بنات والله العظيم نفسيتي تعبت قولوا لي أيش أسوي

بسم الله الرحمن الرحيم ..
كيفكم فراشات ؟؟
أبغا أدخل في الموضوع زوجي حضرته شغال في الجامعة وهو في كلية العلوم وشغلته إنه ماسك أشغال البنين والبنات القهر يعني سكرتير رئيس القسم ..
تخيلوا يابنات أنا خريجه طبعاً قبل سنة ونصف من نفس الجامعه وفي منتدى للجامعة يخص أمور الجامعة كلها موادها محاضراتها دكاترتها وزي كذا يعني ..
المهم أنا سجلت بالمنتدى تبع الجامعه قبل ما أتخرج تقريباً وما أدري أيش إلا قال لي فكيه المنتدى تبع الجامعه وأتصفحي وإلا دخلت بالمنتدى قسم كلية العلوم الأجتماعية إلا شغال فيها زوجي ..
والطامة الكبرى يابنات تدروا أيش لقيت مواضيع بقسمهم نازله وبالبنط العريض تخص زوجي
(....... شاب متعاون مع الكل ) طبعاً محل ماسيبت فراغ إسم زوجي كان موجود حسبي الله ونعم الوكيل ..
لا ودخلت الموضوع وشوف البنات وأيش كاتبين في زوجي هذا السكرتير خلوق محترم متواضع الله يسعده وحاطت لي صورة وردة ..
ولا ثانيه كاتبه الله يسعده يارب السكرتير من جد يستاهل كل خير خدوم ..
ولا ثالثه كاتبه والله هذا السكرتير إنسان وكلمة إنسان في حقه قليل بالله أيش رأيكم ماأموت قهر
ولا واحده كاتبه يابنات الماده ما نزلت لي عالجدول أيش رأيكم أتصل بالسكرتير خطه ما يشبك معي حق التلفون أتصل على جواله بس مستحيه أتصل عليه طفشته .. صراحه بنات ما أدري كيف ؟؟
ولا منزلين موضوع ثاني وهو ( طلب مشاركة سكرتيرنا أ .......... في هذا المنتدى ) ..
وتخيلوا كلهم بنات معينين وحفظتهم بالإسم إلا قاعدين يكتبوا عن زوجي بالله كذا يسير ..
وغير صور الورود والدعوات إلا كاتبينها لزوجي مع إنه الحق لله كاتبين عنه إنسان محترم في أكثر من مره ونفسهم زوجي يشارك في المنتدى لكن زوجي يقول ما أبغا كافي رجتهم في الجامعه ..
ياناس تخيلوا وهو في عمله يتصلوا عليه بنات ويطلبون منه يضيف لهم مواد ويحذفها وهو بحكم عمله ملزوم وهما حضرتهم يحسبوه يخدمهم بعيونهم مايدروا إنه الإنسان مجبور عشان عمله هذا الموضوع منكد عليا ما أحب أحد من صنف البنات يتكلم ويمدح في زوجي لا وبعد يطلبوا مشاركته في المنتدى ..
بس إلا مفرحني حتى العيال يمدحوه والدكاترة وماشاء الله تبارك الله المجتمع الجامعي وشكر في أكثر من مره منهم لأنه بجد زوجي الحمد لله مخلص في عمله ومجتهد ومايحب الغياب ..
تصدقوا يابنات لما وريته المواضيع سار بس يضحك عليا عشان أنهرت وسرت أخاصم فيه وبكيت
بعدين هو سار يضحك وقال لي والله العظيم أحبك أحبك ومستحيل أطالع لغيرك ولو أفكر في شي ما أجي أقول لك البنات رجوني في الجامعه بالإتصالات وطلباتهم أنا ورئيس القسم إنتي ماتفكري وكان مايدري عن هذي المواضيع إلا نازله لأنه مايحب أدخل منتديات وزي كذا..
أعطوني بالله رأيكم ولو كنتم في مكاني أيش تسون نفسي أنتحر بس لاسمح الله والله يصبرني ..