بنات ضروري ضروري ضروري تدخلو كلكم الله يرزقها اللي تدخل وترد

كيفكم يابنات ...
ان شاء الله طيبين وكويسين وبتستنوا الحمل السليم بإذن الله ...
الله يرزقنا اجمعين ..
عندي خبرين ...
ان شاء الله يكونوا حلوين ...
اول خبر ..
الدورة متأخرة ليها 5 أيام .. اكيد كلكم بتقولو كويس يارب حمل ...(الله يرزقنا كلنا توائم يجننو)
والخبر التاني انو ..
احس آلآم الدورة بالضبط الوجع في البطن والظهر... يمكن توصل الين اصحى وابكي من الألم
بس انو استحمل ...
رحت للدكتور كالعاده ... بس اقول آي أطير لعندو ..
وعاد قلتلو يادكتور الدورة متأخرة ليها كم يوم واحس بألم الدورة ونغزات في مبايضي ... والم في جنبي اليسار بالمره يوجع ..
المهم ... كشف عليا ... وقلي .. انو كل شي الحمد لله سليم والمبايض مشاء الله سليمة والبطانة كمان الحمد لله سليمة ...
وانو بس المشكلة كالعاده الرحم المقلوب ..
المهم قلي مو مبين سبب لتأخر الدوره عندك والحمد لله اكياس الدم اللي كانت عندك الشهر اللي فات نزلت ..
ومو مبين اذا في حمل او لا ..
قلي يومين واعملي تحليل منزلي ...
بس !!!!!!!!!!!!!!
انا خايفه ماابغى اتحطم .. ماابغى ...
والله في البدايه نسيت موضوع الحمل وقلت خلاص الله يكتبلي اللي في الخير لكن من يوم مااتاخرت صرت مو قادره انام ..
صحبتي حامل ماشاء الله في الشهر الخامس ..
قالتلي انو قبل ماكانت حامل ..اتاخرت عليها الدورة بعدها باسبوع عملت تحليل المنزل طلع خط .. وبعدها باسبوع عملت دم طلع مافي حمل
وبعدها باسبوع طلعت حامل .. ياناسو عليها ..
وقالتلي احسلك استني كمان 5 ايام تكون صارت 10 ايام وبعدها حللي دم ..؟
ايش رايكم ..
الله يسعدها ويجعل الكل يدعيلها بالحمل ويسهلها امورها اللي تدعيلي بالحمل السليم المعافى ..
وبرضو ساعدوني شو رايكم ....
خايفه افكر وارسم احلام
ويطلع في النهاية تأخير عايدي .. لانو ماعندي اي اعراض حمل زي الغثيان او صدة النفس ...
بس النغزات والم الدورة واحيان صداع بسيط ...
بليز .. ايش اسوي