بنات الله يحقق لها مرادها اللي ترد بخصوص المكياج من الالف الي اليآء رجيتكم لاتطنشون

السلام عليكم
كيفكم بنات وش اخباركم وش احوالكم طيبين او منتو طيبين ؟؟ ان شاء الله الجميع يكون في احسن حال < اخلصي
يشهد الله اني احبكم كلكم وادعي لكم في ظهر الغيب
بنات انا باقي على زواجي شهر والحمدالله خلصت كل اغراضي
ماغير المكياج باقي ماشريت ولا شي حتى الروج ماشريته
والله يابنات يمكن ماتصدقون بس بحياتي مااستخدمت مكياج احنا
عندنا عاده قديمه شوي وعاده غبيه صراحه لانه الجيل تغير عندنا الوحده عيب تحط مكياج الا اذا تزوجت
حتى ماعرف احط مكياج ولا اعرف ارسم عيوني جربت احط كحل
بعيني هالايام والله يابنات عيوني تدمع لاني ماتعودت وربي احس
شوي واصيح خوياتي نصحوني يقولون ماينفع كذا كيف ثاني يوم
زواجك اذا رحتي عند اهله انتي عروس لازم تحطين مكياج
طيب وشلون وانا ماعرف شي بالمكياج ولانب فاهمه فيه شي
وربي يابنات حتى ماركات المكياج ماعرف ولا شي منها اعرف
مكياجي وجوه وبدي شوب بس وربي اشوفها لا رحت السوق بس
ماعمري خشيتها احس مايلزمني شي فيها
بس هالحين مظطره وغصب عني ان شاء الله بخلي خوياتي يعلومني
شلون ارسم العيون لانها اهم شي عندي يعني اقدر اتدبر على يد وحده
بنات مو هذا موضوعي
موضوعي هو ابي تكتبون لي افضل انواع المكاييج وافصل ماركه حتى لو غاليه اهم شي يوم ادفع الفلوس تكون على شي يستاهل
يعني الاحظ بعض مكاييج البنات اول ماتجي يكون روعه شوي والمكياج اختفى والا احيان بعض البودره تحطين وتبقع بوجهك مكان فيه بودره ومكان لا
انا ابي المكايج اللي يثبت ويكون حلو ويعطي صفاء للبشره وما كأنك حاطه مكياج والله في بنات وربي اقرب منهم ماكأنهم حاطين شي وهم اصلا حاطين اساس وبودره بس مو واضح كأنها بشرتهم
بنات مابي كل وحده تدخل وتقول انا سمعت عن مكياج كذا انه حلو
لا لا لا لا مابي كلمت سمعت
ابي الشي اللي عن تجربه وتستخدمينه انتي وتشوفينه حلو
ابيكم تكتبون كل شي من الاساس لين الماسكرا كل شي يعني
اللي احتاجه لعمل المكياج واللي ضروري يكون معي لانه في اشياء
احس مالها داعي مدري كيف يستخدمونها ابي تكتبون لي
الاساسيات وتكون حلوه وعن تجربه يله انتظركم تكفون لا تطنشون والله شايله همه مابقى الا شهر