تج أحلىآ الدبيبات م ع برعاية غدو

1. التسجيل مفتوح من اليوم 2-8 الاحد الى 7-8 يعني الجمعة ان شاءالله..

السلام عليكم ورحمه الله وبركاته...
بنات....
انا قررت اليوم اني اسوي تجمع وسميته ( احلى الدبيبات) وش رايكم دلع صح ههه
طبعآ بناءآ على هذا الاسم بيكون شعارنا في هالتجمع
(لالالا..للتحطيم)
وهذا التجمع جدي جدآ جدآ ..يعني اللعابات لا اشوف وجيههم هنا ..
المهم انا نفسيتي صارت زفت .. وماعاد اتحمل انا ابي اسوي تجمع جديد هنا بس التجمع هذا غير ..
هذا التجمع قررت اسويه مو بس عشان كل وحده تدخل وتسولف وتقول مشيت مدري كم وسويت مدري وشو وتجلس تسولف ووبس...
هذا التجمع له شروط .. وانا ابي هالتجمع يكون غير كل اللي بهالقسم ..
هنا نبي ندعي لبعض .. ونبي نتواصل مع بعض .. ونشجع بعض .. يعني كلنا تصير قلوبنا على بعض ..
اول شي شروط هذا التجمع ..
1- يكون وزنك فوق 80 كيلو ..
2- الالتزام بالريجيم والرياضه ..
3- قياس الوزن بعد كل اسبوعين من بداية الرجيم..وارسالها لي برساله خاصه وسوف يتم طرحها بجدول ..
4- الدعاء لبعض بأن الله يرزق كل بنت بهذا التجمع القوه والعزيمه لتنزيل وزنها الزائد.. هذا شرط اساسي بنات كلنا ندعي لبعض واحنا بحاجه هالدعاء .. ياليت كل بنت وهي تصلي تدعيلنا كلنا..
5- مسموح عدم ممارسه الرياضه _عند وجود عذر شرعي_ او وعكه صحيه << لا يكثر صار مدرسه مو تجمع ههه
بنات نبي همه عاليه ..

التسجيل مفتوح من اليوم 2-8 الاحد الى 7-8 يعني الجمعة ان شاءالله..

وبعد كذا لاحد يشارك ..تكفون بنات اللي يتأخرون عن هالتاريخ لا يسجلون ..مانبي لخبطه ..
بعد كذا كل اللي سجلوا راح اخذ اوزانهم بالرسائل الخاصه .. وانزلها كلها مره وحده عشان نشوف الاوزان قبل وبعد.. طبعا حتى لما توزنون ما ابيكم تنزلون اوزانكم هنا لابعد كل اسبوعين ترسلون لي اوزانكم بالرسائل الخاصه وانا انزلها بجدول ... اتفقنا .؟؟
يالله ابي اشوف رايكم بهالتجمع ..
انا يكفيني لو نكون 3 بنات ماعندي اي مشكله بس اهم شي يكون الموضوع جدي ..
سلامو يا أحلى الدبيبات..