بنت عروس متزوجه كل العضوات يدخلون بدون أستثناء

اللهم صلِ على محمد وعلى أل محمد كما صليت على إبراهيم وعلى أل إبراهيم
اللهم صلِ على محمد وعلى أل محمد كما صليت على إبراهم وعلى أل إبراهيم
السلام عليكم ورحمة الله وبركاته ~
صباح / مساء الخير
كيفكم ياعروصات ؟ !
أن شاء الله كويسين يابت انتي وياها
أشتقت لكل بنات المنتدى اللي أعرفهم
بس عندي ظروف و لا لي خلق أدخل المنتدى ، الله يسهل عليكم وعلي ياارب
المهم
أنا صراحه من زمان متابعه هالقسم ، من قبل لا أسجل حتى
لأن مالي خلق >> متى كان لك خلق أنتي
يعني من جد تقريبا أعرف معظم البنات اللي يدخلون هالقسم ، لأني كنت أقرى المواضيع والردود زمان عشان أستفيد منها وتسذا
المهم
أنا ابقولكم شي
أول شي أحترت وين أنزل الموضوع
بس الشي اللي أبي أتكلم عنه لاحظته بذا القسم بالتحديد
عشان تسذا قررت أنزل الموضوع هنا
الموضوع كالأتي مدري كالتالي
أقرووه للأخير وركزو
أنا بصراحه بنت موسوسه وماأثق بأي أحد لا في النت ولا حتى بحياتي العاديه
ومن كثر ماتابعت هالقسم من جد لاحظت أشياء غريبه
>> أتحفينا ياكونان
أول شي لاحظت ان كثير من العضوات ، تجيك الوحده تقول انا مخطوبه ولا متزوجه وتنزل في البنات نصايح
ومره يكون مبين أنها تسذوبه لا متزوجه ولا شي ، وربي واضح
يعني لو تكون بنت تسذوبه نص مصيبه لكن يوم تجيك ردود من أعضاء مبين أنهم رجال يستهبلون
يعني يقعدون يتكلمون بمواضيع حساسه وينصحوون بأشياء تخص أشياء حساسه
وذا الشي ممكن يأذينا طبعا
اللي أبي أوصله لكم >> حسيت الكلام حوسه
أن لا تثقون بأي عضوه ،
أول شي : موب كل شي تقرونه هنا تطبقونه ،
وثاني شي : لا تعطين معلومات شخصيه عن نفسك ،
وربي دايم أشك بعضوات وأفكر أبلغ عنهم
لكن دايم يمنعني شي واحد اللي هو أخاف أكون ظالمتهم
عشان تسذا يابنات
أنا قررت أنزل هالموضوع من باب حب لأخيك ماتحب لنفسك
وربي دايم أفكر بهالموضوع ، لأنه شي يخوف
من جد صرنا بزمن كثرو به الناس الفاضيه اللي شغلتها تلعب بخلق الله ، والناس المريضه نفسيا
>> الله يبعدهم ويبعد شرهم عنا
أخر شي أبي أقوله لكم
أنتبهو على نفسكم
لا تثقون بأي أحد هنا ، خلو علاقتكم في الأعضاء بالمنتدى بس
يعني لا تعطينها أيميلك او أي شي يخصك
لا تقولون معلومات شخصيه عنكم
يعني مثلا مو تقولين عرسي بتاريخ كذا بالمدينه الفلانيه بقاعه وشسمه
أنتبهوو
لا تقولون موسوسه ، وربي به ناس كثيير جتيها مشاكل من ورى النت والمنتديات
،،
بس
هذا اللي كنت أبقوله لكم
أدري أنكم بتقولون حنا موب أغبياء وحنا نعرف نحمي نفسنا وحنا نعرف هالشي
بس وربي معظمنا على نياته ولا يدقق
أنتبهو بنات الله يخليكم ، وأنصحو أخواتكم وصديقاتكم وكل بنت تعرفونها
وبسس
قولو أمين
الله يحمينا ويبعد عنا شر أولاد الحرام
يارب أحمي كل بنات المسلمين ، وأنزل أشد العذاب بالدنيا والأخره في من يفكر يأذيهم
،،
أستودعكم الله الذي لا تضيع ودائعه
فمان الله