بيعطيك فلوس وهو فرحان

السلام عليكم
شلونكم ان شأ الله بخير قريت هذا الموضوع في منتدي اخر وحبيت انقله لكم بصراحه كتير كثير حلو و مفيد نشالله يعجبكم
أعرف أن أصعب شيء على الزوجة هو أن تطلب فلوس من زوجها إضافيه بعد ما خلص مصروفها عشان كذا جتبنت حموله تعلمكم كم حركه تاخذين منها المبلغ اللي تبينه و زوجك فرحان
أكيد الحين تقولون شلون ؟؟ الحين بقول لكم .. بس ابتعدوا شوي صار زحمه شوي أحس بحرارة
ههه
1-قومي بطبخ طبق رئيسي يحبه زوجك و طبق سلطة و اذا ما تعبتي بعد شوربة ، ولا تنسين تغسلين المواعين و القدور عشان المطبخ يصير نظيف و تفتكين ههه ، المهم و بعدين حطي على طاوله صغيرة عندج شرشف حلوو او أي قطعه قماش ستان و حطي مزهريه صغيرة و فيها وردة طبيعيه أو صناعية ، ، و الحين جيء دورج البسيقميص ابيض ساده ضييق و تنوره سوداء ساده و ضيقه و اذا حبيتي شريطه أو ثوب أحمر حفره فوق القميص ، ولا تنسين جوراب بيج و حذاء كعب و ارفعي شعرك وتمثلين دور النادله بالضبط اللي تقدم الطعام بالمطعم
و اكتبي على الباب مطعم الدلع او الحب او اسمك او مطعم الرومانسيه أي شيء
و اذا جيء زوجك لا تركضين له مثل ما تسوين له كل يوم لالالالا استقبليه ببتسامه و قولي له (( تفضل سيدي )) هو راح يستغرب بس بيمشي معاك و لما يقرب من الكرسي انتي باعدي الكرسي عن الطاوله عشان يصير مجال يجلس و بعدين قولي له (( الليله اطباقنا هي كذ وكذ وكذ يعني اللي أنتى طبختيه )) شنو تحب أطلب لك ؟؟ طبعا هو من الزهقه بقول كل شيء ، و جيبي له السلطة بالبدايه و بعدين الشوربه و بعدين الطبق الرئيسي و طول ماهو ياكل لا تجلسين لالالا ظلي واقفه و بعد ما يخلص شيلي الصحون و جيبي له فاتورة نقديه و قيمتها المبلغ اللي تبينه ههه و هو بيستحي او بظن انج تلعبين معاه و بيعطيج الفلوس بس بعدين لا ترجعينهم له ههه . و بس
2- الطريقه ثانيه بعد حلوة و هي انك اما تلبسين تنوره سوداء و قميص ابيض او حتى انك تلبسين لبس صيني حلو و اهم شيء قصير و جهزي مترس على الأرض و اذا تحبين على السرير و حطي على الباب ورقه مكتوب فيها (( اهلا بك في عالم المساج .. للدخول أدفع مبلغ ......... )) و حطي له ظرف يحط فيه الفلوس و استلميه قبل لا تسوين له مساج / و تقدرين تلبسين نظاره بعد عشان تصيرين جاده
و جهزي لج زيت و كريم و قصصي أظافرك الطويله و لونيهم ، و طبعا لا تنسين فوق المترس او السرير حطي قطعه قماش ما تبينها عشان لا يتوسخ من الزيت . و لما يجي زوجك استقبليه بهدوء و اسأليه (( تبي مساج تايلندي لو صيني ؟)) ههه و انتى اللي تعرفينه من التدليك سويه له بس طولي معاه يعني الظهر عشر دقائق و الرأس خمس دقائق و اليدين و الرجلين 15 دقيقه .
3- الطريقه الثالثه بسيطة جدا و هي انك تكتبين له رساله حلوة فيها صور حلووة و كلمات رومانسيه و تعبرين عن احتياجك للفلوس و ترسلينها على ايميله .
4- و تقدرين بعد ترسلين له مسج انك محتاجه الفلوس بس مستحيه تقولين له ههه و ضيفي على المسج شويه من توابل الحب ، و على فكرة يفضل ترسلين له المسج و هو موجود بالبيت و انتى بعد بس مثلا انت بالمطبخ و هو بالغرفه ، و بجي لك و على وجهه ابتسامه و في يده الفلوس .
و اللي عندها أفكار لا تبخل علينا
الموضوع منقول
المايك لكم