بنات الكويت طلبتكم لا تردوني في لبس الشيلة على طريقتكم

شدعوه وينكم يا بنات
ترى أول مرة أطلب شي

عزيزتي
أنا من الكويت ممكن تقولين نصي كويتي و نصي عراقي
عالعموم
هي تعتمد عالبنت نفسها
أنا شخصيا احب الشيلة الملونة خصوصا الأبيض
و ممكن تحطي طاقية إذا كانت الشيلة شفافة
اشلون أوصف لك طريقة اللفة هذا صعب الكتابة
لازم تشوفين الحركة
عالعموم
أولا حاولي تكون الشيلة نفسها
متوسطة الطول لا قصيرة و لا طويلة
في طريقة إنك تأتي بطرف الشيلة من الأخير و تبدئي اللف على محيط وجهك و تتركي الطرف الثاني طاير بس ممسوك بماشة صغيرة أو مشبك صغير ما يبين
في طريقة أنكي تضعي الشيلة بالنص بالضبط متدلية على الجانبين بوجود الطاقية و تشمري عنهم عالكتف
في بنات يتفنون أكثر بصراحة بس أنا شخصيا ما أحب المبالغة
أتمنى يكتبوا لج أكثر

شكرا لك أختي على مرورك و بحاول و أباطبق طريقتك

ياهلا فيك يااختي
وان شاء الله البنات يساعدونك
وسعدتُ بوجودك في المنتدى
والله يوفقك والى الامام
الصغيرونة

شوفى حبيبتى تأخذين الشيله الطويلة حوالى 2 متر وتضعين الكليب فى ثلاثه أرباع المسافة وتضعين البقية حول الرقبة والجزء الأطول يلف حول الرأس وللتثبيث والزينة يوضع دبوس تدخل طرفة داخل الشيلة والطرف الآخر ظاهر وسلامتك .

ههه
اي والله
معظم البنات الي في البحرين يحطون الشيلة
على الطريقة لكويتية
واني وحدة منهم واحبها
بس خيو ماعرف شلون اشرحها
بس احيانا البس شيلتين
الشيلة الي تحت تكون سادية وللنفخ بس
وسلامتكم