تبين تكونين ملكة الحفل تفضلي

1. أكيد تعرفين هالفتاوي أوسمعتيها من أحد


2. حكم تركيب الرموش الصناعية


3. حكم الأظافر الصناعية


4. سلسله العلامتين ابن باز والالباني للنصائح والتوجيهات


5. حكم وصل الشعر


6. بغوايتج بالقرآن اللي تقرينه وتؤمنين فيه


7. أنا بريء منكم


8. إني أخاف الله

قبل فتره صار في حريق بصالة أفراح
وناس ماتت وناس تشوهت
تم تصغير الصورة. إضغط هنا لمشاهدة الصورة بحجمها الطبيعي 800x538.
حزنا
تضايقنا
ويمكن بعد خفنا من العروس ... أستغفر الله
ولكن كثير منا إكتفى بالحزن وكسروا خاطرنا
ولكن للأسف ماغيرنا شي ولا حطينا نفسنا مكان الناس اللي بالعرس
والدنيا مشت
وإحنا مثل ما إحنا ... على ذنوبنا
أبد ماتغيرنا
((( والحين )))
التحذير للمره الثانيه ... تحذير رباني
من رحمت ربي ينذر وينذر
مو عاجبه حالكم يبي لكم الهدايه
( غفور رحيم أرحم من أمج فيج )
ربي يغضب علينا ولكنه مايتركنا
يبين لنا ويبين لنا
وينبهنا لأشياء لأنه رحمن رحيم
ولو رجعتي له يفرح أشد الفرح فيج سبحانه
أكيد كلنا شفنا اللي صار بالجهرا ( حريق العيون )
حريق كبير
تحذير من الله
وللمره الث (2) انيه
راحوا فيه الناس منهم الأمهات والخوات والعمات وحتى الأطفال
شكثر الناس اللي إفقدوا لهم أهل بهالعرس
((( عرس )))
إنروح له بكامل زينتنا
أكيد لأنه عرس وفرحه
وكل إنثى تحب ترضي غرورها وتكشخ بالعرس وتكون نجمة الحفل
بتقولون تو الناس توج تكتبين موضوع
والله وربي بنات هاذي أول مره بحياتي أجرب أكتب موضوع وأكيد إنتوا لاحظتوا من
ردائة الإسلوب ويمكن تشوفون الموضوع مو مركب
ولكن
وآنا فاتحه صديقنا الصدوق قوقل
كنت كاتبه كلمه تدل على العروس والأفراح
وطلع لي مبتغاي عرس
ولكنه أسود
إي والله أسود كل شي بالأرض أسود
جواتي ( تكرمون )
حتى المميه (رضاعة الأطفال) حاشها السواد
أشياء كثيره غطاها الدخان الأسود والرماد
وأشياء ماتعرفين شنو كانت ذابت مع الجلود اللي ذابت
ذابت مع الشعور اللي ذابت
ومن بين الصور اللي وقفت أتأملها هالصوره
هاذي الصوره اللي إدفعتني أكتب عنها وأضغط على هالأيقونة
وأكتب بنفسي موضوع لأول مره بحياتي
آنا تأملتها وأخذت الحكمه منها ولكني أحبكم
ومثل ما آنا إستفدت بفيدكم
مع إنها تقطع القلب لأني تخيلت اللي لابستها
ولكني طولت والله وآنا أتأملها ودموعي تنزل
وإشلون إحترقت أو يمكن ذابت مع الحريق وبقى شعرها
((( عسى هالصوره تشفع لها اللهم آمين وتكون سبب في هداية ناس كثييره يارب )))
إنتي
إنتي إنتي
إي إنتي اللي قاعده تقرين موضوعي
هل إنتي من الحريم اللي تحط
رموش ؟
زين توصلين شعر مستعار بوستيج ؟
تسوين بفه كبيره (تسريحه مرتفعه)
إم
زين لبسج حيل عاري ؟
إذا جاوبتي ع الأسئله أو واحد منها ب ( نعم )
أقول لج لو إنتي بعرس
وصار حريق
خل نتخيل
الخيال ببلاش
تخيلي حطي نفسج بهالموقف
لاتستبعدين أو تستصعبين
أو تقولين بنحاش بسرعه وبنجى بنفسي
لا يالغاليه مو بهالسهوله
لو النحشه والنجاة سهل جان محد توفى بحرايق العروس
تخيلتي رموشج التركيب أو شعرج المستعار
تخيلتي النار لما تلمسهم ؟
تخيلي شراح تسوين لما يحترق طرف هالشعر والنار
تصعد
تصعد
تبي توصل لراسج
توها ماتمكنت من راسج ولا جاسته
مو تقطينها بالأرض ؟
لمستوى رجولج !!!!
بعد ماكانت على راسج
أتحداج إذا تخلين الشعر المستعار لين تحسين بحرارة جلدة الراس وتشوفينها تحترق
وإنتي كنتي عازته وحاطته فوق راسج
حطيتيه فوق راسج !
الله وأكبر
أعز شي عند الناس
الراس
وإذا بتكرمين الشي تحطينه فوق راسج ... مكرم معزز

أكيد تعرفين هالفتاوي أوسمعتيها من أحد

حكم تركيب الرموش الصناعية

الرموش الصناعية هي نوع من الزينة المستخدمة تضعها المرأة فوق جفن العين فوق رموشها الطبيعية ، لتبدو رموشها غزيرة طويلة و هذه الرموش تحدث الحساسية على الجفون و الجلد المحيط بالعين هذا من جهة، ومن ناحية أخرى فإن استخدام الرموش الصناعية سيحقق فيه معنى الوصل المنهي عنه ، لأنه مثله وقد نهى النبي صلى الله عليه وسلم عن الوصل ولعن فاعلته والمفعول بها، فعن ابن عمر رضي الله عنه أن رسول الله صلى الله عليه وسلم قال: ( لعن الله الواصلة والمستوصلة والواشمة والمستوشمة ) متفق عليه

حكم الأظافر الصناعية

ظاهرة ارتداء الأظافر الصناعية من الظواهر التي شاعت و انتشرت بين النساء، وهذا الأمر قد يتحقق فيه التشبه المحرم بالكافرات أو الفاسقات ، فالواجب على المسلمة أن تظهر بالمظهر الذي يحقق لها الالتزام بدينها وتمسكها وقد وقت الرسول صلى الله عليه وسلم المدة المتاحة في ترك الأظافر دون تقليم بأربعين يوما.
فعن أنس رضي الله عنه قال: ( وقت لنا في قص الشارب وتقليم الأظافر ونتف الأبط وحلق العانة أن لا نترك أكثر من أربعين ) رواه مسلم.

سلسله العلامتين ابن باز والالباني للنصائح والتوجيهات

حكم وصل الشعر

وأفيدك بأن وصل الشعر لا يجوز، ولا فرق بين شعر بني آدم وغيره مما يوصل به الشعر؛ لعموم الأحاديث الصحيحة الواردة في النهي عن ذلك. ففي صحيح مسلم عن أسماء بنت أبي بكر رضي الله عنها قالت: جاءت امرأة إلى النبي صلى الله عليه وسلم فقالت: ((يا رسول الله إن لي ابنة عريساً أصابتها حصبة فَتَمَرَّق شعرها أفأصله؟ فقال: لعن الله الواصلة والمستوصلة))، وفيه أيضاً عن أبي الزبير أنه سمع جابر بن عبد الله رضي الله عنهما يقول: (زجر النبي صلى الله عليه وسلم أن تصل المرأة برأسها شيئاً)، وفق الله الجميع لما فيه رضاه، والسلام عليكم ورحمة الله وبركاته.
المصدر :
http://www.binbaz.org.sa/mat/2294
دريتي عن الفتاوي
وما إهتميتي ربي راضي ولا موراضي
الله غفور رحيم وماشيه الحياة مو ؟
قلتي خل أكشخ وأكيد في يوم بتوب الله يغفر لنا
وما إهتميتي إن هالشعر مايرضي الله ؟
لما حسيتي بالخطر وعرفتي إن هالشعر بيكون سبب موتج سبب تعذيبج
بنار الحريق وآلامه
نار الدنيا
اللي ولا شي عند نار الآخره
اللي أوقد الله عليها 3000 سنه حتى إسودت
نار جهنم لو وضعنا فيها الشمس
لذابت
الشمس (اللي هي أساسا كره من النيرات والغازات الحاره الملتهبه)
7
7
7
فما بالج بجلدج ولحمج اللي من لهب الشمعه
يحترق ويعورج
قطيتي الشعر بالأرض لأنه سريع الإشتعال وبيوصل لجلدة راسج
أهم شي حياتج !!!
زين كشختج جدام الناس
الحين يشوفونج من غير البوستيج
فشله مو حلو شكلج
مو هامينج صح ؟
أهم شي الحياة ماتتعوض
لو يقولون الناس مايقولون
ماراح تردين الشعر على راسج وهو يشتعل
أهم شي حياتج
يالغاليه تخيلتي معاي ؟
ولله الحمد والمنه
كان كل هذا خيال الحمدلله ماصار صج
دام للحين ماصار هالشي ولا إحترقتي
تكفين عاهدي الله إن الشعر المستعار و وصل الشعر
ماتقربين له
الرموش المستعاره عاهدي ربج ماتحطينها
إنتي وربي حلوه
من غير توصيل رموش
من غير توصيل شعر
من غير هالمحرمات حلوه
بس الشيطان يزينها لج
وربي أحيانا الرموش وتوصيل الشعر يضّحك
ياما تطنزنا على بنات مساكين .... ربي يغفر لنا
الناس تشوف الرموش واضحه والشعر الموصل واضح
وماراح يقولون شعرها اللي موصلته حلو
بيضحكون ويتطنزون وإحنا نروح عروس ونقعد وسط الناس ونسمع
يعني بهالحاله عصيتي ربج عشان ترضين الناس
ولكن لا إنتي اللي أرضيتي ربج ولا اللي أرضيتي الناس وعجبهم شكلج
خسرتي بالحالتين
كل شي حرام بالعروس وحتى غير العروس تكفين لا تقربين له
مثل ماتصير الحرائق بالعروس
تصير بالأسواق وبكل مكان بالأرض سواء حرائق زلازل ... إلخ من غضب ربي
يحل فجأه ويمكن تموتين قبل لا توبين
كل شي حرام الشيطان يزينه لج
مو إهو اللي أخرج أبونا آدم وحواء من الجنه ؟
مو إهو اللي تحدى الله بأنه يغوينا ؟
شوفي وقاحة إبليس اللي أخرج آدم وزوجه من الجنه
حاقد ع البشر
يقول آنا أحسن منه خلقتني من نار
وربي كان عازنا ومفضلنا وسجّد الملائكه لآدم إلا إبليس رفض
ولما ربي طرده
توعد ذرية آدم (إحنا البشر)
هل راح تتبعينه وإنتي تقرين القرآن
ربي مبين لج لعبة الشيطان

بغوايتج بالقرآن اللي تقرينه وتؤمنين فيه

((( قال : فبعزتك لأغوينهم أجمعين إلا عبادك منهم المخلَصين قَالَ فَالْحَقُّ وَالْحَقَّ أَقُولُ لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أَجْمَعِينَ )))
وبعد قال : ((( قَالَ رَبِّ فَأَنْظِرْنِي إِلَى يَوْمِ يُبْعَثُونَ * قَالَ فَإِنَّكَ مِنَ الْمُنْظَرِينَ * إِلَى يَوْمِ الْوَقْتِ الْمَعْلُومِ * قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ * قَالَ هَ ذَا صِرَاطٌ عَلَيَّ مُسْتَقِيمٌ * إِنَّ عِبَادِي لَيْسَ لَكَ عَلَيْهِمْ سُلْطَانٌ إِلَّا مَنِ اتَّبَعَكَ مِنَ الْغَاوِينَ * وَإِنَّ جَهَنَّمَ لَمَوْعِدُهُمْ أَجْمَعِينَ * لَهَا سَبْعَةُ أَبْوَابٍ لِكُلِّ بَابٍ مِنْهُمْ جُزْءٌ مَقْسُومٌ )))
سبحان الله تبين تتبعينه بعد ماقريتي كلام الله ؟
وهو اللي تحدى الله سبحانه إنه يغوينا وبعدها يقطنا بنار جهنم ؟؟؟!!!!
وراح يقول يوم القيامه للي طاعوه

أنا بريء منكم

إني أخاف الله

( كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ * فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا وَذَلِكَ جَزَاء الظَّالِمِينَ )
إنتي شايفه اللعبه
بتكملين تطيعين شيطانج وتسوين اللي يزينه بعيونج ؟
ولا تنقذين نفسج من نار جهنم وتكونين ذكيه وتعصين نفسج الأماره بالسوء ؟
ولج رضا الله والجنه بإذن الله
الأمر راجع لج
أسأل الله أن نكون ممن يستمع القول فيتبع أحسنه
إن إستفدتي من موضوعي
إرسليه لكل من تعرفينه وشاركيني الأجر
منقول
أعجبني ونقلته للعظه والعبره والفائده
ادعولي باللي في توقيعي