بنات بشاروكم بالدايت حقي

سلام ياقمرات....
أختكم في الله تبي تشاوركم..وعادتي اذا جيت اكتب موضوع احب اقص قصة حياتي فطولوا بالكم معاي
أنا تزوجت ووزني 45 وبعد الزواج صرت 50
وحملت بعد سنه وولدت وصرت 59....
بعد سنه سويت دايت مع الدايت سنتر نقصت 4 يعني وصلت 55...
لانهم قالوا لي اكثر من 4 بالشهر مو زين ممكن ترجعين..
وعلى طول بعدها حملت..والحين صار لي 3 شهور وشوي والده...
اول ماولدت كنت بكندا طبعا غربه وهم وغم فنحفت كثير بس جيت للرياض برمضان
وتعرفون عاد رمضان ورجوع لاهلي اللهم لك الحمد سمنت كثير
صرت 69
مع ان شكلي مو باين بس ملابسي ماتدخل فيني..
تحطمت عالاخر..وما اشتريت ملابس جديده عشان ابي انحف..
فرحت لمركز الدكتور رياض الهجن عند دكتورة رندا ابي نظام ينفع للمرضع
لان كثير مدحوها لي ونحفوا معاها..لما رحت لها قالت لي كم تبين تنحفين..
طبعا اختكم طماعه فتحت كشرتي وقلت ابي ارجع 45
ضحكت وقالت برجعك لل55 (علما ان طولي 160)
طبعا انفجعت قلت انا ارضع....قالت ايه بتنزلين معاي 17 كيلو بشهرين
قلنا اوكي..عطتني اول اسبوع 1600 سعره حراريه ونزلت 4 كيلو
الاسبوع الثاني عطتني 650 سعره..نزلت كيلو واحد
والحين انا ببداية الاسبوع الثالث..عطتني 550 سعره...!!!
والله ياهي تضرب بالسعرات ضرب..
احس نظامها ماينفع لمرضع...خاصه ان طفلي معتمد على صدري تماما ...مايشرب حليب غيره..
وما افكر اعطيه صناعي الحين ابي الرضاعه كمانع..
فوش رايكم بعدد السعرات هل هو معقول وهل ممكن يأثر على الرضاعه ولا لا...
وبكتب لكم وش عطتني بكل أسبوع...
بانتظاركم عزيزاتي..