تبون تعرفون وش قصتي مع الجوال

البريئه M

18-09-2022 - 02:53 pm

انا واثقه في زوجي....

بس في لحظه...شكيت فيه مو علشان القصص او المنتديات بالعكس..

قصه حقيقيه...
واتمنى الكل يستفيد منها...
قصه بدايتها تقهر ونهايتها حلوه..
القصه تتكلم عن الثقه في الزوج.....!!!!!!!

انا واثقه في زوجي....

بس في لحظه...شكيت فيه مو علشان القصص او المنتديات بالعكس..

القصه ومافيها....ان زوجي مسافر بعثه...وبعد ثمانيه شهور جاء زياره شهر...بس في هالشهر في البدايه كان مبسوط انه رجع لنا ...وبعد كذا...احنا قاعدين عند اهله صار ينام عندهم....ويجي متاخر...يعني ما اشوفه الا تحت عند اهله واحيانا يجي فوق...وقت النوم...
المهم ....الشيطان شاطر...لما كان نايم مسكت جواله العب فيه ...كالعاده...يوميا...حتى قبل لايسافر...من تزوجنا وانا يوميا كذا...اخذ الجوال والعب فيه....
وبالغلط دخلت على الاسماء...
وشفت اسم غريب...اسم اجنبي...
وهنا كملت باشوف اذا فيه غيره...او لا..؟؟؟
تقريبا صار هالشي بعد عشر ايام من جاء...وانا احس اني مقهوره.....
وسكت ماعرفت ايش اقول...؟؟؟
اخاف اواجهه ويطلع شكي صحيح...!!!
في الاخير قررت اسكت...
اقول مو معقوله...انا اشك فيه....لالالا
مو معقوله....مايسويها...
بس اذا شفت انه بعيد عني...يلعب الشيطان في راسي...
وقعدت على هالحاله لحد ماقدرت استحمل نفسيا تعبت...
ما اكلمه...وبس ساكته...
لحد ماجاء اخر يوم ومن بكره بيوديني لاهلي....وفي هذا اليوم انهرت...وكلمته...بس ماتجرأت افتح معاه هالموضوع...احس انه كذب..مو صحيح...!!!
وبكيت وهو يهديني ويسالني وش فيني...؟؟وانا بس ابكي...ماقدرت اتكلم واقول الا انك تغيرت علي .....!!!
وهو يقول لا انا ماتغيرت...انا ابيكم...وتعرفون من هالكلام...
ورحنا لاهلي...وانا لسى مافتحت معاه الموضوع...
تدرون متى تجرأت وتكلمت معه ...
قبل مايمشي ويروح للرياض...علشان رحلته بعد يومين...
قلت له بكل بساطه ...انت تحبني...؟؟
قال اكيد...قلت طيب وش هالاسماء اللي في جوالك....؟؟؟
قال اي اسماء..؟؟؟
وطلعت له الاسماء...
وتخيلوا وش طلعت...واحد مطعم في الرياض...والثاني رقم السفاره السعوديه في البلد اللي هو فيه...
والثالث..رقم مديرة الكامب اللي ساكن فيه....!!!!!!!!!!!!!!!!!!!!!!!!!!
توقعون....ايش سويت...؟؟؟
قعدت ابكي...على الشهر اللي راح وما انبسطت فيه...ولاهو انبسط فيه....وهو الان مسافر بس ان شاء الله يرجع ونعوض الايام اللي راحت...
اتمنى ان كل وحده ماتخلي الشيطان يلعب عليها ويشككها في زوجها
او اي قصه.....!!!!
مو كل الاصابع سوا...
وان شاء تستفيدون من قصتي وماتكررونها...
الله يوفقنا اجمعين...
ويخلي لي زوجي وولدي...
ولايحرمني منهم...يارب

التعليقات (9)

حياااتي انا

18-09-2022 - 06:03 pm

الله يخليكم لبعض...
وانتبهي من الشيطان...
الشك يدمر البيوت..

غلاة العمر

18-09-2022 - 07:04 pm

الشيطان شاطر ..
بس بسأل سؤال؟؟؟ ليش مارحتي ماه اذا صارت بعثه

البريئه M

18-09-2022 - 08:05 pm

حياتي انا
مشكوره ياقلبي..
والله يجزاك خير...
انا طبيعتي ما اشك باحد...ومخليته على راحته ...لانه هوصريح..
بس الشيطان شاطر...
وان شاء الله انها ماتنعاد....

البريئه M

18-09-2022 - 09:06 pm

صدق العطا
هلا حبيبتي...
مارحت معه لان يمكن يغير الدوله...ولسى باقي له سنه..
وهو يقول الان خلاص ماراح يغيرون وراح يجي قريب وياخذنا معه...
ومشكوره ياقلبي على مرورك...

المتفائله بالخير

18-09-2022 - 10:07 pm

ايوالله فرصه ليه مرحتى معاه الله يجمعكم على خير يارب

جذابه لحد الاذابه

18-09-2022 - 11:08 pm

انتبهي لاتعديها
وربي يحفظكم من كل شر

البريئه M

19-09-2022 - 12:09 am

المتفائله بالخير
ياعمري مشكوره على مرورك...
وراح نروح قريب...بس تخلص الاجراءات تعرفين تطول شوي...
والله يجزاك خير..

البريئه M

19-09-2022 - 01:10 am

جذابه لحد الاذابه
مشكوره ياقلبي...
وتوبه اعيدها....ان شاء الله...
الله يجزاك خير ويحمينا اجمعين من كل شر...

زهورة*

19-09-2022 - 02:11 am

سلامتج حياتي وربي يوفقكم ويسعدكم ويجمعكم سوا قريبا وانا احيانا تصير في مثل حالتج اعوذ بالله من الشيطان

تخانقت مع زوجي والسبب الرقص←
عشر نصائح للوصول لقلب الرجل→