تاج محل لديها الحل 1

تاج محل

07-12-2022 - 08:47 am

السلام عليكم ياأحلى الفراشات من خلال قرائتي لبعض المواضيع في هذا المنتدى الجميل بتواجدكم اكتشفت أن الغالبيه منكن لديهن مشاكل بالبشره والشعر لذلك سوف أدلكن على طبيب ممتاز من منطلق أحب لأخيك ماتحب لنفسك...
وصدقوني أنا وقريبتي نتعالج من البشره ومشاكلها ومتغيرين 360 للأفضل باختصار من لديها مشاكل بالبشره والشعر فلتتكل على الله وتتوجه الى مستشفى سعد التخصصي بالخبر لعياده الجلديه..
د- ابراهيم الدبيكل
وان شاء الله أكون أفدتكم وقدرت أساعدكم..
الله معكم

التعليقات (9)

ام رنونه

07-12-2022 - 12:32 pm

يعطيك العافية عالمعلومة الله يحقق لك اللي في بالك

تاج محل

07-12-2022 - 01:33 pm

أم رنونه تسلمي على مرورك العطر..

مشروع مهمة

07-12-2022 - 02:34 pm

جاية طا ايرة
ياحبيلك ياشيخة انا من زمان ادور على دكتور جلدية سنع
طيب حبيبتي ممكن اشوية تفاصيل يعني وشي المشاكل اللي عانتيها والنتيجة الحين كيف والاسعار وفتح الملف بكم وكل شي كل شي لاهنتي

تاج محل

07-12-2022 - 03:35 pm

هلا والله بأختي مشروع مهمه بالنسبه لفتح الملف مجاني والدخول على الدكتور لأنه استشاري ب 200 ريال
لازم تحجزين موعد قبل ماتروحين لأن نظام المستشفى حجز مواعيد مو تروحين كذا..
بنت أخوي كانت حبوب سوداء في وجهها والله كلفتها الأدويه 600 ريال والكورس مدته شهر وماشاء الله
وجهها صار مرايه..
أنا مشكلتي في الوجه منطقه التي زون والحمدلله الحين أموري تمام..
الدكتور ممتاز وبصراحه محترم جدا مو مثل دكاتره هالأيام...
أي شئ أنا في الخدمه أختي ولايردك الا لسانك..

مشروع مهمة

07-12-2022 - 04:36 pm

تسلمين حبيبتي على روعة ذوقك
طيب بنت اختك للحين على الكورس و لا موقفة ؟؟
لان بعض الدكاترة الله يهديهم يعطونك نتيجة زينه اثناء العلاج وبعد العلاج كنك يابو زيد ا غزيت
لان انا مشكلتي حب الشباب ولاثار وبرضوا شعري خفيف مادري جربتي علاجه في الشعر ؟
يعطيك العافية ياقلبي وسمحي لي على الاطاله
دمتي بود

فر111شه لؤلؤيه

07-12-2022 - 05:37 pm

مشكوره أختي والله يعطيك العافيه
ويكثر من أمثالك .. هالأيام البنات لوحصلوا شيء زين مستحيل يعلمون عنه بشيء
ولكي مني التقدير

تاج محل

07-12-2022 - 06:38 pm

مشروع مهمه أختي الغاليه تعبك راحه وخذي راحتك بالنسبه لحب الشباب هي مثلك صارت اثار سوداء بوجهها والحمدلله مع الكورس اختفت طبعا الكلام كان بشعبان هالصيف قال لها ياطويله العمر والسلامه ارجعي لي بعد ماتخلصين الكورس والبنوته سافرت تصيف وبعد مارجعت انشغلت بحوسه الكليه وتنتظرني أروح معها لأن أنا مو بالدمام بالجبيل وبالنسبه للشعر هي عندها تساقط فضيع وقالت للدكتور لكن صراحه ماوصف لها علاج ماأدري ليه واذا راحت مره ثانيه بتقول له عن علاج الشعر وان شاء الله أخبرك اذا شفت نتيجه بس البشره بيني وبينك شي مسكت شغل نظيف ومرتب يعني الفلوس مو خساره.. وأرجع أقولك أي خدمه من عيوني ومو شرط الجلديه أي تخصص طبي ثاني مستعده أقولك مين الطبيب او الطبيبه الشاطره بسعد التخصصي وان شاء الله ماتحتاجين ويتمم ربي عليك وعلى أهلك وأحبابك العافيه..
فراشه لؤلؤيه شكرا لمرورك وبصراحه أعوذ بالله من الأنانيه حب لأخيك ماتحب لنفسك واذا ماساعدنا بعض مافينا خير...

مشروع مهمة

07-12-2022 - 07:39 pm

تسلمين حبيبتي ,بصراحه عاجزة عن شكرك ,ما قوول الا كثر الله من امثالك
دمتي بحفظ الرحمن

تاج محل

07-12-2022 - 08:40 pm

مشروع مهمه الله يسلمك وماسوينا الا الواجب ياأختي واي خدمه تامرين امر الله معك..

نصائح هامة جدا للتحكم بشعرك←
مشغل شيفون بالرياض→