بنات البحرين ياليت تدخلون بسرعه

البحرين على راسي والله بس شوفي مانصحك فيهم لانهم رفعوا اسعارهم وبقوة
الى مارحم ربي اذكر من 3 سنين راحت بنت خالتي تتحنى هناك وكان السعر حلوو
مرة ورخيص 600 ريال كامل و السنة من كم شهر راحت وحدة اعرفها نفس المحل
اسمة رشا يمكن او شي كذا و تضارب في السعر معهاا خصوصا لما عرفوا انها سعودية ..
في هنا عندنا حنايات جنان أنا ادل محل راقي بالقطيف اسمة محل حنة
لبنات دعبل و يسوون شغلات حلوة و اسعارهم مهي قليلة بس تستاهل
بالتوفيق

ياقلبي جزاك الله خير والله انك راعيه فزعات
لكن من جد انا ابي البحرين حناهم حلو ولونه رايق مره ويثبت
ماقصرتي يالغلا

حبيبتي الراقيه
انا معاج وكلامج صحيح لكن معلومه حبيت اصححها لج انه صالون رشنا هذا لهنديات مالهم خص البحرينيات فيه...وبالاساس البحرينيات مو كلش يحبون نقش هذا الصالون لانه صار نقش وحنه البحرينيات احلى وافضل وسرعه اجمل
واكيد اذا بتودين لج بحرينيه من بلد لبلد بتاخذ عليج السعر دبل<<<من حقها اذا كان هذا شغلها الوحيد ولقمه عيشها
بالتوفيق خواتي

طيب وين بنات البحرين
تكفون ياحلوين وين التفاعل

أم الخير
السموحة منك يا أختي ماقصدي ازعل أحد او أهين لا سمح الله بس حبيت اوضح للغالية زين الكون اللي عندنا عندكم و صحيح اأن حنا البحرين معروف انة يصير غامق وحلو حنا اغلب الاحيان نأخذ الحنا من هناك ونجيب حناية من البلد تحنينا بحنا البحرين السموحة منك اختي إذا سبب لك كلآمي شي ..
واذا على اللي راح تجي من البحرين للسعودية مدري بس حنا اذا نبي حناء البحرين حنا الي نروح لهم مخصوص ونظل في محلهم لين يجف الحناء بعدها نطلع من المحل للبلد ..

في عندي ارقام حنايات واجد بس بصراحه مادري اذا يروحون سعودية او لا
اذا تبيني قولي لي وارسلهم لك

جزاك الله خير؟؟الله يوفقك انا راسلت لك ع الخاص مشكوره

جزاك الله خير ومشكوره
طيب حناهم حلو او عادي
يعني فيه حركات نقش غريبه

غاليتي ما يستقبل بريدش ممكن تقولين وين بالضبط الجبيل بعيده ام قريبه واي شي راسليني ع الخاص بالنسبه لتصوير