بنات جدة محتارة اختار نادي وعود او الكوبرا

هدوشة شوفي يعلم الله اني ما اكذب عليك مركز وعود اشتركت فية قبل فترة كان عندهم عرض 3 شهور بملغ حوالي 600 مية ودخلت معهم كان فية مدربة فلبينية ماعندها من الرشاقة ماعند جدتي وفي الاخير اكتشفنا انها خياطة وبعدين جابوا وحدة اردنية اسمها رائدةماكنت تسوي معنا تمارين بس توجهنا بالحركات ومع السواليف معها اكتشفت انها كوفيرة والله العظيم الامهم كان ضمن الاشتراك انك تدفعين حق المية اللي هي البرادة اللي داخل صالة التمارين ويعلم الله اننا لم نبغى نشرب ينزل منها صدا مثل موية الشاهي وصار كل وحدة تجيب معها موية من بيتها او تضطرين تشترين من كفتريتهم اللي بنص بريالين عندهم وفي رمضان قاموا ووزعوا لنا من عندهم مشروبات مجاناانا قلت غريبة لان محنا متعودين نشوف كذا عندهم ولما بداء البعض بشرب المشروب اكتشفت وحدة عصير قدموة لولدها منتهي الصلاحية ويوم شفنا الببسي والعصير كان منتهي من شهر واشياء كثيرة يعلم ربي اني ماظلمتهم بشي واضطريت اوقف من عندهم ورحت اطالب بفلوسي ورفضوا يعطوني ريال وكانوا مسوين ايامها تخفيض على المكياج واشتريت من عندهم كم غرض وصل 350 ونفس اليوم رحت لمهجة لقيتهم على ريالين ورجعتهم لهم قالت محد ضربك على يدك تشترين من عندنا وماعندنا لك شي حسبي الله ونعم الوكيل في المشاغل اللي مثل كذا

اذا اشتركتي ولقيتيه كويس علمينا حتى انا ابغى اشترك بس يكون كويس مش نندم عليه..

والله انا اليوم رحت شفت الاثنين
بالنسبة لنادي الكوبرا كان كبيير دورين وفيه مدربتين مغربية وسعودية
عندهم صالة ايروبك وصاله للاجهزة بس اجهزتهم شوية قديمة
والي استغربت منو انو المفروض في الصباح يكون فيه حضور خصوصا اني رحت الساعه 10 ونص وماكان فيه الا3 مشتركات
وحدة قديمة واثنين جداد اول يوم لهم اليوم
وكان فيه مسبح صغير بحجم غرفتين وجاكوزي وسونا وبخار بس كلهم كانو تحت الصيانة
ماعندهم اخصائية تغذية بس تقول انو المدربة السعودية عاملة دراسة وتعطي البنات رجيم واحد متناسب مع كل الاجسام
وماعندهم مواصلات واسعارهم عاملين تخفيض من 500 ريال الى 300 ريال شاملة المسبح
اما نادي وعود كان النادي كله مغلق للصيانة والتوسيعات بس رحت لمشغلهم وسألت هناك
قالتلي موظفة الاستقبال انو مدرباتهم فلبينيات وانو الدوام من 8 الصبح الي 8 المسا
ساعتين لكل مشتركة تبدا القروبات من 8 الى 10 ومن 10 الى 12 وهكذا الى الساعه 8 المسا متواصل
وتقول عندهم مسبح وسونا وبخار واخصائية تغذية وجهاز تذويب الشحوم تحلف انو مافي احد عندو هالجهاز بجدة الا مستشفى الالماني ومركزهم
سألتها عن الاجهزة قالت انو عندهم صالتين بس سير فيها تقريبا 40 جهاز وصاله بس دراجات والباقي متنوع
واخصائية التغذية تتابعك كل يومين
قيمة الاشتراك 450 في الشهر
المسبح اذا كان بدون مدربة 600 بمدربة 800
وفيه باصات على حسب الاحياء يكون السعر

انا دورت كثيير عالنت واغلبهم يمدوحو وعود خلينا نشوف اراء البنات
على فكرة نسيت اقولكم ترى نادي وعود حيفتح يوم 1 القعدة والتسجيل حيفتح من 25 الى 30 شوال

بصراحه اول مره اسمع بهذي النوادي
أنا عن نفسي مشتركه بنادي في مستوصف القدس
النادي اشتراكهم نوعاً ما غالي والاجهزه قليله
بس بصراحه عندهم مدربه قليل فيها كلمه روعه
أنا مشتركه معاهم من نص شعبان ليومك هذا كان وزني بدايه اشتراكي
وزني الحالي خلال ثلاثه شهور
بيني وبينك مارح تلاقي نادي كامل مكمل الا وفيلو عيب
أنا النادي الا أنا فيه مرتاحه فيه كتير وراح اجدد اشتراكي فيه ان شا الله
نسيت أقولك حاجه مهمه ان النادي باشراف دكتوره تلزم المشتركات بنظام غذاي خاص لكل مشتركه
طبعا الشي ذا شامل مع الاشتراك
موفقه اختي

ممكن توقيليلي موقع المستوصف هدا فين
وكم اسعار الاشتراك

ما اعرف اوصف المكان باالضبط بس هوا خلف عزيز مول
ان شا الله بكرا اجيبلك الوصف تماام
اسعار الاشتراك
شهر ب بالاجهزه
بدون اجهزه
اعتقد انهم مسوين عرض لمده اسبوع
ثلاثه شهور
وانا بكرا بإذن الله اتاكد من كل شي واردلك خبر

اللي تعرف عن نادي الكوبرا كيف المدربه واسعارهم ياليت تخبرني
رمضان جاي والوزن بيزيد