بنات جدة سؤال

في الحمراء في سكينة للمكياج صراحة روعة
روحي بنفسك وشوفي على الطبيعة

في كمان صالون كارمن شغلهم حلو و صالون مقينة حلو شغلها با العرايس وافضل شي تروحي وتشوفي كيف شغلهم بنفسك افضل وتاني شي استخيري وربنا يوفقك

هايدي الصغيرة & آهات السنين الف شكر لكم
والباقين ماعندكم خلفية

انا اختي بزواجها راحت عندهم من 5 سنين
وعلى فكرة هم نفسهم مشغل الاميرة زمان لكن فتحوا مشغل جديد وصار اسمه فرحتي
وبعدها اكتشفت ان المشغل لام صحبتي
احسن وحدة بالمحل هي صحبة المحل واسمها مدام رجاء اطلبيها بالاسم وبالحجز او بنتها الكبيرة وهاذي الان مسافرة
واللي اعرفه انهم كلهم كويسين وانتي روحي بنفسك وشوفي الشغل كيف
وفيه برضو حلو بجدة ريما والمقينة وبثينة وستارز كثير نصحوني فيهم
أختك..
شمعة جدة

حبيبتي عندي لك مشغلين روعه
ادعيلي انتي بس
الاول في وريما هذا خيالي مره يطلعك مميزه غصب
الثاني ايلي جانص خلف حراء افينو
خذي رقمهم من الاستعلامات
وادعيلي

هلا أختي .. أنا اتعاملت مع هذا الصالون أول ما فتح تقريبا من خمس سنوات في فرحي صراحة شغلهم كلهم حلو ( ( عملت المكياج والتسريحة في فرحتي أما التحضيرات من حلاوة وخلافه فكانت في الفرع الأول أميرة لأنه توه كان فاتح )) بصراحة أنا لمن قررت أعمل في دا الصالون ورحت عشان أشوف شغلهم كثير من الزبونات مدحو لي فيه وكانت وحدة منهم معها صورة لاختها يوم فرحها وشفتها صراحة شغلهم حلو .. حجزت عند ( رجاء ) بس بالصدفة كانت مشغولة فعملت عند وحدة ثانية ورجاء جات على الأخر وحطت لي اللمسات الأخيرة في المكياج صراحة كانوا ممتازين .. أما الشعر فأعتقد أنو كان فيه وحدة اسمها ( سعيدة ) شغلها كان حلو كمان صراحة كان ( اللوك تبعي مختلف ) .. وبصراحة السبب الأساسي لاختياري لدا الصالون كان موقعه جنب فندق ( الدار البيضاء ) <<< مكان فرحي >>> بس بعد فرحي نصحت بيه ناس كثير ..

أنصحك نصيحه لوجه الله لاتروحين لهم
لانهم ممكن يبكونك يوم زواجك
قسما بالله يورطو ون
ومدامرجاء نقلت بالطايف يعني مستحيل تسويك حتى لوقالولك انها راح تجي تسويلك ماراح تجي
سووا فينا منكح يوم زواج أختي مستحيل ننساه

مدام رجاء اللي اعرفه انها بالطايف ومش بجده

ياهلا فيكي اعيوني
وان شاء الله تكونين استفدت من معلومات البنات