بنات ساعدوني شعري يتساقط حتى البصيلات بعد

نادية الشهري

12-04-2022 - 07:23 pm

مشكلتي بدات بعد الامتحانات الا وشعري يتساقط بدرجه فضيعه وشوي وباصلع وجاتني حاله نفسيه مايعلم فيها
الا الله تخيلو الصيفيه كلها ما طلعت عشان شعري والحين الكليه متوهقه مره مع شعري صار خفيف الله يسعدكم اللي عندها حل ترد علي بليز

التعليقات (9)

احلى فراشه $

12-04-2022 - 09:57 pm

والله قريت عن الجرجير وحدة مدحته وعن تجربه وفعلا انا سمعت عنه كثير وزيت السدر وومويتة بعد انا توني بديت استخدم ما السدر جبت تقريبا ملعقتين سدر وحطيته في علبه وصبيت عليها ما واخذ من الما ء حقته واحطها على شعري واخليها بس فعلا اذا حطينها مايتساقط ...................جربيها ونشا الله تفيدك

Lotus

12-04-2022 - 10:58 pm

راجعي طبيبة افضل
واذا تعرفين سبب التساقط اتركيه عالطول
يمكن الصبغات او الفرد او الاستشوار
الله يحميك

**اسيرة احزاني**

12-04-2022 - 11:59 pm

زي ماقالتاحلى فراشه السدر ممتاز بالمره
والله يسهل عليك لاني زيك انا بعد

ميلاد روح

13-04-2022 - 01:00 am

شوفي يالغلا
أول شئ مثل ماقالت Lotus
راجعي طبيبة عشان تتأكدين من
سبب التساقط
وبقولك عن تجربتي لما حسيت ان شعري
انعدم وصار يتساقط بشكل فضيع
جرجير وأخلط معه زيت عافيه حق الأكل
ماتتخيلين وشلون روعه للشعر ويقلل
من التساقط ويعطي الشعر لمعة فضيعة
وبعد مافيه مثل الصبار من جد رائع
طريقتي أني آخذ جزء من الصبار واقشره
واخلطه مع الزيت واحطه بشعري ساعتين
أو اكثر حسب مزاجي وبعدها تعالي
شوفي وشلون بيطلع شعرك لاتساقط ولايحزنون
وحتى تشوفين الشعر وشلون يبدأ يطلع
وبأمكانك ماتخلطينه مع الزيت خذي
الصبار وقشريه وافركيه بشعرك بس
انتبهي يجي على عيونك تراه حار مره
وصدقني جربي مرة الجرجير ومرة الصبار
وبتدعين لي
دعواتك يااختي والله اني بحاجة لها
ربي ييسر امري ويتممه بخير

نادية الشهري

13-04-2022 - 02:01 am

مشكورين عزيزاتي والله يحقق لكل وحده فيكم اللي تبيه

ورد الجوري2007

13-04-2022 - 03:02 am

هلا حبيبتي هذه خلطة مجربة ومفعولها سريع جدا في إعادة الصحة للشعر
بإذن الله:
ملعقه عسل زيت اي نوع عندك ويفضل زيت الزيتون لانه صحي وبيضه وحده تخلط وتوضع على الشعر لمده 2ساعه أو اكثر ثم اغسلي شعرك كالعادة وسترين الفرق ويفضل مرتين في الاسبوع وراح تشوفين شعرك وتدعين لي بالسعادة

نادية الشهري

13-04-2022 - 04:03 am

مشكوره ورد الجوري 2007

زيتونة بيضاء

13-04-2022 - 05:04 am

مرحبا اختي ماعندي فكرة وان شاء الله الاخوات يفيدونك
بس انا يمكن من خمس سنوات وشعري يتساقط
وحاليا يتساقط بشكل فضيع مرة
ومافيه زيت الا وحطيته حتى زيوت قيمتها فوق 300 وحطيتها
ومافيه فايده
ورحت لمستشفى وحاله وصرفت لين قلت بس
ومافيه فايده
وربي تحطمت نفسياً كل من شافني يقول ليش شعرك كذا خف ومدري وش
فياليت الي تعرف مستشفى زين مضمون ومجربته او مادحته لها وحده ماتبخل علي
او اي شي
وراح ادعي لها ان شاء الله
ادري طولت بس شسوي
الموضوع هذا جاء على الجرح :(

نجلائي

13-04-2022 - 06:05 am

اقول اختي اهم شي تتغذين زين يعني لو تحللين مكونات الشعر راح تشوفين انها تتكون من البروتين والكيراتين والكبريت يعني لازم تاكلين بيض مسلوق ثلاث بيضات بالأسبوع ودجاج مشوي وستيك مشوي والكبريت موجود بالبصل والجرجير والفجل وشربي عصير جزر واكلي تفاح وخيار وشوفي يمكن يكون عندك نقص بالحديد لاسمح الله وعلى العموم استشيري الطبيب احسن بعد
اختك نجلاء

الحقوا علي تكفون←
بول الابل→