بنات جدة جيتكم مفحطه بسيارتي عرفوني لى مدينتكم

اروع وارقى موقع لزفات العرايس
www.*********

اليمامة
الكندرة
المستقبل بلازا
^
فساتين

هلا ياقلبي
هذا الرد كنت كاتبته في موضوع تاني بس حبيت انقله لك هنا
لبنات جده ,, حبيت افيدكم بشوية معلومات عن الاماكن الي اتعاملت معاها او شفتها بعيني وعجبتني ::
محلات فساتين العرايس ::
1 ) ديمتروس فساتين ملكه و زواج جاهزة , الفروع الي اعرفها ... فرع جده مول , فرع الروشانا مول الي في التحليه
فساتينهم غالبا حلوه ويغلب عليها النعومه والبساطه
اسعاره تبد\ تقريبا من 7 الاف ريال وفوق
2 ) مشغل المصممه زاكي بن عبود "الرمال" . في حي الفيصليه خلف سوق النجار مباشرة , خياطه ماعندهم جاهز
شغلهم متكلف وفخم مره
بس معروضه عندهم في قسم خاص كل الاقمشه والتطريز حق الفساتين , اسعارهم تبداء تقريبا من 10,000 ريال
وفي عندهم غرفه هو ممنوع احد يدخلها بس لو اصريتي عليهم ممكن يدخلوكي تشوفي فساتين جاهزه للعرايس يكونو اصحابها لسه مااستلموها
نصيحه :: المشغل شغلهم مره حلو وراقي , بس بشرط تصري عليهم تقابلي زاكي بنفسها لانها افضل في التعامل
اما بنتها خلود نصيحه لا احد يتعامل معاها اخلاقها خايسه وبالها ضيق الله يصلحها
وعلى فكره حتى اخوات العروسه ممكن ياخدو من عندها , لان فساتين السهره مره روعه
وبالنسبه لفساتين السهره لازم تشرطي عليهم شرط ان ماحتستلمي الفستان ولا حتدفعي قيمته لو استخدمو فيه اي خامه او نوعية كريستالات غير الي انت شفتيها بعينك على الفستان المعروض في المحل
لانهم يستخدمو دا الاسلوب بس مع الناس الي يفاصلو كتير في السعر وينزلو من سعره الاصلي
فعشان كدا لو عجبك من عندهم فستان خديه بنفس سعره افضلك
3 ) بوتيك رهيد , له فرعين فرع في جده مول , الفرع التاني في المساعديه
شغلهم حلو وراقي وناعم , عندهم ملكه و زواج
اسعاره برضو في حدود 7 الاف ريال وفوق
في الروشانا مول الدور التاني محل ملابس سهره كبير بس ناسيه اسمه ,
شغله روعه وجدا فخم ينفع لااهل العروسه
كمان بالنسبه لفساتين السهره الفخمه في محل في مركز البساتين الدور التاني جهة السواني , بوتيك نسائي اشياءه مره فخمه وماتلقي زيها برا
بس شويه غالي , يعني ينفع لااهل العروسه ياخدو منو
هو في البساتين الدور التاني تلقي محلين خاصه بس للنساء , واحد لملابس السهره , والتاني للغمره
الصالونات::
1) صالون ريما , لينا مكياج , شعر كاميليا او ردينه
بس الحمام المغربي عندهم سيء جدا
2) صالون منا سنتر
شغلهم حلو , بس الافضل تاخدي كريم الاساس تبعك معاكي , لان عيبهم الوحيد كريم الاساس
محلات الكوش ومسكة العروسه::
الخالديه اول ماتنزلي من الكوبري المربع كل الشارع على الجهتين محلات كوش عندهم اشياء تجنن وراقيه
محل السنديان جنب روائع المكتبات , روعه مره , واكتر محل لقيت عنده افكار تجنن وغريبه لكاسات العصير حق العرسان
الي حتعمل غمره او حنه , سوق البساتين الي في التحليه الدور التاني من جهة السواني في بوتيك نسائي خاص بااشياء الغمره
عنده اشياء وخدمات روعه يااجر ملابس للعروسه و للبنات الصغار مع كامل مستلزمات الغمره حتى الكوشه
, بس بصراحه غالي لانه جدا فخم وباين شغلهم متكلف , ممكن تاخدو افكار منه لو حابين
الي تحب الذوق الكلاسيكي في الدفاتر الي يكتبو فيها المعازييم لطاولة المدخل تشوف
روائع المكتبات الدور الارضي عندهم دفاتر تجنن مره وراقيه جدا
الشوكلاته والتهاويل حق طاولة المدخل , ممكن تاخدي بعضها من النقلي عندو اشياء مره حلوه
خاصتا عجبني عندهم الشوكلاته الي على شكل لؤلؤ , و الهيل الفضي او الدهبي شكلو كشخه
تمور الصالحيه عندهم توزيعات مره فخمه وحلوه
الي تفضل تعمل مسكتها ورد صناعي وتبغى نوعيه جدا راقيه واحلى من الطبيعي نفسه ,
تروح محل اسمه اكابري في الخالديه اول ماتنزلي من الكبري المربع كاانك رايحه الخالديه ,
تلقي المحل على جهة اليمين , بس اسعاره غاليه بصراحه
انا عن نفسي احب الورد الطبيعي , بس ممكن البعض يفضل الصناعي او يحتاجه في اي شغله
محلات الاكسسوارات والتيجان حق العرايس:
محلات عماد رزق , طبعا محل غني عن التعريف , والتيجان عنده تبرق كاانها الماس طبعا لمعه راقيه مو كاانها انوار محطه
كمان يبيع ساعات واكسسوارات تقليد ماركات وتقليد الماس
الفروع الي اعرفها فرع مركز الحفني الي في التحليه , فرع مركز التحليه
فرع لي مول
في الروشان مول الي في التحليه الدور التاني اخر السوق في محل اكسسوارات مره كبير ناسيه اسمو , اشياءه راقيه جدا
بالاضافه لمحل الماجد في نفس السوق
بالنسبه للمباشره الي تتوزع على الضيوف , يعني مو الي محطوطه على الطاولات
, انا حسب وجهة نظري المتواضعه اشوف انه مره حرام الناس توزع لبان وهيل وحلاوه مص!!!! على قولتهم تفاسير
احسها مره قديمه ومو راقيه في زواج , ولا حتى الناس ينبصطو فيها
فااحسن شيء تباشر شيء طعم ويبان في العين , زي مثلا حلاوة عين الجمل الي محشيه توفي
هدي عداب ومافي احد مايحبها الي تبغى رقم وحده تبدع فيها تقولي ارسلها رقمها لان شغلها
اطعم بكتير من المحلات وفرش مره وكمان توصلو لغاية البيت
ممكن كمان توزعو معمول مغربي مره طعم وشكلو غير تقليدي , برضو احنا نشتريه من وحده تسويه بنفسها في البيت وفرش
ممكن كمان تمور , زي تمور تاله عندهم انواع كتيره محشيه توفي او لوز او نارجين وكدا
حتى المعمول الي يجي مغلف بطبقة شوكلاته طعمه دمار واحلى محل يبيعه حلويات العماد ,
هو احلى شيء في محل العماد لهم فرع في الصفا جنب مستشفى الانصار
ممكن كمان توزعو حلويات مكاويه , لدو ولبنيه ودي الحاجات
او ممكن كمان توزعو ميني كب كيك , او تارت مره صغير
في الفنادق الكبيره زي وستن و الهيلتون غالبا يحطو على كل طاوله صحن مشكل ميني تارت
محلات الكروت : اذا تبغي شيء مره فخم وغريب روحي مركز الحفني الدور التاني محل اسمو المسرات
واذا تبغي شيء مرتب وراقي واسعاره مره رخيصه روحي حي الجامعه في منطقه كلها خاصه بالكروت
اتمنى اكون افدتكم ولو شويه , واي سؤال انا في الخدمه ان شاء الله
دعواتكم لي بالدريه الصالحه عاجلا غير اجل

اذا تبغي جلابيات فخمه في محل اسمو داماس للجلابيات في الصيرفي مول مره كشخه
بس اذا تبغي اشياء اسعارها جدا معقوله وطيبه سواء فساتين العرايس او الجلابيات روحي سوق لمسات وسوق المستقبل هما سوقين لاصقين في بعض تقريبا
وسوق اليمامه كمان مره مره رخيص بس انا عن نفسي مااحبه بصراحه
موفقه اختي
واي سؤال اامري

وعليكم السلام ورحمة الله وبركاته
حبيبتي ..
بالنسبة لفساتين الافراح شوفي اليمامة انا رحت له قبل كم يوم
وفيه فساتين حلوة وسعرها معقول
اما بالنسبة للكندرة بصراحة مافيه شي حلو خصوصا العمارة الزرقا كل فصوصهم سيئة ومافيها لمعة
وبالنسبة للعطور شوفي قزاز او غاليري او روحي للكورنيش الدور الخامس..
والدراريع ماعندي فكرة عنها لاني ماالبسها..
والله يوفقك ويسهل دربك

مشكورين يالجميع والله يوفقكم ويسدد خطاكم
ويحقق للكل مراده ومبتغاه
باقي عن جدة 1 ساعه >> فرحانه اول مرة تزور جدة خ