بنات محتاجه تفسير منكم

1. دعواتكم لي


2. ورددوا هذا الدعاء

السلام عليكم ورحمة الله وبركاته:
كيفكم بنات يارب تكونوا بألف خير
طبعا اانا عضو بالمنتدى من فتره لكن الفتره الاخيرة ما صار لي خلق ادخل
الله يسامحهم على هالاستايل
طيب بينات بقول لكم الموضوع اللي مره محيرني وياليت تفسروا لي اللي صار
لاني مره متفاجأه ,, والحمد لله والشكر اولا واخيرا كما يليق بجلال وجهه وعظيم سلطانه
طيب بخبركم عني انا عمري 28 ومو متزوجه,, ام اموري بالزواج مو مره تمام
المهم انا عارفه من فتره انو فيني عين واللي خبرتني بهالشيء راقية ثقة
المهم كتبت زمان موضوع هنا عن الرقية واستمريت عليها فتره
طبعا الحمد لله تحسنت امور كثير خصوصا علاقتي بااهلي واخواني
وبعدها صار كم موضوع خطبة لكن ما يتم وبدون توضيح اسباب
وقبل فتره كنت بمستشفى مع امي وشافتني حرمه المهم وتجلس تطاردني وانا اصرف
اخر شيء جت واخذت رقم التليفون من امي
انا فكرتها تخطب لولدها او احد من قرايبها المهم طلعت الحرمه خطابة ههه
وفعلا دقت كذا مره على امي وتجلس تخبرها عن عرسان لكن ما ترجع تتصل
طبعا لها اكثر من سنه على اخر مكالمه
المهم نجي للموضوع المهم
عندي وحده من قريباتي مره كرهتني حياتي انا مره ما احب اشوفها ولو بس احد يجيب سالفه عنها اتضايق,, طبعا هي بشكل شبه يومي تجي عندنا البيت
وطبعا لو بس سمعت سالفه خطوبة تتجنن وتجي تسال امي من وين واسم عائلته وكيف عرفوكم
ام
هالحرمه ولدها متزوج وما عندها غيرة بس ليه تسوي كذا ما اعرف
وطبعا هالحرمه ما تفارقني باحلامي
المهم امس باليل الساعه 12 كنت اغسل الصحون شوي امي جابت صحون العشاء للحرمه هذي
المهم قلت بنفسي ليه ما اخذ من اثرها يعني يمكن تكون تحسد واذا ما كانت ما بخسر شيء
المهم يا حلوات وفعلا اخذت شربت شوي ورشيت الباقي على جسمي
الحمد لله نمت وحاولت انسى الموضوع
صحيت اليوم قبل الظهر وبعد اذان الظهر دق التليفون وكانت وحده تبي امي
ناديت امي وكلمتها وانا فهمت انو الموضوع خطبة
بعدين سألت امي وطلعت الخطابه اللي من زمان
تخيلوا قالت لامي من زمان ابغى اتصل عليك لكن ضيعت رقمك
والحين حصلته
وقالت لامي انها تبي تجي
بس قالت لامي ما ابي احد من اللي حولكم يعرف
فسروا لي الموقف
هل فعلا كانت عين من هذي الحرمه؟
هي مجرد صدفة؟

دعواتكم لي

ورددوا هذا الدعاء

اللهم إن في تدبيرك ما يغني عن الحيل، وفي كرمك ما هو فوق الأمل، وفي حلمك ما يسد الخلل، وفي عفوك ما يمحو الزلل، اللهم فبقوة تدبيرك وعظيم عفوك وسعة حلمك وفيض كرمك، أسألك أن تدبرني بأحسن التدابير، وتلطف بي وتنجيني مما يخيفني ويهمني، اللهم لا أضام وأنت حسبي، ولا أفتقر وأنت ربي، فأصلح لي شأني كله، ولا تكلني لنفسي طرفة عين، ولا حول ولا قوة إلا بك.