بنات الطائف ضروري

مني من الطايف
ان شالله بنات الطايف يفيدوك

سبحان الله
وربي نفس الطلب اللي ابغى ابدا ادور عليه ابغى كوافيره ومصوره يجوني للجنوب حتى نفس المنطقه تقريبا اللي انت تبغينها (بس انا في بلجرشي مو الباحه) لان زواجي باذن الله بيكون هناك واانا من الشرقيه ولا اعرف هناك بالجنوب شي صاحي ممكن نعتمد عليه ..... مع اني قبل فتره يمكن سنه تقريبا سمعت عن كوافيره مغربيه موجوده في الباحه معرووفه و مختصه بالعرايس بس مدري عن شغلها اعرف وحده سوت عندها تقول حلو. بس انا مدري عنها
بس انا اقول بادور في جده يمكن فيه مجالات اكثر وفرصه اكثر نلاقي من هناك وهي اقرب منطقه ممكن نلاقي فيها شي يناسبنا .. وانت كمان وسعي مجال بحثك في منطقة جدة
ههه لاحظي العباره بس كأننا بنقلبها مباحث
وعلى فكره انا كمان ابغى اجيب لي كوشه من برا برضه وبابدا ادور في جده او الطايف او ابها على احد ممكن ينزل لي كوشه لبلجرشي
وعلى العموم انا لو الاقي كوافيره ممكن تنزل الباحه باذن الله اني ما انساك واخبرك.... وانت كمان لو لقيتي خبريني
و اخيرا أسال الله لي ولك وللجميع التوفيق والتييسير

اسألوا البنات عن وحده اسمها "امال" تطلع من جده بصراح شغلها جنان
سوت لوحده اعرفها وطلعت معاها للباحه اتمنى اني اكون افدتكم والله يفك زنقتكم

حبيت اقول لك انه فيه كوافيرة سوت بنت اخوي العروس وافضل انك تسوي عندها لاني جربتها ومعروف شغلها وهي جات عندنا للبيت وحسب علمي انها تسافر خارج جدة وهي كوافيرة مبدعة اخذت رقمها من المنتدى سوت لي ولاهلي وللعروس ولانها فنانه ماكياج خطيرة ماكياجه ا ماعليه أي كلام هي مو كوافيرة عادية هي فنانة مبدعة وشغلها متقن وروعة وكل الحاضرات في القاعة من اعجابهم بالشغل سالوا في أي مشغل سويتوا ؟ وبلغناهم اننا عملنا عند فنانة تجميل مو مشغل
اسمها الكوافيرة أم حسام
وشغلها سواء الخفيف أو الثقيل قمة في الجمال لأنها فنانة في اختيار الألوان وتشوف اللي يصلح لكل زبونة يعني تدخلي لها بشكل وتخرجي بشكل ثاني ممتاز ماتتخيليه هذا غير العروسة اللي طلعت من تحت يدها زي القمر, كمان تساريحها مرة روعة وحسب طلبك تعمل لك
اذا حبيتي راسليني لى الخاص وربنا يوفقك