بنات الرياض ارجو المساعده

استراحة مكسيم استراحة النخبة في حي الصحافة

عندك استراحة واحة مكسيم
ومذهله
وفيه قاعه تجن
روعه مره لكن عيبها بعيده مره في الثمامه,الاجار ب20 الف عندهم صالتين وانتي تختارين وحده منهم من جد روعه صراحه انا مادخلت انبهرت جدا شلالات ونوافير ومسبح شيء شيء خياال اسمها قاعة رشوش
ترا قاعة ريناد على الطريق الدمام رخيصه

فعلا مكسيم وعندك مذهله انصحك فيها خيال
وشوفي الغلا قاعه نواره حولها كله استراحات
فخمه عند الصحافه
ومذهله في مخرج 4 او 5 قبال غناتي
سعرها يوم الخميس او الجمعه 10الالف او 9 الالف
ومدري هل يعطون بس نساء بس بدون رجال؟
وعندك الواحه الخضراء اتوقه انه اسمها كذ1 كبيره
وين موقعها بالضبط نسيت والله
في الثمامه بعد فيه

ابقولك شئ لو تحسبين التكاليف الاستراحه
مع العشاء مكسيم وسط الاسبوع 15 الف او عشره
وكل شئ من عندهم صبابات والعشاء على حسب
فيه 60 للشخص او 65 او 70 او 75
بس انصحك بااعلى شئ لانه يفرق كثير من ناحيه
الحط في الاكل

الله يجزاء خير لكل اللي ردو على موضوعي بس مذهله محجوزه والا ياسلام جنب بيتي..
ههه
يالله يابنات الهمه الله يخليكم انا ماابي استراحه نظام قاععه لا ابي تكون مجالس كبيره جدا لان الحفله حفله مو مره كبيره لا بسيطه وعائليه..

شووفي يالغلا
ترى نظام الاستراحات مثل مكسيم نظام قاعه
وانا اشوف روحي لطريق القصيم
او الثمامه من وراء وشوفي استراحه ملمومه وتناسب لضيوفكم .
شوفي يالغلا عندك استراحه الطبيعه بطريق القصيم
انا رحت لها قبل كذ1 اذا سوينا جمعات
ابوصفه لك ويمكن تعجبك
اول ماتدخلين على يسارك خيمه كبيره
وعلى يمينك ثيل كبير وامشي شوي مسبح صغير
في الوسط ومن الزاويه مغاسل تحمامات تكرمون مع
بعض وجمبها خيمه وسط وجمبها مطبخ وجمب
المطبخ مسافه وفيها غرفه كبيره كلها كنبات حلوه
مو شينه يعني حديد من تحت وفيه مسبح مغلق
كبير وبس وفيه جزء ثاني بس حنا ماناخذه
وان شاء الله قدرت اوصف لك لو شوي منها
ودمتي بود

اغلى خفوقي تسلمين على فزعتك وانشالله نفزع لك باافراحكم يارب..
الطبيعه حلوة وحتى اهل زوجي كانو حاطين عزيمتي فيها وانا عروس حاطين الناس في الثيل والبوفيه في الخيمه والطاولات حقت الاكل برى تقريبا مكان مرتفع..
اه ذكرتني باايام الزواج..