بنات الاهليه وبنات الحكوميه

بما أني اعرف عن هوشات المدرسه << تقطع شعرها من كثر ماتتهاوش
قلت لازم أخليكم تنهلون من خبرتي
وحبيت أوريكم نمااذج من هوشاات بنات الأهليه والحكومه
طبعا بنات الأهليه هوشاتهم ماتتعدى الكلام
كل وحده تخااف على تسريحتها لاتخترب ياي
والميك أب لايسيح وبلوزتها الماركه لايصير فيها شي << يااي بقووه بعد
نبدا مع الآنسه ميمي : أنتي من سمح لك تقولين أسراري لصديقاتك ؟؟
فوفو: انتي اللي بديتي يافتانه ..
ميمي : ماتوقعتك كذا ياحقيره << مسبة بناات الأهليه الشهيره
فوفو : انتي كيف تتجرأين تقولين لي هالكلمه .. انقلعي يالشينه
ميمي: أنا شينه ياأراقوز <<< او عصبت البنت
فوفو : أنتي الأراقوز ياللحجيه ياللي ماتعرفين تلبسين.. شوفي بلوزتك ياي بالمرة مالهاداعي
ميمي :خلاص روحي عني لاتكلميني أنا بجد معصبه << قفلت معها
فوفو: ياجبانه ههه يامسكينه دايم تضحك علينا وتقول لبسها كلو ماركه كشفتها الكذابه <<حمت الهوشه
وتقوم ميمي وتكب الببسي على فوفو << أف خطيره والبنات كلهم بصوت واحد يااحرام تسريحتها خربت..
وبعدين كل وحده تاخذ لها زاويه وتجلس تصيح ولا رجعت البيت تكملها في حضن ماما
جينا لبنات الحكومه واو بعد قلبي والله
طبعا أمة محمد تجتمع ويشتغل التصفير والتصفيق وحبتين وكل وحده معاها فزعه ولاهوشات العيال في الحواري
عووش :هدووني عليها والله لاخذ حقي منها والله لربيك يا......(مشفر)القناه الأولى
مريومه :والله شكلي أنا اللي بربيك ولو بنت أبوك صدق مدي يدك والله لكسرها لك
عووش :ماجابتها أمها اللي تكسر يدي .. هدوني عليها
ويبدا شد الشعر والترفس وكل وحده تسدح الثانيه والشعب يصرخ << عااشت عووش اضربيها طوط.....
وتطلع أنوااع الكشش واللي شعرها سلك موااعين الله يعينها تحاول تربطه بشتى الوسائل والطرق بس مافيه أمل
وساعات توصل للرضوض والجروح والأبله اللي مستغنيه عن مستقبلها المهني تفك بينهم
وبعدين ياخذون تهزيئه من المديره في الطاابور وكل وحده فيهم شااقه الفم وتضحك وتحيي الجمااهير الغفيره اللي حضرت الهوشه