بنات الي جربت المراميه للشيب تجي تكفون

السلام عليكم يافراشات
اخباركم ؟
بنات انا ماكتبت الا من خوفي ازيد الطين بله --- ابشرح باختصار قد مااقدر --المهم انا صبغت شعري اشقر مدة كذا ثم بعدها صبغت لون بني وهذا الكلام قبل سنه ونصف
بتقولون وين السالفه بالضبط انا اقولكم
بعد هالصبغه البنيه وليتني ماصبغت -- طلع شعري الاصلي وللاسف كان شيب واكثره في مقدمة الراس بنات وربي اتفشل اذا جلست عند احد --بعضهم يصرحون لي ليش شعرك شيب وانتي لسى صغيره والله من الفشله اسكت --بتقولون لي استخدمي صبغه انا حلفت ماعاد اصبغ ابداً بعد الشيب الي طلع والبهتان الي كان بشعري وانا افر بالمنتديات الا والقى حل حق الشيب وطرت فرحانه واخذها وهي المراميه ويوم استعديت وابي اسويها --الا وتدق علي صديقتي وتقول ترى طريقة المراميه تحطينها (((بس))) على الشيب وباقي الشعر لأ لان المرامية تقص الشعره من جذورها سواء كانت شيب او عاديه --قلت يافرحه ماتمت وانا الي حسبت احطه على كل الشعر بدون مااقعد اطلع شعرشيب وهذا شيء متعب وانتي تطلعينها وحده وحده
السؤال تكفون بنات الي جربت المراميه هل صحيح احطها بس على الشيب والا عادي على كل الشعر ؟؟؟
اخاف ازيد الطين مو بله الا بلتين ويطيح شعري كله
تكفون يابنات انتظر الي جربته وماسوا لشعرها العادي اي شيء؟