بنات تعالو شوفوا امي وش قالت لي

السلام عليكم ورحمة الله وبركاته..
ص حب باحكم
شو الأخبار فراشات..؟؟
اليوم جايبه لكم نصايح من نصايح امي
اللي مسكتني يوم أحرقت المرقوق>>>>>مسويه ذربه بسوي عشاء
وقالت لي اسمعي يا (......) وانا امتس....::
((الذرابه والسنع ماتجي من يوم وليله والبنت السنعه هي اللي تستفيد من غيرها...وتعلم من أغلاطها وأغلاط غيرها...))
وهذي بعض من درر...((ماي ماذر))
((((الج الأول زء))))
قبل ما تسلقين البيض تحطين عصرة ليمون او رشة ملح مع الماء عشان البيض مايتشقق..
اذا بتسلقين بطاطس تحطين قطرات من عصير الليمون في منتصف مدة السلق عشان يصير لون البطاطس ابيض واذا كنتي بتهرسينها اهرسيها وهي حاره لأنك اذا تركتيها لين تبرد تصير قاسيه...
لحفظ الخيار لأطول فتره ممكنه تحطينه اناء وإلا قدر فيه شوي ماء بارد وترصين الخيار وهو واقف بشرط يكون الجزء اللي كان متصل بالشجره هو اللي في الأسفل فيرتوي الخيار ويظل طازج لفتره اطول..
لحفظ الورقيات طازجه تحطينها في قطعة قماش نظيفه
(بدون غسل) بعدين تحطين القماش في كيس بلاستيك وتوضع في الثلاجه على الرف...
اذا تبين تغسلين الفواكه والخضار زين دون فقد أي من فيتاميناتها وقتل الجراثيم والمايكروبات في نفس الوقت يمكن تركها بالماء بعد ماتحطين ملعقة خل لكل لتر من الماء ماتقل عن عشر دقايق...
اذا صار وتبلل الملح حطي حبات من الرز الجاف عشان هو(الرز) يمتص البلل...
اذا سقطت قطرات من الشموع على الفرش والسجاد
خذي ورقه نظيفه ومرري المكوا الحار على الورقه عشان الورقه بتمتصهاا..
اذا طاحت كريمه اوكعكه على الفرش او السجاد حطي قطعة من الثلج وهي بتتجمد وبعدين تقدرين تشيلينهاا...
إذا غيرتي نظام غرفتك مثلا او الصالون يبقى اثر ضغط الأثاث على السجاد ..
حطي مكعب ثلج على الأثر وخليه يذوب براحته عشان الصوف يرتفع مره ثانيه بعدين مرري مكنسه كهربائيه على المكان وبيرجع ان شاءالله لشكله الأصلي...ِ
عندك نمل في بيتك..؟؟ عندي الحل!!!قصدي عند امي
>>>من الأمانه كلها
صبي شوي من الخل الأبيض في الأماكن اللي يمر منها النمل خاصه عند الفتحات وحول النوافذ وتحت الأبواب بعدين بخري البيت عشان ريحة الخل...
اذا طلع روائح في ثلاجتك حطي قطعه فحم غير مشتعل واتركيها في الثلاجه بشكل دائم...او تقدرين تحطين كاس ماء وخل..وتتركينه في الثلاجه...
اذا لكت عليك ادراج الغرفه او المطبخ او أي ادراج ادهني الأجزاء المعدنيه اللي تحتك ببعض بالفازلين او الزيت...
عشان ماتطيح ازرار الملابس وخاصه ملابس الأطفال ادهني الخيوط اللي تثبت الزرار ب طلاء اظافر شفاف...
لإزالة ريحة دهان الجدران حطي اناء صغير فيه حليب مع قطعة خبز وبتروح الريحه بسرعه مذهله...