بنات الدمام والخبر بغيت مساعدتكم جزاكم الله خير

سمرة رومنسية

13-01-2022 - 05:06 pm

السلام عليكم خواتي .... فديتكم بغيت أطلب منكم طلب "صغيرون " بعد كم يوم بسافر الدمام والخبر عاد بغيت تساعدوني في عناويين الأسواق والمحلات لأني أولا ًما أدل في الخبر والدمام ولا شي رحت مرة مع هلي وضعنا وبعدين ردينا الدوحة ... ثانيا ً عندي 3 أعراس مهمة " عمي - خالي - بنت خالتي " يعني الحالة .
بغيت 1. محلات فساتين جاهزة وأسعارها مناسبة
2. محلات اكسسوارات
3 . محلات ملابس جاهزة
4 . أسواق تجارية كبيرة أسعارها مناسبة
وجزاكم الله خير مرة ثانية

التعليقات (5)

®][§]توتة الملك [§][®

13-01-2022 - 08:12 pm

ان شاء الله البنات بيساعدونك

حلم فتاة

13-01-2022 - 09:13 pm

هلا أختى
شوفي عندك بالدمام المارينا مول على الكورنيش منزل فساتين روعة وبعد عندك الخبر مول بعد يقولون انا مادري انه فيه حلوو
انا عندي زواج قريب بشتري لي من المارينا
انشالله فدتك
تحياتي

زيتونة الحلوة

13-01-2022 - 10:14 pm

هلا يسعدني اني افيدك اختي وتقبلي مروري
المجمعات المارينا مول بالدمام فيه فساتسن وجزم واكسسوارت
والخبر فيه مجمع الخبر بلازا فيه جزم واكسسوار وفساتسن بعد
فيه الحياه بلازا بالدمام بس صراحه يعني مو مره بس يمكن تحصلين فيه
فينسيا مول بالخبر بعد حلو وزي مارينا تقريبا وفيه الراشد والظهران هاذا احلى مجمعين بس يبيلك تدفين فيهم يعني تميز واناقه وان شاء الله تكونين استفدتي اتمنى لك التوفيق والله الله بالدعوات

أميرة بمملكتي

13-01-2022 - 11:15 pm

فيه في الخبر الجمعه سنتر فيه فساتين سهره
بالنسبه للملابس الجاهزه والأكسسورات عندك في الدمام مارينا مول وفيه فساتين سهره وكذلك
الشاطئ مول
أما الخبر ففيه الراشد و فؤاد سنتر مجمع الظهران

سمرة رومنسية

14-01-2022 - 12:16 am

تسلمون خواتي ماقصرتوا إذا رجعت بقلكم شنو شريت وبحاول أصورهم أغراضي
جزاكم الله خير جميعا ً

بنات ممكن تساعدوني←
الله يخليكم ساعدوني→