بنات والله الكل يسألني عن سر تغير شعري تعالو اقولكم

اهلين يا احلى فراشات .. اتمنى تكونو بخير وعافيه ..
والله من حبي لكم مابي ابخل عليكم بهالخلطه الي استخدمها ..
اول شي بقولكم وش سوت بشعري ..
انا ولله الحمد شعري شبه ناعم وطويل الى قبل اخر الظهر بشوي بس انه قليل وخفيف ..
لكن بعد الخلطه بنات وربي هذا الصدق انه طال وصل لاخر ظهري وشكله بيطول اكثر .. وصار فيه لمعه والكل يسألني عنها .. وصار ناعم ماشاء الله وستريت قسم بالله .. ولاحظت انه بادي يكثر ..
وبستمر عليها ان شاء الله الى ان يكثر اكثر واكثر
الحين جا وقت اني اقولكم الخلطه .. ومابي منكم الا دعوه حلوه ان الله يحقق لي الي في بالي يارب ..
زيت لوز حلو
زيت خروع
زيت جوز الهند
زيت انوب
كلهم تلقينهم في العطار ..
اخلطيهم مع بعض بكميه تكفي شعرك على حسب طوله يعني .. حطيها على شعرك وركزي على الفروه اهم شي الفروه ..
وبعد ماتحطينه بشعرك خذي كاب او سفره او اي شي تلفين فيه شعرك .. اهم شي ان الهوا مايدخل فيه ابد ابد ..
وخليه لمدة ساعتين .. وبعد كذا تروشي .. والله من اول استعمال بتلاحظين اللمعه الي الكل بيسألك عنها ..
الي تجربها وتنفع معها بس تدعي لي مابي اكثر