بنات الدمام والخبر بليز

هلا حبيبتي
تحصلي بالدمام بمجمع الحياة بلازا محلين حلوين يبعون ارواب خاصة للنفاس
وهم بن ضياء و ومحل اسمه روز اسعارهم من 80 ريال وطالع بس خامات قينتها فيها
حلوة ورزه وتستاهل وماتغير بالغسيل انا مجربتها شخصيا..
وتجهيز البيبي عندج بيبي هاوس وبوتيك نسرين والحصان وكم محل بسوق الدمام (سوقالحب) طبعا هذولا محلات عادية ماهي ماركات
اذا تبين ماركات عندج اوكسترا ومذركير وبي اتش اس ونكست وغيرره هوايه وكلهم تحصلينه بالمجمعات التجارية مثل الراشد ومجمع الظهران ومارينا مول والشاطئ..
انشالله اكون افدتك والله يقومج بالسلامة يارب

مشكوره اختي ام سجى
وان شاء الله البنات بعد بفيدوني أكثر

وينكم يابنات
تكفون ساعدوني

هلا اختي حبيبة الغالي
عندك نعومي عندهم ارواب نفاس شفتهم عند صحبتي
وكان شكله حلو وهادي في نفس الوقت
وملابس البيبي عندك سيتي بلازا
ومركز طابا التجاري بالخبر عندهم حاجات حلوة للاطفال
واسعارهم رخيصة
اتمنى اكون افدتك
تقبلي تحيتي

اسيرة بلا قصور
مشكوره حبيبتي
الله ينولج اللي في بالج يارب

مرحبا
انا والله تعبت من كثر ما اسأل هالسؤال في المنتديات ويالله الاقى اجابة مع اني من الشرقية بس لأن هذا اول حمل لي فضايعة في الطوشة
عموماً من خلال بحثي راح اكتب لك القائمة اللي جهزتها وامس رحت 3 محلات من القائمة : بيبي هاوس وسيتي بلازا وطريق الطفل
واكثر محل عجبني مرة هو بيبي هاوس اسرة الاطفال مرة روعة والمفارش اللي حق الطفل والاغراض اللي معاها روعة مرة بس اسعاره شوي غالية اما سيتي بلازا ماعجبني شي قدام بيبي هاوس احس الاشكال كلاسيكية وعادية اما بيبي هاوس عنده حركات حلوة وجديده وطريق الطفل مايسوى الواحد يروح له عنده ركن صغير مرة فيه كم سرير وماعنده مفارش
وهذي القائمة :
السرير والملابس :
1- بيبي هاوس – الدمام مقابل سيتي بلازا
2- مملكة الطفل – الدمام شارع الكورنيش بالقرب من بنده
3- طريق الطفل – الدمام بالقرب من مطعم المنتزه
4- هدية المولود – سيهات + القطيف
5- مولودي - خلي رامز على يمينك واتجهي باتجاه الكورنيش سيدة بتجيك الإشارة كملي سيدة بمجرد ما تعدين الإشارة هذي طالعي يسارك بيجيك محل مولودي
6- دادا باي – شارع الأمير نايف ش 42
7- بيبي شوب – الخبر شارع الكورنيش بالقرب من اسواق التميمي
8- اجواء الطفولة – الخبر – بالقرب من مستشفى المانع
9- تاج الشرقية – الدمام – شارع الأمير خالد مقابل حلويات سعد الدين وجنب سوبرماركت الشرق الاوسط
10- مركز التوفيق - مقابل المستشفى المركزي
مفارش:
11- قصر المهند – الدمام بالقرب من الدنيا الصغيرة
12- سوق الحب(بنت الوطن – الأبي – نسرين – أيمن لانجري – روز لانجري" قمصان رضاعة" )
محلات كبيرة :
13- آخر فرصة – الدمام شارع الكورنيش مقابل بنده
14- سيتي بلازا - الدمام
15- سيتي ماكس – الدمام شارع الكورنيش
16- السعر المنافس – الدمام مقابل رامز
17- سمينا بنفسك – الدمام بالقرب من مطعم المنتزه
18- طابا – الخبر بالقرب من مفروشات العصفور
19- سناء – الدمام خلف مجمع الواحة
المجمعات :
20- الحياة بلازا ( سماء – الرواد الصغار )
21- مارينا مول – قصر الدانة + بيت الجلابيات + واحة الجلابية – قمصان رضاعة
22- دبنهامز – الخبر في مجمع الظهران
23- ماركس & سبنسر - الخبر في مجمع الظهران – الدمام في مجمع ابن خلدون
24- جاكادي
25- ادمز
26- بمكن باتش – الدمام في مجمع مارينا مول
27- مذركير
-----------------------------------------
بالنسبة لقمصان الرضاعة والاستقبال عندك محل واحة الجلابية في مارينا مول الطابق الثاني قريب للمطاعم عنده شغلات حلوة انا اخذت لي قميص قطعتين من فرعهم بالرياض ب 230 ريال
ومحل روز لانجري تحته مباشرة بالطابق الاول عند السواني
وحل قصر المهند اللي فوق بالقائمة عندهم اطقم مفارش للأم والطفل وممكن يفصلون لك قميص بعد الليلة ان شاء الله باروح له
ويقولون بمحل في سوق الحب اسمه الأبي عنده خيارات اكثر من قصر المهند بس مااعرف وين مكانه بالضبط
ان شاء الله اكون افدتك
تحياتي لك

Pink_Dream
مشكوره فديتج
صج كفيتي ووفيتي
الله يسهل عليج يارب ويرزقج الولد المعافى يارب
مستانسه صراحه ذكرتي كلشي بالتفصيل

العفو اختي
من كثر البحث صار عندي خبرة وانا لسه ماجهزت
بغيت اقولك ان سمعت من بنات البحرين عن محل في البحرين اسمه النجم الجميل في بوري يقولون انه يفصل اطقم مفارش للأم والطفل ونفس المحل فيه حرمه تبيع بعد في بيتها وعندها بيجامات للنفاس ومفارش اشكال ثانية
ولقيت بنت من البحرين في منتدى ثاني بعد تفصل في بيتها مفارش وعندها اطقم عبارة عن 7 قطع
مفرش الدعس حق البيبى
مفرش عادى حق البيبى
شنطة البيبى
زبالة
سلة
علبة كلينكس
3 مفارش طاولة
ب 1200 ولو حبيتي تضيف لك :
مفرش الام
وسرير البيبى
وسلة الحفاظات
ولبس البيبى
والاباجورة المهاد
لو بغيتي سجلها الخاص ارسله لك وتراسليها خبريني لأن ماعندي رقمها
وفيه بنت ثانية بعد من البحرين بس منتدى ثاني تفصل مفارش وشغلها ماشاء الله حلو وهذا نموذج على شغلها :
تحياتي لك

Pink_Dream
يله شدي الهمه وابتدي جهزي
النجم الجميل سمعت عنه بس مارحته لازم امر عليه واشوف شنو عنده
وومكن اطرشين لي سجل البنيه الاولى
والبنيه الثنيه شايفه شغلها في منتدى ثاني بعد