بنات حملة عرايس 2010 ابشركم ترى دعواتكم مستجابه والدليل

1. تحافطون على صلاتكم ماشاء الله الله يتمم عليكم


2. اعرفو ليش قلت قلبكم من ذهب انا اقولكم ايش صار معااي وانتو احكمو


3. تعرفوو 5 دقايق من دعوتكم هذي وش سوت من بعد الله ثم دعاكم


4. تفائلو


5. دامنك تدعوون لرب العباد

كيفكم يا احلى عروسات
طبعا الكل داخل الموضوع يبي يشوف الدليل انه كيف دعوته مستجابه وش عرفها هذي
ايه حبايبي ابشركم نعم دعوتكم مستجابه
تعرفو ليش
اول شي ماشاء الله تبارك الرحمن انتو قلبكم من ذهب
بنات اخلاق وربي
تذكرو الله وتستغفرون الله
تقرون كلام الله والله لا يغير عليكم

تحافطون على صلاتكم ماشاء الله الله يتمم عليكم

اعرفو ليش قلت قلبكم من ذهب انا اقولكم ايش صار معااي وانتو احكمو

بنات امس ولد اختي كان بالمستشفى الاكسجين تبعه صار 2 تعرفو يعني شنو 2 يعني الولد قاعد يحتضر ( الله لا يعيد هاليوم يارب ) امه تبكي خبرتي بليل وقالتلي ماابي تقولين لاحد لا امي ولا ابوي ماابي افزعهم واخرعهم نص الليل
تعرفو يابنات اني بكيت ودعيت الله وقلت ماكو الا خواتي را يوقفون معاي محتاجه دعوتهم
تعرفو كتبت ادعوو لولد اختي والله انكم فزعتو معاي ويوم احتجتكم لبيتولي النداا على طول

تعرفوو 5 دقايق من دعوتكم هذي وش سوت من بعد الله ثم دعاكم

جاها الدكتور وقالها اسفين اختي طلع الجهاز خربان والاكسجين تبعه مو 2 الاكسجين تبعه 13 هم ضعيف بس الحمد الله فيه امل مو يحتضر وربي اني صحت قلت سبحان الله مامداهم دعو الا ربي سبحانه استجااب لدعااهم الله يثبتهم يارب على طاعة الرحمن
وتمييتو تدعون له وتدعون
تعرفو وش صار اليوم بالعمليه والله العظيم ماتصدقو
الدكتور قال لاختي نسبت نجاح العمليه ضئيل وقعي على مسؤوليتك تخيلو 80 % نسبة النجااح يا انها تنجح العمليه او يختنق وينقطع الاكسجين ويموت
وربي يابنات من بعد الله ثم دعاكم يا احلى خوات تعرفو وش صار اليوم بعد العمليه
نجحت العمليه والدكتور يقول لاختي ماني مصدق انها انجحت والله توقعت حتى لو تنجح العمليه هم بتدهور حالة الولد بس صار عكس ماتوقعناه والله انه 4 دكاتره كانو معاه داخل العمليه وانه كلهم مستغربيين وصارت وجيهم علامات استفهام كل واحد يطالع للثاني مو مصدق النتيجه اللي احصلت اللهم لك الحمد والشكر يارب رحمتك واسعه
والحمدالله الحين اهو في العنايه المركزه وصحته للاحسن ولله الحمد عاد لا تنسونه من دعواتكم وان شاء الله الله يرده سالم معافى يارب العالمين
بنات تعرفو ليش انا كتبتلكم سالفت ابن اختي بالتفصيل تعرفو
بس عشان تشوفون اشلون الله استجاب لدعاكم
تفائلو يابنات
دامنكم على طاعة الرحمن

تفائلو

دامنك تدعوون لرب العباد

سبحان الله شوفو الله كيف استجااب دعااكم خلكم دايم قريبين من الله استغفروو الله طول عمركم والله انكم بتلاقون الخير لكم والبشاير الزيينه والله سبحانه اذا احب العبد ابتلاه تعرفون لييه عشان يعرف مدى قوة ايمانه لا تقولي متضايقه وماني متفائله ترى ربك كبير
مقوله دايم ارددها واحب اسمعها
لا تقل يارب عندي هم كبير .. بل قل ياهم عندي رب كبير
والله اني اليوم ولله الحمد قريت سورة البقره وانا صايمه وكنت ابكي وربي دعيت لكم من قلبي والله اني دعيت لكل بنت دعت لولد اخي من ظهر الغيب من الله يرزقها وينوولها اللي ابالها ويريح قلبها
انتو يابنات ذهب وربي ذهب ويابخت من يتزوجكم
والله ماني عارفه كيف ارد جميلكم
والحمدالله ربي العالمين