بنات لا تبكوا قطعتواقلبي

بسم الله الرحمن الرحيم....
اليوم حسبت في المواضيع الي قريتها كم وحدة قالت "انا امس" أو "أنا اليوم" "بكيت بحرقة" وأو الكلمات المشابهة
والله حاسة فيكم لأني منكم، بس يا حبيباتي شوفو الي حواليكم، ازواجكم وياكم واقفين معاكم، امهاتكم تدرون والا ما تدرون ترى يدعون لكم من قلبهم كل يوم، ليش تبكون؟ بالعكس الي تدخل هالمنتدى وتشوف أنها ماهي وحدها بهالدنيا مفروض تحس انه شي عادي، ترى احنا حالنا حال غيرنا بس الفرق ان غيرنا على بريد "اكسبرس" واحنا "البريد العادي" ،، في النهاية وبأذن الله وان شاء الله كل وحدة بتحمل "ان شاء الله" ان كان بكرة والا بعد 14 سنة!!
خلوا ايمانكم بالله قوي واستمتعوا بحياتكم وخلوا الناس يتكلمون خلاص انتو عايشين في مجتمع يتكلم،،تقبلوا الواقع مثل ما تقبلتوا وقائع غيرها انتو ما كنتوا راضيين عنها!
تعالوا شوفوا الحبوبات الي الي يشاركوا في تجمع المتأخرات، ضحك ووناسة وفرفشة ترى هالمنتدى مش عشان تاخذين هم، عشان تشجعوا بعض وتخففوا على بعض
عسى الله يرزقنا جميعا
عسى الله يفرح قلوبنا جميعا
عسى الله يخفف علينا جميعا
امين امين امين
وسعوا صدوركم يا امورات طلعوا من الموضوع وعلى وجوهكم ابتسامة