بنات الرياض تعالوا دلوني على أسواقكم وين

والله معلوماتي بالأسواق ضئيله
ان شاء الله البنات مايقصروون

بنت الغرور بساعدك باللي اعرلإه بالاسواق لاني مو من الرياض بس انا اتسوق من الرياض بس بروح بلموزين لاني ماعرف وين موجودين وباي حي بس اقول لصاحب الموزين اسمه وهو بيوديني للمول تبين ملابس جامعه والبنطولونات حيااه مول خريص بلازا وصحارى وغرناطه اما بالنسبه للعبي فيه عندك سوق حجاب ( بالنسيم اتوقع )محلات العبي كثيره فيه ويفصلون لك بسرعه انا فصلت عندهم عبايتي وبسرعه طلعوها لي وحتى الطرح وعلى حسب الطلب اما الشنط والجزم بخريص بلازا واو صراحه الجزم خيال جيتهم 6/12 قبل العيد قسم الجزم عندهم لايعلى عليها هذا اللي اعرفه يالغلا وان شاء الله اكون افدتك بشي

عندك مولات كثير بالرياض بطريق الملك فهد فيه الرياض قالري وفيه حياة مول وجنبها صحارى وصحارى بلازا ..
ومركز الفيصليه والمملكه برضواا حلوه
وعند العليا مول على شارع العليا
وعندك على العروبه القرعاوي ام بعد على طول شارع العليا كلها محلات
وفيه سيتي بلازا بطريق الملك عبدالله
هذا اللي اتذكره واللي اتسوق منها بالشمال بس فيه بالشرق وكذا بس ماعرف وان شاء الله يفيدونك البنات دعواتك يالغلاا

حياك الله ياهلا بك حبيبتي
عندك الاسواق بالرياض كثيرة عندنا تنافس بين البقالات والصيدليات
اذا تبين ماركات عندك حياة مول وصحاري بجنبة
والفيصلية والعليا مول كلهم بالعليا
وخريص بلازا بالروضة طريق خريص
واذا تبين اسواق رخيصة وعبايات عندك المجد مخرج 15
وسوق حجاب بالنسيم
وبالتوفيق ياقلبي

هلا وغلا بالغاليه عندك اسواق كثيره
صحاري وغرناطه والفيصليه والمملكه
وحياه مول وخريص بلازا
واذا تبغين مراكزصغيره عندك سيتي بلازا {سنتر بوينت } حاليا وسيتي ماكس بعد
والله يوفقك

خريص بلازا طريق خريصحجاب سوق شعبي و فيه كل شي العبايات و الملابس والالعاب ..................... شرق الرياض شارع الاربعين تقاطع احمد بن حنبل

شوفي حبيبتي انا من النوع الي ماحب الف خمسين سوق ولا احب اروح اتمشى في السوق اذا ماراح اشتري انزل اسوق اشتري الي ابيه واطلع واعرف المحلات ولاسواق والماركات الي ابيها امر عليها واخذ اغراضي واطلع فيه ناس بجد فاضيه تاخذ الانجري من سوق والعطورات من سوق والجزم و...........الخ تبين محلات حلوه وموجوده فيها الماركات المعروفه روحي صحار والفيصيله فيها كل الماركات ولا تلفين ولا تعبين نفسك واذا تبين عبي حلوه ورخيصه عندك الرياض مو بالروضه عبيهم حلوه وفخمه واسعارهم مره حلوه وسوري على الاطاله

الرياض غاليري
غرناطة
حياة مول
صحارى و صحارى بلازا
خريص بلازا
العثيم مول
رمال سنتر
الفيصلية و المملكة
العليا مول
عبايات ،، >> الرياض مول

بنات كلكم مشكورات والله يعطيكم ألف عافية ’’’
في بعضها مريت عليها وبعضها مرت عليا أسمائها
بس عندي سؤال وين رمال سنتر ؟؟