بنات قطر ادخلوا ضروري

الله يسامحكم ولا وحده من بنات قطر ردت علي؟؟؟؟
اشدعوه ماتعرفون مصممين ؟؟؟!!!!!

هلا حبيبتي جواهر انا دخلت بس جبر خاطر والا انا مااحب التفصيل ابدا عندي الجاهز احلى وارقى بس اذا تبي تروح مودا ليدي في السد وفيه واحد لبناني في السد من ورا صوب جيربيرا مال الورود حلو خياطه ...وطبعا فيه خالد اللي هو خياط صادق اللي في السد قريب عند محلات النعمه اللي في السد واذا بتاخذ جاهز تروح جلامور بتلاقي اللي يعجبها

حبييتي ولا تزعلي انا بقولتش ولا يهمتش :
اول شي عندتش سبيسيال في السد واسم المصمم كلود و هو لبناني وخياطته ممتازه وسبيشل بس عيبه شوي الاسعار لازم تفاصلينه.
تاني واحد اللي هو البرنسيسه شغله حلو واسعاره حلوه بعد ولا ما تروحين اسئلى على جيمبي فليبيني وهو شاطر.
ثالث واحد اللي هو الفولك وخياطته نعومه ومكانه في الغرافه.
وانشالله اكون افتدتش وتحصلين اللي تبينه.

فراشتي العزيزة جواهر قطر آنا لج للفزعة في خياط إسمة ديفلية و المصصم إسممة جوزيف فنان وزوجتة إتفصل عليج الفستان وإنتي لابستة يعني تقص ودبس الدبابيس و الفستان عليج بس اسعارة ضو يعني سته حق أول مرة والزباين عندة يرخص يسوي الفستان على خمسة هاذا في حالة القطع من عندة لكن آنا جبت له القطع من السعودية وخيطها لي ب4800 وقال لي هذاسعر خاص لأنج بس جايبة القطع معاج , وعندج بعد لامودا في السد وشيك ليدي بعد فنان وأسعارة تبتدي من خمسة وبعد عندج بعد النوني أسعارة بعد حلوة ثلاثة وفوق وبعد عندج السعفة خيطت عندة من خمس سنين بعد 4000 ويلا يعطيج العافية .

والله اشلج بالعباله والقطع وعوار الراس اذا حابه روحي محل كارين ملن في لاند مارك فساتينه اتجنن وراقيه الناعم ب 700 والي فيه شغل ب 900 حتى يجونج مع شناطهم وجواتيهم ... هذا اذا بغيتي جاهز ...
واذا حابه تخيطين عندج البثينه في شارع السد المصمم اللبناني خياطه روعه وشغله راقي .... عن تجربه

عندج خياط انوني تبدا اسعارة من 3 الاف ....خياطتة نظيفة وتصاميمة حلوة....

شوفي حبيبتي انا بقولج وانتي وراايج
خياط لامودا انا خيطت عنده اكثر من مرة م احس مكرر اللي يسويه واسعااره لج عليه شووي
الفوولك روعه روعه روعه واسعااره وايد حلوة بس اذا بتفصلين عنده لازم قبل الخطووبه بشهرين على الاقل وفسااتينه
مش مكرره جربت عنده صرااحه روعه شوي عليه عمري ما شفت حد مفصل عنده مكرر دايما يديد تفصيله
م بس هذا اللي عندي وان شااء الله افدتج بشي

حبيبتي جوجو عندج شك ليدي بالسد تصاميمة روعة روعة ةاسعارة تبتدي من 4 الاف وطالع بس عيبة انة يتاخر في تسليم الفستان يعني عادي يجيبة لج بنفس يوم الحفلة بس الخطير انة واثق من شغلة مافية اي خراب خ وعندج دار لارا المصممة سورية(( مدام نوال)) شغلها حلو واسعارها من2 الف وطالع
وعندج لا مودا احليو بس نفس ماقالت جورجي تصميمة مكررة وغالي على الفاضي وعندج كواليزوني بالغرافة حلو بعد واسعارة تبتدي من 1000 وطالع .. واتمنى اني افدتج

الفراشات ماقصورا قلبي