بنات بصير فيني شي إذا مادخلت تكفون

حلاة روحي

14-10-2022 - 11:42 am

بنات الله يخليكم ساعدوني لا تبخلون علي بمعلومتكم ونصايحكم تكفون أنا اعاني من فراغات بشكل كبير بمقدمة الرأس يعني صلعة بس فيني شعر خفيف وعرسي قريب شسوي والله يا بنات ان نفسيتي تعبت دايما بالعروس اتأذى على ما أغطي الفراغات شلون الحين عرسي قريب والله والله ما خليت طبيب الا ورحت له وكلهم قالو انتي ما فيج شي وتحاليلج حيل سليمه حتى خذيت أبر فيتامينات الشعر بس ماكو فايدة كلش شسوي تكفون علموني ابي حل الله يسعدها الي ترد علي تكفون محتاجه لكم بسوي اي شي بس ابي شعر مثل الاوادم اللهم لا عتراض على قضاءك
ابي ردودكم 000000

التعليقات (7)

الافعى الحنونة

14-10-2022 - 03:01 pm

حبيبتي زيت النارجيل+زيت الخروع+زيت اللوز الحلو+زيت الصبار اخلطيهم وحطيهم على شعرك لمدة 8 ساعات وحطي عليهم بونيه كل يوم لمدة اسبوع وبعدها 3 مرات في الاسبوع.

العالميه الصفراء

14-10-2022 - 04:02 pm

ثوم فديتك حبيبتي ثوم افركي على الفراغات او اطحنيه وخوذي مويته وحطيتها على الفراغ

جيلينا

14-10-2022 - 05:03 pm

اسمعي الكلام اسرع طريقه وترتاحين دووم سوي زراعه ويرتاح بالك الحين مايمدي ثووم والطريقه الي قالوها الاخوات
انتي باقي لك مده قصيره وتصيرين عروس عشان كذا ازرعي وارتاحي وهي كلها مقدمه الراس بس

ماااارية

14-10-2022 - 06:04 pm

الله يعينك
الحال من بعضة
يقولون السدر يكثر الشعر

الفواكه

14-10-2022 - 07:05 pm

الي اعرفه ان السدر علاج الصلع وفيه وصفه لوحده من البنات في المنتدى وهي
شعر طويل وكثيف قسما بالله عن تجربه ماراح تندمين
السلام عليكم ورحمه الله وبركاته كيف الحال خواتي استوقفني موضوع اختي سحر الغرام ومشكلتها مع شعرها وحطيت لها الحل وقلت خل افيد الجميع لاني من جد استفدت من خلطتي تبين شعرج يكثف/يطول/ يمنع التساقط/يصير ناعم/فيه لمعه حريريه عند هاجرية الحل والله يابنات اني من النوع اللي مايستمر على خلطات بس هالخلطه من اول استخدام والله ا لعظيم مابالغ والله على كلاني شهيد
كل اللي شاف شعري سالني وعطيته الطريقه وان شاء الله ماراح تندمون النتيجه من او ل استعمال مابالغ في هالش ي راح يطول شعرك ويكثف ويصير قوي وله لمعه تجن ن تخيلووا استخدمت الخلطه اربع مرات ومحد شافني ويوم رحت النادي وقعدت امارس الرياضه انفل شعري الكل تهبل عليه حتى المدربة الاجنبية ماتت علي ه وسالتني عن الطريقه واحلفلكم بالله جاتني بعد يومين تحبني وتقول اشكرك على الطريقه تقول عجيبه بينت معها من اول استعمال ماراح اطول عليكم هذي هي الخلطه تجيبين بصله متوسطه الحجم مقسمه الى اربع اقسام
2 فص ثوم مقسمين لي نصفين
3 ملاعق كبيره سدر مطحون زيت خروع زيت زيتون كمية من الماء الطريقه جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر بعدها صفي الماي من الثوم والبصل وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده ن ص ونص وبعدها خليها لين تبرد شوي وبعدين حطيها في شعرج بالمساء وبالصبح اغسليه راح تقولين ثوم وبصله وريحه ..الخ اوعدج وعد انه ماراح تحصلين ولا ريحه انا نفسج قبل اجرب الخلطه خفت بس يوم جربتها مافيها ريحه ابد وصدقيني بتلاحظين الفرق من اول استخدام ويفضل تستخدمينها مرتين بالاسبوع لنتيجه اسرع واي سؤال انا في الخدمه بس طلبتكم ت كفون تدعون لي بالتوفيق والزوج الصالح والستر بالدنيا والاخره اختكم هاجرية
وبعد زيت القرنفل ينبت الشعر
وايضا زيت الانوب عند العطارين ممتازلانبات الشعر

سلالام

14-10-2022 - 08:06 pm

جربي زيت الزيتون مع زنجبيل مطحون
الخلطه هذي سمعت عنها من فتره بس للامانه ماجربتها

كلامي صمتي..

14-10-2022 - 09:07 pm

انا ماعندي حل لك لكن بأدعي لك

اللي استخدمتها تدلني الله يسترها دنياواخره←
يابنات من جربت التونيك الماليزي ارجو الرد بليز→