تبين شعرك ينعم وهو كله تقصف وبتعالجينه تعالي شوفي طريقتي وش سويت فيه

السلام عليكم
اخبار الفراشات بخير ان شاء الله
المهم جبت لكم طريقه سهله للعجازات مثلي
من زمان ماشريت زيوت ابي اخلص هالكومه اللي عندي بس ازيت ولا فيه فايده
خلصت زيوتي وشعري مالاحظت فيه تغيير
وجا قبل كم يوم وبتروش ادور زيت صاحي مافيه
احوس بأغرضي لقيت كريم مغبره علبته ماستخدمته لاني طايحه بس بالزيوت
قلت اجربه واشوف
لقيته كريم مره روعه للشعر
والله وانا اطالع شعري مو مصدقه ابد انه تغيير
حتى اهلي لاحظو فيه النعومه
والتقصف اختفى
ماراح اطول عليكم
هو كريم الفاتيكا
انتبهو قلت الكريم مو حمام الزيت <<<<<<<< حتى حمام الزيت حلو بس الكريم برضو له مفعوله السريع
حطيت الكريم على شعري مدة نص ساعه وتروشت
وبعد ماطلعت من الحمام حطيت شوي قد حبة الفستق على الشعر وهو مبلول عشان يرطبه ويسهل استشواره
استشواري ماعاق معي على طول استشورت شعري بسهوله ولا فيه اي تقصف وشعرتي نفسها ناعمه
انتم جربو واحكمو
يمكن من شعر لشعر يختلف
بس اذا جربتو مو خسرانين شي
وطريقه مو ملزومه تستمري عليها شهر او شهرين
هي للي مضطره على روحه فجأه وبتعالج شعرها بطريقه سريعه
وكمان فيه كريم ينعم الشعر مره
اللي هو كريم صانصلك بالصبار
والله يبنات استخدمته يهبل للشعر
يعطيه نعومه ويخلي شعرك يتنفس حتى انتي تحسين بثقه بنفسك
حتى قلت لاختي تجربه ولاحظت الفرق بشعرها
انا احطه بشعري واخليه يوم او نص يووم مره خيال
احس اني بعد تجربتي للكريمات بودع الزيوت
مابي منكم غير دعوه بظهر الغيب ان ربي يفرج همي ويشرح صدري
وتوره