بنات بليز

غاليتي...
الخليه مثل عجينه الفطاير <<<< لاكن تحشى جبن كيري وندهن الوجه بياض البيض ويرش الوجه سمسم وتدخل الفرن مده 20 دقيقه تقريبا
واذا خلصت تسقينها شيره او حليب محلى مركز (نستله) وتخططينها كاكاو سايل
وبالعافيه

مشكورة حبوبة القصيمية
الله يعطيك الف عافية..
بس اذا ممكن تكتبين لي مقادير العجينة اللي تسوينها بالضبط وطريقة عملها..
وكم درجة حرارة الفرن..
ادري اني وايد اتطلب بس لأني ابي اضبطها يا ريت تساعديني حبيبتي

أسفه حبيبتي الغالية على أني يمكن ما أقدر أساعدك بحكاية التفصيل الممل لاني أنا أعمل العجينة من دون مقادير يعني كل شيء بالنظر لاكن بعطيك شي تقريبي يمكن يساعدك
3 أكواب دقيق أبيض الفاخر
3/4 كوب حليب بودرة نيدو أو العلالي كلة واحد ( ملحوظة لا تستغربين كثر الحليب لأنة كل ما كان أكثر كانت العجينة هشة أكثر )
1 ملعقة طعام سكر
1 ملعقة طعام خميره
ملعقة سكر ( صغيره مره ) ملح
1 حبة بيض
1/4 كوب زيت
1 كوب ماء دافئ مايل على الحرارة شوي
إذا رغبتي على الوجة سمسم أو حبة بركة كمية قليلة جدا
على الوجة إما صفار بيضه أو حليب لنا فنجان قهوة تدهن على الوجة بالفرشاة
الحشو
جبنه كيري أو مثلثات أو أي نوع تفضلينة
شيرة جاهزة مسوتها من قبل
الطريقة
تنخل المواد الجافه أولا في زبدية واسعة بلاستيك ثم تخلط باليد جيدا ثم يوضع الزيت والبيضة وكوب الماء وتعجن
وبعد العجن حاولي جمع العجينة بالكف وترفع عاليا ثم تضرب في الزبدية وهكذا عدة مرات حتى يتجانس الخليط
وتصبح كالكرةولازم تجربين ليونتها بالضغط عليها يدك تلين داخلها وتكون مثل العلك يعني تتمطط ثم غطيها
بغطاءالأناء أو منشفة نظيفة مبلولة بالماء الدافئ وتترك عشر دقائق حتى تتخمر ثم جهزي صينية مدهونة بقليل من
الزيت ثم تأخذين مقدار من العجينة باليد بحجم الكرة الصغيرة أو نصف حجم البيضة الصغيرة وتكورينها ثم
تفردينها في راحة اليد وتكون عندك الجبنة اللي تفضلينها أما الكيري أو المثلثات ولاكن الكيري أفضل في الطعم
لان حموضتها قليلة ولاكن كميتها كبيرة فالحبة الواحدة تفي ثلاث كور من العجينة وبعدين جمعي أطراف العجينة
وقفليها كويس بالضغط بحيث الجبنة ما يبان منها شيء وكوريها مرة ثانية ورصيها على أطراف الصينية ثم
تعملي دور ثاني جوات الدور الأول في داخل الصينيه وهكذا حتى تملين الفراغات كلها ثم ضعيها في الفرن على
درجة حرارة متوسطة يعني خمسة أو أربعة وأتركيها في الفرن حتى ترين أطرافها تحمر قليلا ثم قفلي عليها من
تحت وأفتحي الفرن من فوق ثم أدهنيها بالبيض أو الحليب وبسرعة قبل ماينشف رشي السمسم أو حبة البركة
ولاتروحين عنها إذا فتحتي النار من فوق لانها بتستوي وتحمر بسرعه وتكونين عاملة شيرة وبارد
قبل ماتصبينها عليها أول ما تطلعينها من الفرن وخليها شوي تمص الشيرة وتبرد قليلا وقدميها مع القهوة إذا
حبيتي وإذا ما تبين الشيرة أنتي حرة
وياليتني عندك أوريك الطريقة عملي مباشرة لاني في الكتابة ضعيفة وطلعت روحي وأنا أكتبها لك وبالعافية عليك أنتي وزوجك مقدما
ها الله الله بالدعوة السنعة أبيك تدعيلي يتحقق اللي في بالي وإذا ما فهمتي شيء أسألي عنة وأنا حاضرة
ملحوظات
إذا عندك صينية بايركس أفضل وأحسن وأريح علشان بدل ما تحوسين وأنتي تستنين على بالك لسا ما أستوت وهي محروقة من تحت بس نتاظرين بحيث ترفعين الصينية وتشوفين حمرة وإلا لسا باقي عليها ( يعني زجاج حق الفرن وأفضل تكون دائرية علشان تبان زي الخلية )
وتراني عندي طريقة أفضل بالمقادير مجربة حلو بس الصراحة مضيعة مكانها والبزورة نايمين ما حبيت أصحيهم وأنا أدور عليها وبقوم أصلي الفجر لا يفوت علي إذا ما فهمتي هذي الطريق قوليلي أدورها علشانك
وترا المويا حق العجن لازم يكون دافي مايل على الحراره شوي علشان يسرع عملية تخمرها وما تطول وهي شغلها الخلية شوي متعب

الله يعطيك الف عافية يا شمس اليوم والله انك ما قصرتي حبيبتي كفيتي و وفيتي
ما ادري كيف اشكرك بس اقول الله يحقق لك كل اللي في بالك واكثر ويوفقك يا رب
ان شاء الله بعملها واذا شيرت في مكان اكيد باسئلك
مشكورة حبوبة

العفو حبيبتي هذا واجبنا تجاة بعض اللي تعرف شيء ما تبخل بة على الفراشات الحلوات خواتها بالمنتد ى وصج تراني بعض الأحيان أنسى بعض التفاصيل المهمه لاكن اللي ما تفهمينة أكتبية هنا علشان أوضحة ويستفيد منه الجميع وبالعافية عليك مرة أخرى

كنت ابكتبها لك ولاكن الاخت شمس اليوم سبقتني

مشكورة حبيبتي القصيمية
شمس اليوم وينك؟؟ ما ضبطت معاي سويت كل اللي قلتيه بس ضهرت يابسة من برع ومن داخل عجين انا احبها تذوب في فمي وبعد ما لزقت الكور ببعضها ضلت كل كورة لحالها اهىء باصيح انقهرت كنت مسويتها ومستانسة وواثقة انها بتضبط معاي ومعشمة ريلي بعد وكله طار
ملاحظة هامة الفرن اللي معاي يشتغل على الغاز وفيه ارقام انا خليته على درجة حرارة 180 ما ادري يمكن علشان جذي ما ضبط معاي المشكلة ان ما عندي فرن كهربائي شاسوي؟؟؟؟؟؟؟؟؟؟؟؟؟؟

ياعيوني سامحيني على التاخير بس زوجي لة كم يوم شاغل الكمبيوتر تحميل ويفرمت الجهاز وما قدرت أدخل على النت إلا اليوم سامحيني بس أنا ما فهمت عليك وش اللي خربها معك يعني اللي فهمتة أن العجينة جات معك زي ما شرحتلك بس الفرن خربها أنا كمان فرني غاز مو كهرباء بس تضبط معي يمكن أنتي رافعه عليها النار حيل علشان كذا صارت يابسة من برا وهي أصلا ما أستوت من الداخل إذا تبينها تظبط معاك خلي النار خفيفة قد ما تقدرين علشان تستوي على مهلها وما تصير عجينة ولمن تفتحين الفرن من فوق كمان خلية على أخف درجة وخليك يمها لا تروحين عنها وبقولك شيء يمكن ما ضبطي عجينتها يعني شوفي العجينة لازم تكون لينة مرة مثل العلك لما تخرجينة من فمك وتسحبينة
يكون مثل المطاط ومثل جبنة الموزريلا لمن تذوب وأنتي قوليلي خطوات عجينتك علشان أعرف الغلط من العجينة وإلا من الفرن عشان نتفادى الأخطاء المرة الجاية وقولي لزوجك الواحد ما يطلع من بطن أمة متعلم واللي ما يغلط ماراح يتعلم ههه
وإن شاء اللة المرة الجاية تكون مثل ما تبين تذوب في فمك وتكون أحلى خلية على وجة الكون

مسموحة حبيبتي انا اللي سامحيني على الأزعاج
مشكورة حبوبة شمس اليوم على الرد
ما ادري حبيبتي احس ان العجينة يابسة شوي اول ما سويتها ممكن تتاكدين لي من المقادير يمكن في شي نسيتيه وانا خليتها تتخمر 10 دقايق مثل ما قلتيلي يمكن تتحتاج وقت اكثر
انتي كم تتركي درجة حرارة الفرن؟؟
الله يعطيك الف عافية وما قصرتي