بنات الرياض محتاجه مساعدتكم بقاعات الاعراس الله يسخر لكم الطيبين لاتخلوني

~ خيالية ~

13-05-2022 - 06:52 pm

اهلين بنات
بليز وربي متوهقه وبضيقه مايعلم بها الا رب العالمين ومافي وقت نهائيا
انا من منطقه ثانيه .. والزواج المفروض يصير بالرياض
ومااعرف ايش احسن القاعات واللي سعرها معقول لأن ميزانيتي متوسطه مو مره
وبالنسبه للرجال والنساء ابيها شامله يعني
وبكم اسعار اللي تعرفونهم
..
بما ان في زفه .. يستحسن القاعات اللي مافيها درج واللي يجي فيها اصانصير تنزل منه العروس
او تطلع من تحت
لأني خير شر ماعرف امشي على الدرج بفستان وش كبره مع كعب بعد ..
لاتستغربون انا حكايتي حكايه مع الكعب وعمري مالبسته ولاني متعوده عليه
فمالها داعي درج
الا اذا كانت القاعه اللي تعرفونها كويسه وتشجع ودرجها كويس <
.
.
محتاجه اسماء القاعات الزينه مع اسعارها الله يعافيكم ويرزقكم اللي تتمنون : )

التعليقات (9)

اهات مغتربه

13-05-2022 - 09:11 pm

الرياض قاعاتها كثيره بس لازم تروحين تشوفينه
فيه الغالي وفيه الرخيص وفيه القديم وفيه الجديد
الف مبروك اختي والله يوفقك

~ خيالية ~

13-05-2022 - 10:12 pm

الله يعافيك يااهات ويرزقك
انا ادري اني لازم اروح اشوف .. بس المصيبه اني مااقدر اروح .. ضروفي ماتسمح .. ولا كان ماحطيت موضوع هنا !
مره مزنوقه بالوقت ولا اقدر اسافر واروح واجي .. مافي اللي يتكفل بروحتي وجيتي للأسف !!
عشان كذا محتاجه مساعدة البنات هنا ..

حب الرياض

13-05-2022 - 11:13 pm

يعني ماشاء الله انتي اللي تختارين القاعة...
شوفي حبيبتي بالعادة القاعة اذا كان مافيها درج تصير عادية والفخمة غالبا فيها درج...
حبيبتي القاعات اللي تجي اسعارهن بحدود 20 و25 موجودات بشرق الرياض بطريق جابر مقابل استاد الملك فهد..وفيه قاعة اسمه سمر حليوة وبدون درج..
وقاعة ليلة حياتي والمبارك كلهن حلوات بس بالدرج.. وان شاء الله اللي عندهم خلفيه يفيدونك

~ خيالية ~

14-05-2022 - 12:14 am

حب الرياض
مره شكرا حبيبتي .. ماقصرتي الله يوفقك
بس الان في قاعات ب اصانصير .. واتصور انها حلوه .. فياليت تدلوني عليها وبكم اسعارها : )
انتظركم ..

الفالحيه

14-05-2022 - 01:15 am

اول مره ادري ان فيه قاعه وفيها اسانصير خ
فيه دره العروس اسعارهم 25 الف اتوقع
وبعدين هم يرفعون اسعارهم وقت العطلات والمواسم
ماني بالرياض لاكن عرس اخوي صار فيها مره وسيعه وحلوه وكشخه لان بدرج
الفالحيه

أم فرفورة

14-05-2022 - 02:16 am

اب لعيونك

** ود **

14-05-2022 - 03:17 am

حبيبتي شدخلك بالقاعه اذا اهل المعرس بالرياض هم الي يدبرون العرس ويدفعون حقه هذا الي انا اعرفه..
يعني مهرك شيلحق عليه..على العموم القاعات الي تتكلمين عنها باصانصير اكيد حيل غاليه..
في قاعة حضرة فيها اسمها العرب جنب سمر حلوه وديكورات جدرانها فخمه..اتوقع قيمتها 30 الف
بالتوفيق

~ خيالية ~

14-05-2022 - 04:18 am

تسلمين يالفالحيه ^_^
الله يسلم قلبك
ام فرفوره الله يرفع مقدارك حبيبتي
اختي ود .. احنا بعاداتنا الزواج على اهل البنت
انتي صادقه المهر مو ملحق شي ابد !
ومزنوقين بس الشكوى لله !!

بنوته وردية

14-05-2022 - 05:19 am

انا زواجي كان بقاعه بانوراما بحي الروضه كان شرطي مثلك مايكون فيها درج وهي مافيها درج بس يوم تقربين مني الكوشه في ممر مائي تحت مسبح مائي صغير وجسر تعدين من فوقه وتروحين للمنصه سعرها مدري بس اظن حول 20 الف بس تختلف من وقت لوقت يعني الصيف مو مثل الايام العادية بس احسن شي تحددين المنطقه اللي بكون عرسك فيها يعني شرق غرب جنوب الرياض وعقبها تدورين اما الرياض بشكل عام مستحيل الرياض قاره مرره كبير وقاعاته كثار حددي وجهه وعلي اساسها البنات يساعدونك وبالتووفيق ياعروس

فستان فرح فخم للايجار←
بنات الرياض انا مره متوهقه بقاعات الاعراس ساعدوني الله يخليكم ويسهل اموركم→