بنات مين تعرف وحده هي الزوجه الثانيه ومرتاحه

رتـــــااج

20-10-2022 - 01:17 am

وليه ما ارضى .. حتى وان كنت في العشرينات
مادام تقدم لي صاحب دين وخلق ليش افرط فيه علشان موضوع انه متزوج من قبل
الي بيعيش انا .. ماهو الناس
يعني المفروض ادور مصلحتي وين ماكانت ..
وادور مصلحة عيالي في اني انقي لهم اب صالح يخاف الله
زوج اختي تزوج عليها وحده ثانيه وهي اكبر منها
قسم بالله انهم عايشين مثل الاخوات
محترمات بعض لابعد حد
لان كل وحده منهم تخاف الله في الثانيه وعارفه ان هذا حق مشروع لكل زوج
فليه تعترض على حكمة ربي وتخالف شرعه
ومادام انه عادل معهن فما له داعي تنق طول الليل والنهار وتغضب ربها وزوجها

*منتهى الشوق*

20-10-2022 - 02:18 am

حرام اخرب حياة غيري على حساب نفسي
الزوجه الثانيه وجودها ضرر يكفي ان الرسول سماها ضره
اللي اعرف ان الثانية اتعس من الاولى

همسة صد

20-10-2022 - 03:19 am

يا حلوة بنات جارنا زوجة ثانية ما شاء الله سعيدة ومارتحه
وصديقه اختي زوجه ثانية ماشاءالله سعيدة وربي رزقه خير حت اولدة يسلون عنه

فجرالامل~

20-10-2022 - 04:20 am

وعليكم السلام ورحمة الله وبركاته
ارضى حتى قبل مااوصل الثلاثين هذا شرع الله
مانحرم ماحلل الله ومافيها تخريب حياة ولاشي على قولة اختنا
كل وحده في بيت بروحها ولها حقوقها
اذا كان الرجال كفو وراعي دين واخلاق برضى فيه واتوكل على الله وش المانع مو شرط بالثلاثين اعرف بنات صغار وتزوجوا من متزوج وعايشين ومافي احسن من حياتهم

الجنةحلمي

20-10-2022 - 05:21 am

ياقلبي لاتقولين من مرتاحة وهي ززوجة ثانية
هالسؤال صعب جوابه
لان كل وحدة حياتها تختلف عن الثانية
وبعدين على حسب الرجال
بعضهم ينحط على الجررح يبرى وبعضهم للاسف مايقدّر لازوجة اولى ولا ثانية
يعني اذا انتي تقدملك متزوج فكري فيه من كل النواحي وشوفي ايجابياته اذا كوويس وافقي عليه بعد استخارة طبعا
بس لاتربطين موافقتك على اساس كلام سمعتيه من وحدة تزوجت متزوج وندمت .....اووحدة مرتاحة مع متزوج !!
الله يوفقك ياارب بالي يرضيك عاجلا غير اجل اللهم امين

وشلون بنساك

20-10-2022 - 06:22 am

اه كلام البنات يذكرني بكلامي قبل
والله يابنات كنت اقول زي كلامكم وليه ارفض زوجة ثانية واذا اتاكم من ترضون دينه وخلقه فزوجوه
وحبي وعشقي للاطفال خلاني اقبل وانا مغمضه
وخاصة الي جاني دكتور وشهادات عليا وصيته بكل مكان
لكن وقسم بالله عشت اسوأ ايام حياتي اتعس بنت
ظلمت نفسي وظلمت اهلي معاي
كل الرجال كذا لما يجون يخطبون الثانية حط لي القمر بيد والشمس بيد
من اول ليلة زواج بكيت بكى تقطع قلبي من البكاء
انقلب 180 درجة جت المشاكل تهجمت علي زوجته وهددتني عشت حياتي برعب
عشت مع رجل جباان خواف والله لادينه ولاشهادته سوت شي
جد ظلمت نفسي
انطبق علي المثل رضيت بالهم والهم مارضى فيني
تخيلي عشت بشقتي لحالي كل ليلة ماشوفه الا ساعه في اليوم بس يجي وهو مغصوب مجرد بس يجيه اتصال يطير طيراان
ليه وانا لسى بنت وجميلة وشهادات والكل يتمناني
لكن جد اخطيت اكبر خطا بحياتي
والله ان الوحده افضل بكثيير من مذله بتجيك وخوف وحياة كلها تهديد وماتعرفين مستقبل اولادك بيعترفون فيهم او لا
قصتي كتبتها هنا واغلب الكل عارفها
بعنوان
كنت ابي قربه ولكن ماحصل
وازيدك من الشعر بيت كنت احبه موت احبه بجنون بس وش فادني حبي
غير ذل واهانه واخرتها طلاق
ورجعت لبيت اهلي
تمنيت اني ماعرست وانتظر نصيبي افضل وحتى لو ماجى اعتزازي بنفسي يكفيني
ليه اعيش بظل رجل يذلني
ومع هذا لاتعممين تجربتي المريره وقصتي على حياتك
الرجال يختلفون وكل وحده تاخذ نصيبها
ولكن استفيدي من قصتي انك تتاكدين الف مره وتعرفين شخصيته كويسه
واهم شي اشرطي ان اهله الي يجون يخبطونك
انتبهي يجي يخطبك لوحده ويقنعك انه رجال كبير
وهذا الي صار معاي وفي الاخر اكتشفت ان اهله مايدرون ويووم درو رفضوني ومايبون وكيف اخلف منه عيال ومحد يبيهم
انتبهي ارجوك
اه تفتحت جروحي
الله يعوض يارب ويخلف علي
والله يسعدك اختي

:.تيتي.:

20-10-2022 - 07:23 am

وشلون بنساك
يوم شفت بداية سالفتك حسيت انك وحده اعرفها مره
لكن بعدين عرفت انك تطلقتي
والي اعرفها إلا الان صابره وجابت بنوته قمر مشاءالله عليها
وربي نفس سالفتك بالضبط لكن هي متحمله وصابره
لكن تعرفين انا يوم شفت سالفتها عرفت انو الرجل اذا نو يتزوج على زوجته
فهذا لمصلحة زوجته الاولى
لانو الي لحظت انو يزد الاشتياق والحب ويصير يشتاق لها
والسبب الثاني انو الاولى مافيها خوف من الله وتصير تتعدى على ايام الثانيه تصير ترسله وتكلمه
اذا كان عند الثانيه هذا الي انا لحضتوه على الي اعرفها نفس حالتك بالضبط
الكن الله يعوضك بالي احسن منه ويجبر بخاطرك عاجلا غير اجلا
ولصاحبة الموضوع اذا سالتو عن الزوج بعد اسألو عن زوجته واذا كانت بعيده عن الله ومتخاف من ربي
وقويه ابعد عنه لانها راح تدمر حياتك اذا ماخافة الله وش الي بيردعها

جوافه

20-10-2022 - 08:24 am

انا مع الأخت الجنة حلمي .... كل رجل طبعه وتفكيره غير الثاني ....وبعضهم مو مقدر الحياة الزوجيه ومسؤولياتها .... بس تكثر قروشه يتزوج ... أو يمل من الأولى يتزوج ..أو يتزوج دلع قدام اصحابه ..... فنصيحتي لك استخيري ...واسألوا عنه زين وشوفي وش عيوب الأولى ...وليش بيتزوج عليها ولو بيدك تشوفينها من بعيد يكون احسن تعرفين وشلون هي ....
وبالنسبه لسؤالك انا 2 من خواتي ماخذين متزوج ... وعندهم اطفال اولاد وبنات من الزوجات الأولات ..... اختي الأولى غيوره وماتشوف الثانيه ابد و اللي ساعدها انها ساكنه بمنطقة غير منطقة الاولى بإختصار بالخارج عشان زوجها يدرس والله اعلم بعد الدراسه وش بيصير ..... والثانيه ساكنه مع زوجته الاولى بس اختي مسالمه وماتغار وتتحمل وتصبر .... وماتحط راسها براس الأولى تخلي الأولى تقهوي زوجها وتدلع وتتغنج الين شافت اختي مسالمه وفي حالها ومو راعية كيد حريم تصالحت معها ... بس صدقيني يظل الخصوصيه مطلوبه وكل وحده تاخذ عازب مثلها ...بس لو مشى العمر وكتب الله لا مانع من المتزوج بس ادرسيه زين مو ترمين نفسك وتزوجينه على عماك .... واطلبي حقوقك كامله ...وخليك مسالمه مو تتهاوشين معاه على الأولى ترا الأولى لها احترامها ...... لو وش ماصار .....

الله كريـم

20-10-2022 - 09:25 am

انا اعرف وحده زوجه ثانيه مرتاحه وعايشه احلى عيشه
بس حاولي انك ماتتضرين الاولى بشي
خافي الله بكل شي تسوينه عشان ربي يصخره لك
والزواج كزوجه ثانيه عادي ومافيه اي شي
الحين اغلب الزواجات كذا اصلن
ومشاءالله مرتاحين وعايشين احلا عيشه
استخيري وتوكلي على الله وانا اختك