بنات اوقفوا معي و شجعوني احس نفسي مرة مكتئبه النصيب وماله وما عليه

1. وكلالالالالالالالالام طويل وعريض

السلام عليكم ورحمه الله وبركاته
اخواتي
الصدق انا مرة مكتئبه وحزينه واكتب لكم وانا مرة ابكي من القهر
نفسي احد يتناقش معي ويتفاهم واقنعوني وانا حطيته بهذا القسم عشان الي عندها تجربه وحصل معاها كذا تخبرني وش صار معاها
تخيلوا عمري كبير ماني صغيرة
والصدق انا قبيليه ولم يتقدم لي من قبيلتي ولا أي احد نهائي وكل الخطاب الي يجوني من قبائل ثانيه
ويرفضونهم اخواني وبحجج غير مقنعه
اولها ماهو من قبيله معروفه ولا شيء - لازم يحدد لنا زواجه باليوم - لا هيا موظفه اكيد بيأخذ راتبها والصدق ما احد اخذ من راتبي شيء ولا احد استفاد مني عندي شيء ولا اصرف عليهم ولا ريال

وكلالالالالالالالالام طويل وعريض

لدرجه واحد منهم يقول اتعب لمن اشوف يجيها احد من قبيله ثانيه قلنا له من الي جانا من قبيلتنا عشان نرفضهم قال والله بسبب سمعتكم السيئه ((حرام عليه الحمدلله ما عمر احد قال فينا شيء وحتى الي من قبيلتنا مستغربين ليه ما تزوجنا))
والله يابنات تعبت تعبت لدرجه يطلعون هرج عن الرجال سيء مرة و الله ما احد قال فيه شيء بس هما على طول يتكلمون فيه عشان ارفض واسكت
تقدم لي واحد ورضيت فيه و يارب تمم موضوعي معاه
واللحين اخوي موقف الموضوع يقول اهم شيء وظيفتها وبعدها الزواج واحس من كلامه يبى يكسر فرحتي
بنات قولوا لي وش الحل اما اني ادخل طرف ثاني في الموضوع هذي استحاله وما في احد نهائي يقدر عليهم وطبعا هما اهلي مقدر اكلم احد حتى لو القضاء عشان يكلمهم
تكلمت وصحت وعليت صوتي ودعيت عليهم والكل هنا يعرف اني ابغى اتزوج وانستر وقلت كل الي في خاطري ولا تركت كلمه وحده ما قلتها
والله تعبت عمري كبير و فرص الزواج تقل
الكل يقولي والله لو لك نصيب معاهم راح تأخذينه غصبا عنهم
واانا انخطب في السنه حسنه وافرح و يبان الفرح على وجهي و احمد ربي واشكره ان استجاب دعائي واتفاءل خير
بس بسرعه تنطفى الفرحه بسرعه واحس اني غير عن الكل
الكل اذا فرح تم موضوعه وانا لا تتلخبط من كل جهه
حرام عليهم لدرجه اخاف يصير في بناتهم زي ما يصير فيني والله اني اتحسب عليهم
ارجوكم قولوا لي لو كلمه تجبر بخاطري و تخليني اتفاءل خير وادعوا لي ان كان في الي خطبني خير انه يتمم موضوعي على خير و ما احد يقطع بنصيبي
وجزاكم الله خير