بنات تكفون ساعدوني

1. ابقولكم السالفه بالتفصيل وشورو علي وش اسوي

السلام عليكم
مبارك عليكم الشهر
اخواتي الفراشات ابيكم تساعدوني بما انكم عندكم خبره

ابقولكم السالفه بالتفصيل وشورو علي وش اسوي

انا مملكه من شهر ونص تقريبا وماكلمني خطيبي ولا جانا الا مره وحده المهم امي دقت باركت له بالشهر قبل امس وهو ماصدق عاد اتصل امس يبارك لي بالشهر وجاب سيرة الفطور كيف كان وكيف صيامكم واش سويتو
وانا الهبلا ماعزمته هو عزمني قال تعالو عندنا افطرو قمت زدت الطين بله قلت انا اول مره اشوف واحد يعزم خطيبته على الفطور عند اهله هو قالي على الاقل عزمتك انا قلتله حياك تعال بس ماالحيت عليه ولاقلت تعالنا في اليوم الفلاني
لاني انصدمت لما كلمني ماعرفت اقول جملتين على بعضها كل ماسالني قلت عادي كيف فطوركم عادي كيف كان صيامكم برضو عادي دخلتي سويتي شي بالمطبخ قلت ايه قال تحبين تطبخين قلت شوي قال ليه قلت لان الفرن حرقني اليوم قالي شكلك كنتي تفكرين في شي قلت ماعندي شي افكر فيه قالي اوف وعداها
المهم احنا سولفنا بس خبصت على الاخر اش اسوي امي تقول ارسليله رساله واعزميه على الفطور بكره جيت اكتب رساله ما عرفت بليز طلبتكم حبيباتي فكرو معي بكلام اكتبه له بالرساله لاتقولون فكري والا اكتبي اللي تحسين فيه لاني اخبص في هالمواقف ومااحب التعبير من البارح اعصر مخي ماكو شي
اللي تقدر تساعدني الله يعطيها العافيه بدعيلها الله يحققلها اللي تتمناه