في السنة الاخيرة دي صار يستقصدني انا بسبب او بدون..اذا عصب لأي سبب كان لازم ينزل حرته فيني انا يسمعني كلام الموت اهون ليا من كلامه..والله صرت احاول ابعد من المكان الي يكون موجود فيه عشان لايأذيني بكلامه..الكلام دا مو عليا انا بس لاحتى اخواتي بس انا اكبرهم واكثر وحدة احتك في ابوي..الي مهون عليا اني عندي ام اكثر من رائعة والحمدلله وهيا الي دايما تصبرني على همومي ومشاكلي.. .والله اني نفسي ربي يعوضني بزوج يكون رحيم وحنون عليا واخلاق عالية ويسندني اني احقق طموحي واكون انسانه لها مكانة عالية بدينها وعلمها وأخلاقها....
والله مو عارفة ايش اقول اكثر لكن همي كبير مايعلم فيه الا ربي خالقي..الي قلته نقطة من بحر همومي وانا مازلت في عز شبابي...يمكن تشوفوا مشكلتي تافهة بالنسبة لكم ..لكن الي يده بالنار مو زي الي يده بالموية الباردة
حبيبت افضفضلكم شوية عشان ارتاح...واتمنى من كل قلبي انكم تدعولي ان ربي يعوضني بزوج صالح زي مااتمنى عاجلا غير اجلا..لاني صرت أحس اني بدأت أموت موتة بطيئة
ربي اني مسني الضر وانت ارحم الرحمين...ياحي ياقيوم برحمتك استغيث اصلح لي شأني كله ولاتكلني الى نفسي طرفة عين...يارب انك تعلم بسري وجهري ولايخفى عليك شئ من امري ..اللهم ارحمني وعوضني وارزقني من الخير كله أكثر مما أتمنى يارب عاجلا غير اجل
اختكم : ريما