بنات الامارات اريد محل يسوي زفات او حتى موقع تعبت ادور

حبووبه بنت الامارات
بالنسبه للزفات
ماعتقد اتحصلين حدج يسويلج زفه رخيصه
خاصه اذا الكلمات من عندهم
ربيعتي سوت زفه عند الفرقه الحربيه بس بصراحه كلفتها وما كانت لذاك المستوى
وماعرف اذا في حد اوكي بس بعد نصيحتي لج
حاولي تححدين انتي شو تبين الزفه يعني نوعها
وان شاء الله نحن بنساعدج فيها
وعن المواقع عندج موقع خاص لهالشغلات اسمه الزفه الكويتيه
وموقع دبي مون بعد فيه زفات
وموقع قطوف بعد فيه
وموقع الزفه
كل الي عليج اكتبي اسم الموقع فجوجل وبيعطيج الموقع
يعني وايد مواقع حلوه لهالشغلات
واذا تبين اي مساعده نحن حاضرين بس انتي حدد قبل شو تبينها
مثلا كلاسيك موسيقي
او اغنيه ربشه
او تكون يباب
او مثلا قصيده
او شي يناسب اسمج
يعني حاولي تفكرين عدل وان شاء الله نقدر نساعدج
وع العموم انا بعدني بسال عن محل اوكي للزفات واسعاره مناسبه
وفالج طيب حبوبه
تحياتي لج

ما تقصرين يا الغاليه...انا ما اقصد رخيصه...يعني يكون سعرها اوكيه ...عادي عندي....بس الاهم اي اغنيه بس تكون بلا موسيقى ....
دخلت مواقع وايد و لاعت جبدي و انا ادور ماشي فايده كل الي مر عليه سمعتهن في اعراس خواتي... انا ادور شي يديد...
قالولي عن محل اسمه الزعيم في بوظبي لكن ظيعت رقمه...
يزاج الله خير تعبتج فيايه

:( بنات شو ماعندكن معلومات !!

حبيبتي في موقع اسمه
زفات دوت كوم
اكتبي في قوقل الاسم
فيه كل شي حتى زفات بدون موسيقى
اسمعي المقاطع مره حلوه

محل الزعيم عندهم فرع في مركز ابوهيل بدبي ..
وعندهم زفات اسلاميه للمطرب الكويتي يوسف العماني .. واكيد عندهم زفات اسلاميه لمطربين ثانيين بعد ..

انا ممكن اساعد بنات الامارت بواحد يسوى زفات مره خياليه انا جربته في ملكتى
وخواتى خذو منه في زواجاتهم شغله جنان والقصائد اللى يكتبها خرافيه من حلاتها
كلمة مبدع وفنان شويه عليه
انا سويت عنده قصيده حق الملكه والله الكل انبهر منها والكل يسال منو سواها مره شاطر في الزفات
ويسوى زفات وقصائد حق ليلة الحنا قريبتى سوت عنده قصيده وطلعت جنان كل اللى عليك تتصلين فيه وتطلبين منه ويسمعك اذا الشغل اوكى يرسلها لك عن طريق شركة ارامكس وتوصلك لغاية باب البيت
اللى حابه رقمه تراسلنى وانا بالخدمه يالغاليات

احلى بسومة ممكن الرقم وممكن اعرف اسعاره

هلا اختي اذا حابه اني اساعدك في زفات حلوة انا اسوي ممكن تراسليني ع الخاص ونتفق ..
وياهلا فيكِ ..

اي خدمة في الزفات انا جاهزة
زفات المدينة
www.*********
نجمة الحفلة
http://www.*********/aghani/mwalt/ftnthfla.rm