تتخيلين ان زوجك يصافح امرأة مو محرم له ادخلي علميني وش اسوي

السلام عليكم ..
مالكم بالطويله مشكلتي ..
انا مخطوبه .. وقريب ادخل قفص الزوجيه ..
وخطيبي اهله كويسين وحبوبين ومحافظين لآهم مطااوعه ولاهم فرري ..
الموهيم
انا ابغى من كل وحده منكم تدخل تقولي كيف اتعامل مع صنف من عائلتهم .. الا وهم
(بنات خاله )
بنات خاله اكبر منه .. بس يعتبرن شابات.. اصغر وحده اكبر منه بسنة تقريبا وكان يحبها قبل ايام الثانوي .. >> وانا خايفه من هذي تحديدا
بس هالعائله بالكويت وجنسيتهم كويتين ومع ذلك .. هم يتحجبون بس مع زوجي واخوانه .. لآ يفتشون له .. ليش ؟؟
بسبب انهم متربين مع بعض وكانو مع بعض كثير .. سبب صراحه قهرني ..
انا متربيه مع عيال خالي ومع ذلك يوم كبرنا تغطيت عليهم ..
طيب الحين .. أنا ما أتخيل يركب السيارة معها !!
او يصافحها !!
او شخبارك وش علومك !!
وع كلامه : أن البنات يمونون عليه اكثر واحد من اخوته لآنه يعطيهم وجه ..
مره وحده من بنات خاله .. اتصلت عليه قالت بمرك تركب معي نروح للمعرض السيارات ابي اشوف لي سيارة وخابرته ذوق
طيب انا ما ابي اسويها مشاكل اول ما ادخل عليهم ..
ابي من باب الحرص تقولون لي كيف ؟؟
اخاف اغار ونتهااوش ..
والا اطنش وما كأني اشوف شي ,,
والا اسوي حد قاطع لهالشيء ..
وأخاف اسوي حد قاطع لهم .. يقولون من يوم دخلت علينا زوجة فلان صرنا مانشوفه او من زي هالكلام ..سحبته منا ..
وانا مابي اي احد يكرهني ..
وش اسوي والله محتارة بهالشي ..