بنات جدة تعالوا شوفوا اغراض الدبش واماكنها بجدة

1. نبذة بسيطة عن اغراش دبشي

نبذة بسيطة عن اغراش دبشي

مفرش سرير مزدوج على قولة المحلات مش مفرد يكون عرايسي يعني مطرز ومزخرف ويختلف السعر على حسب عدد القطع واللون والخامة والصناعة .... من مركز الحبيب مرة اسعارهم حلوة واشكالهم او من محمود سعيد او من بيت العروس اللي بسوق الشاطي
وعندكم كمان مفرش سرير ابيض سادة اذا اتجتي يكون 3 قطع عادة مزدوج وفي نوع جديد ب4 او 5قطع وسعره 50 وممكن تلاقي ب25 يكون سادة او ملون القطعة الزياة عبارة عن مفرشة سرير مطاط بالاضافة الى مفرشة سرير عادي بدون مطاط
وعندكم طقم الملاعق والسكاكين والشوك سواء الكبيرة او الصغيرة تكون درزن طبعا جوت علبة خشب من السيف ويختلف السعر على حسب الشكل وعلى حسب الصناعة كمان
وكمان طقم روب المناشف تبدا من 12 قطعة وتنتهي ب 20قطعة اللي تجي بكرتون او ممكن يجي 30 قطعة واكثر داخل علبة خشب وهذي سعرها من 400 لفوق اما اللي بالعلبية يبدا سعهرا من 100 الى فوق تقريبا 400 وهذي ممكم تلاقيهاباي محل مفارش
وفيه العلب اللي يوضعون بها الجزم اكرمك الله او يوضعون بها البكل والسجادات او طرح الصلاة هذي تلاقيهاب الهندايوة من محلات الهدايا او اي محل هدايا وتلاقيها في يابلاش تجي طقم من 4 طقع او 6 قطع على حسب الشكل واللون وممكن تشتريها بالحبة
طرح الصلاة في باب مكة تلالاقين الطرح ب25 واشكالها حلوة والوان متعددة في اماكن اخرى تلاقيها ب35 الحبة طبعا و ممكن تلاقي بخنق الطرحة اللي ما تتلف تجيكي جاهزة تلبسيهاعلى طول ولا تلفي ولا تتعبي نفسك او النوع اللي يجيكي جاهز بس تلفي الطرحة من فوق على شعرك هذي ب35
اكياس فساتين سهرة طويلة الدرزن ب 120 في باب مكة البلد اقصد اشكال كثيرة وفي اغلى وكمان في اقصر للملابس الداخلة ملابس النوم باقصد عشان لمن ترسلي الدبش ما في اي احد يشوفها غير اللي يرص الملابس لكي
وكمان اكياس شيفون او اروجنزا تجي الدرزن ب 20 او 15 او 10 او 8 على حسب الحجم وطبعا هذي الوانها محمدوة نوعا ما وتلاقيها في البلد او باب مكة
علاقات الملابس اللي للفساتين تجي يا شمواه الدرزن ب 16 او صوف مدري ايش اسمه ب20 الدرزن او ملونة وعليه نقوش ب30 الدرزن وهذي تلاقيها بالبلد وباب مكة
مفارش الطالاوت باي مكان تلاقيها ممكن ف بسطات كمان وتلاقيها بمحلات مفارش السرير واحيانا تلاقي لها محل معين
اذا كنتوا بتدورا على طقم كاسات شاي وقهوة و عصير ومويا وجكين يكون طقم كريستال فعندكم الموركي بالهنداوية مرة حلو اشكالهم وفي اماكن جمبه كمان حلو ولااسعار تبدامن 280 الى مالا نهاية ترى
وكمان بجواره الساحل الذهبي يبيع قطع كريستال تتلصق على الدلات و كمان عنده تباسي كريستال والمحل اللي جمبه ملاصق له يبيع تباسي عادية للتقديم للضويف او للاستخدام البيتي
طقوم الحما اكرمكم الله سواء مفرش للارضيات او طقم المناديل والفرش والصابون فهذا موجود في شبرا وكمان في مركز الحبيب وباماكن كثيرة مرة
علاقة متحركة لتعليق الملابس هذي ممكن تحطوا عليها ملابسكم وترسلوا مع الدبش ومنها لمن تروحين بيت الزوج تستخدميها للعبي لمن يجي ضيوف
طقم شنط سفر 4قطع تتراوح سعهرا مابين 100 الى 400 وتكون باحجام مختلفة باتكلم عن سعر ال4قطع مع بعض
وفي بعضها يكون عارضين معاها شنط صغيرة 4 قطع للمكياج ويكون سعرها لوحدها ب80 او 90 طبعا باتكلم عن سعر ال4قطع
باذن الله ليا رجعة هذي الى الان ما اعرفه مدري اذا في اضافات عليها ولا كده كفاية خلاص ههه