تبين تقرين سوره البقرة و ما تبطلين ولا يوم شوفي السر

الحين بكمل لكم خدع الشيطان اعوذ بالله منه
6- الخدعة السادسه : هذي عاد اللي بتخرب شغلج كله !! لو طبقتيها راح تروحين وطي ههه
الخدعة باختصار هي : يعطلج عن الصلاة !! و تتوقعين شنو ؟؟ بقراءة البقرة !
يعني , انتي الحين تقرين , و فجأة , أذن المغرب ,,
يقول لج (كمليها ما باقي شيء !! ... بدال ما تقومين و تصلين و بعدين أقص عليج آنا هع هع ,, كمليها علشان تضمنين !! )
تدرين شنو راح يصير لو طعتيه؟
* خصوصا وقت صلاة المغرب , لأن وقتها وايد قصير , راح تطوف عليج الصلاة , و هذا إثم عظيم !!
اذا أجلتي الصلاة لين راح وقتها , معصيبة من كبائر المعاصي !!
و طبعا , العبد يحرم الرزق بالذنب يصيبه !
تسوين ذنب , ما ايي لج الرزق و لا الفرج !! و تطول المدة !!
و بجذي الشيطان يطق رقبه من الفرحة !!
و يبدأ يشككج بكلام الله !! و ان القرآن - اعوذ بالله - ما يساعد على الشفاء ! و ان انتي حظج مو زين ! و انتي تعيسه ! و السعادة حق فلانه و علانه و انتي حريمتج !!
و تبدين تزعلين و تتضايقين ,,
و هو يطق اصبع من الوناسه !!
الحل : اول ما تسمعين الأذان على طول تقومين مثل المينونه و تصلين , و طول السجود تدعين ان الله يثبتج
و تخلين قلب الشيطان يفرفر من الحره ههه ,
و اول ما تخلصين صلاة على طول المصحف , مثل اللي فيها تنويم مغناطيسي , طوالي تلقطين المصحف و تفجينه و تبدين تقرين .
7- الخدعة السابعة :
الحين هو ما شاف فايدة ! يبدأ الحين يخرب عليج و انتي تقرين !!
يخليج تتذكرين اشياء تحزن !! اشياء تشغلج !! وراج دوام باجر ! ما اتصلتي على فلانة ! ما شفتي البرنامج الفلاني !
روحي تسبحي ! انتي مو طاهره ! روحي توضي مره ثانية ! روحي ارتاحي و بعدين كملي ! يخليج تفكرين بسالفة صارت لج و تندمجين
و ما تحسين الا انتي مخلصه كم صفحة مو فاهمه حتى شنو فيها استغفر الله
اذا قدر عليج و خلاج تنصرفين ذهنيا , شوفي شنو بيصير ( يبدأ يقول لج : امبيه !! انتي طوفتي كم صفحة ما انتبهتي ؟؟!!
عيل لازم تردين تقرينهم من يديد !!
و الا ما تفيدج القراءة !!
)
و طبعا هذي تتكرر اكثر شيء مع اللي توهم بدوا يقرون سورة البقرة و يحسونها صعبه عليهم ,
و طبعا ما يخليهم ينتبهون الا بعد صفحات وايد !! علشان يوهقهم عدل
و ترا يتعمد ينبههم بعد السرحان و الشرود , يتعمد يخليهم ينتبهون , تدرون ليش ؟؟
علشان يقول لهم هالفيلم الهندي ( امبيه ! انتو ما انتبهتوا !! عيل لازم تعيدون من الصفحات اللي ما ركزتوا فيها ! ويه وايد , كم كم ؟؟؟ وي ؟؟ !! 10 صفحات , هذولا شيعيدهم ؟؟ وايد وايد )
و تكونين وقتها بين نارين : شنو هم ؟
انج تكملين مع انج مطوفه وايد صفحات بدون تركيز , و اذا جذي على ضمانتي راح تكملين الباقي بضيقة خلق و يصير بالج كله مع سالفة ( انا ما ركزت انا ما ركزت قبل , عيل ماكو فايدة )
او
انج تعيدين اللي قريتيه من الصفحات الي ماركزتي فيهم , و بجذي
* تحسين بتعب ! و احتمال كبير توقفين ما تكملين ! او ايي لج شغل من تحت القاع و تنسين القراءة !!
* يبدأ يشككج بالصفحات اللي انتي اصلا ركزتي فيهم ! يقول لج ( طيب اللي قبل هم بعد انتي ما ركزتي فيهم يمكن !! )
* يقول لج خدعه بايخه مثل ويهه ( ما يصير تقطعين بالسورة ! على كيفج انتي ؟ سرحت و بعيد ؟ ما يصير الا تبدينها من اول )
الحل : اول ما تحسين انج سرحتي شوي , اقري بصوت عالي شوي لما ينطم و ياكل تبن !
لو تقرين دقيقتين او دقيقة بصوت عالي , و بعدين ردي وطي صوتج
و كل ما وسوس لج و خلاج تبدين بالسرحان اقري بصوت عالي
تابعوا
ترا الخدع ما خلصت !

ماشاء الله عليك
جزاك الله خير
اسأل الله ان يرزقك الزوج الصالح وبنات المسلمين

اعوذب بالله من الشيطان ووسواسه
الله يجزااك الجنه

الله يجزاك بالجنه
والله انك صادقه بهالحيل الي قلتيها
سواها معاي كثير حسبي الله ونعم الوكيل
الله يقوينا عليه يارب
الف شكر لك حبيبتي

مشكورة والله
جزاكي الله خيرا ده اللي بيحصل فعلا
اعوذ بالله من الشيطان الرجيم ومن همزه ونفخه ونفثه

ههه اكيد اللحين بيسوي كذا خ
يالله يارب يثبتنا علي طاعتة وفعلا لازم احنا مانكون نتقرب لله عشان بس مصالحنا
لا والله انا اصبحت اتمني ثلاث الاول يرضي عني ويجعلني من المقبولين والراضين عنهم
لانة ذا رضي بيرضيني والثاني خير الدنيا الزوج الي بتمناه واحلم فيه والحياة الطيبة
في ظل طاعتة ورضا ه والثالثة انو يحسن خاتمتي ويرزقني الجنة كذا ضمنت
الحياة الطيبة هنا وهناك طماعة انا

والله أغلب حيله سوآهآ فيني هالخسيس
بس يصبر عليّ إن مآ أدبته مآكون لورين
جزآإكِ الله خير