تبين زوجك يتجنن عليك وتبين تحسين نفسك عروسه بكامل انوثتك تعالي والله عن تجربه شخصيه

السلام عليكم جميعاً ...
موضوعي حلو ومهم للمتزوجات ولا مانع للبنوتات ...لكن
للمتزوجات
مرة مهم .. ونقلته لكم وهو عن تجربه شخصيه ..
اذا تبين زوجك ينهبل عليك وتحسين انك عروسه جديده...
لأني أحبكم قررت اعلمكم طريقتي الخاصه بالتعطر والنظافه
صحيح متعبه شوي لكن لها مفعول خطير ...
اليكِ الخطوات (( تراها والله العظيم من تجربتي الشخصيه )):
المهم:
طبعاً الخطوة الأولى ضروري تعملينها وزوجك مو بالبيت
يعني يكوون بالدوام....نايم العصريه ...طالع مشوار ...
1/ جيبي زيت اللوز وادهني شعرك >>> ادري بتضحكوون
بس انتوا كملوا
وجيبي كريم زبده الكاكاو
أو كريم جليسوليد الأحمر ...وادهني جسمك كامل
طيب ...واجلسي فيهم ساعه او الأحسن ساعتين ..
طبعاً لازم تكونين مسويه حلاوه ومنتهيه من صجتها ..
بعد ما تخلصين ساعتين ...
تجي الخطوة الثانيه :
2/ انك تدخلين الحمام تاخذين البانيو وتعبينه وجهزي الأسفنجه
وجيبي الشامبو وغسلي شعرك زين عشان يروح الزيت
بعد ما تتأكدين ان الزيت راح !!
جيبي رغوه بأي ريحه تحبينها (( أنا احب رغوة زهور الريف
بالتوت )) مرة خطيره
وعبي البانيو فيها واجلسي اسرتخي وافركي جسمك فيها وتنظفي
والبسي روبك واطلعي من الحمام ...
اللحين بتقولون بنلبس ونخلص........لا تونا
اللحين جيبي كريم جونسون
ودهني جسمك منه وخصوصاً وبشرتك توها فيها شوي مويه
يعطيك نعومه واو روعه تخلي بشرتك
مثل بشره الأطفال المواليد .... (( دهني جسمك كله من رقبتك الى
رجولك ))...
وبعدها خذي مزيل الريحه والبودرة وكريم معطر (( بالتوت من
زهور الريف ))...
بعدها البسي لبس حلو وشيك وملفت ..
بس لحظه ما بعد خلصنا ... أدري طولتها
جيبي دهن العود .... (( للي تحبه وزوجها يحبه )) على حسب الأذواق..
وحطي شوي لا تكثرين بعدين تطلع ريحته قويه شوي
على رقبتك وتحت اذنك وشوي على شعرك بس انتبهي لا تكثرين
يطلع ملبد ...!!
وفي الأماكن اللي انتم خابرينها اخاف هنا فيه تحت السن القانونيه !
المهم نكمل جيبي عطر تحبينه ...عن نفسي احب جيفنشي
الجديد
وجبت لكم مجموعه عطورات حلوة ..
مثل سينما صحيح مو جديد بس حلو وهادي ورايق
وعطر eLLe
المهم تتعطرين منهم ...وطبعاً شعرك بتشتشورينه مضبوط
واخر شي تجيبين العود وتتبخرين به
وتبخرين غرفتك ...
اقولكم وش النتيجه .....الشعر يلمع وناعم ..بسبب الزيت
وريحته جنان من العطر والدهن عود والبخور !!
والجسم نعومه مثل بشره الأطفال ..
والريحه جذابه (( الرغوة + البودرة + الكريم المعطر + العطر +
الدهن عود + البخور )) .............
تطلعين واو جربوها وشوفي النتيجه بعيونكم ...والله ما راح
تندمون بالعكس بتدعون لي
دعواتكم واتمنى افدتكم أنا لما اسويها احس كأني
عروس جديده
وتشوفون ازواجكم راح ينجنون عليكم ...
ملاحظه:
(( اذا تبون تعدلون على اذواقكم على راحتكم ..بس اعمليها بنفس الخطوات
اللي قلتها لكم . ..))
عاد ابي اشوف تفاعلكم ........
والله لا يحلل ولا يبيح اللي بتنقل الموضوع لأني انا اللي تعبانه فيه..