تجاربكم مع الدعاء المستجاب نجمعها في عمل خيري لاتتأخروا

جزاك الله خير و جعله في موازين حسناتك
انا من تجاربي مع الدعاء
قدمت عى و ظيفه
وكنت ادعي ربي و اقوم الليل انه يرزقني و انقبل
وسبحان الله ربي رزقني بالوظيفه
والحمد الله كل شهر اطلع منه لوجه الله تعالى
وأموري كلها متيسره سبحان الله
وأدعي ان الله يرزقني بالزوج الصالح انا و كل بنات المسلمين و الحمد الله
كل بعد فتره اسمع خبر حلو عن وحده من زميلاتي إلي انخطبت و إلي ملكت و إلي تزوجت مع اني ما اشوفهم الا بعد شهور و كل ما قابلت وحده بشرتني بخبر حلو الله يفرحني على الجميع

فيه بعد صارت لاامي وابقولها لكم بس خلون اعشى ولدي وارجع لكم
ههه

ننتظر القصه يا نور التفاؤل

هلا هذا امي الله يسلمكم
كان عندها فشل كلوي وكانت تبي تزرع ماتبي تغسل
والحمد لله الظروف نوعا ما ممتازه وجهزنا لزوم وتكاليف العمليه عاد باقي تروح تحلل
علشان تشوف الاوراق واتخذها معها قال لها الدكتور وهنا فعلا الصدمه مافيه زراعه( ياحجه ) عاد امي صغيره بس حب يدلعها المصري ههه المهم
قالت ليش قال انه عندك ضعف بالقلب وماتقدرين تزرعين لازم يكون القلب سليم
طبعا امي ضاق صدرها وحنا طبعا لانها حاطه امنيات بالعمليه لكن قدر الله وماشاء فعل المهم توكلنا على الله وقعدنا نهاون على امي انه فيه غسيل والحمد لله على كل حال
امي ماياست من رحمه ربي قعدت تدعي الله وتصلي وتصدق وبعد اسبوعين من هالكلام كان عندها موعد للغسيل فسبحان الله يوم كشفت على القلب طلع عندها سليم
والحمد لله زرعت كلي والله يتمم عليها شفتم يابنات الله كريم وربي ماراح ينسي عبيده انتي ادعوا وتوكلوا وربي مايخيب ظنكم

هذي قصتي مع الدعاء والاستغفار سبق وكتبتها بهالقسم
ويارب يكتب لنا الاجر
الله يجزاك خير ياصاحبة الموضوع ويرزقك باللي تتمنيه يارب
طيب انا راح اقول لكم قصتي مع الاستغفار ....انا لي فتره ادعي ان الله يرزقني بزوج بنفس المواصفات اللي ابيها
المهم ...واستمريت فتره الحمد لله ادعي واستغفر الله بالحاح بالمواصفات اللي ابيها وتقدم لي شخص وماوافقت عليه لانه متزوج ورفضته واستمريت ادعو الله وانا كلي امل بان اللي اتمناه
زوج وبمواصفات معينه ربي قادر يجمعني به ...وبرمضان اللي راح دعيت الله وقت صلاة التراويح ووقت المطر وقيام الليل وقبل ما اصلي كنت شوي حزينه على نفسي ولحظة ماصليت سبحان الله
هم وانزاح من على صدري وقلت خلاص انا لي زعلانه امري اوكلته بين يدي الله اكرم الاكرمين وهمي عالم به وانا شكيته له سبحانه ....ونمت وانا مرتاحه راحه مو طبيعيه
وبعد اسبوع او اقل ...تتصل علينا وحده معرفه قديمه تخطبني لاحد اقربائها وسبحان الله استخرت الله وجا يوم الشوفه الشرعيه وشفته وشافني وارتحنا لبعض
وانا والله العظيم ارتحت له كثير واول ماشفته كنت بضحك من كثر الفرحه اللي يشوفني يقول مجنونه والله الضحكه بوجهي وكنت متفشله ينتبه لي لان يوم شفته سبحان الله
كل المواصفات اللي دعيت الله شفتها فيه ....ياسبحانك يارب ....والله العظيم وكان بعد اكثر من مادعيت الله عطاني ....وعرفت ان الله معنا وحنا غافلين ومانحسن التوكل
وعرفت معنى الدعاء والاسغفار والتوكل على الله ...ارمي همك على الله ....صح ماكملت قصتي ....واسخرت الله بعد الشوفه واكتشفت فيه صفه شوي صعبه بشخصيته ورفضته
وقلت خيره سبحان الله وان شا الله راح ارجع مثل ماكنت لاني جلست فتره بعد هالموضوع احس بفتور بالعباده الله يصلح لنا حالنا
بس وهذي هي سالفتي مع الاستغفار والدعاء اتمنى تستفيدوا منها
ويارب يرزقنا باللي نتمنى ويغفر لنا قبل كل شي ويكتب لنا التوفيق يارب
لا االه الا انت سبحانك اني كنت من الظالمين
ش

قصتي الثانيه مع الدعاء مستحيل انساها لان موضوعها تعبني نفسيا
يوم كنت بالكليه مستوى ثالث وانا تخصصي رياضيات وكان عندي مادة صعبه
ودكتورتها اصعب واصعب دكتوره مخضرمه يعني خبره بالاحصاء والاحتمالات المهم
يوم الاختبار النهائي جاتني بنت اختي وكانت معي بنفس المستوى والتخصص
وجلسنا نذاكر من يوم الاربعاء والخميس والجمعه كنا ع اشد الاجتهاد من كثر
ماكنا خايفات من صعوبة الاسئله والله نسهر ونذاكر واجواء صعبه حتى النوم
والله العظيم مانهناه ننام قرب الفجر ونصحى قبل الظهر وننزل بالبيت ونطلع شوي بالسطح
ماخلينا مكان بالبيت الا وذاكرنا فيه من كثر التوتر والخوف والنفسيه تحت
المهم ختمت المادة يوم الجمعه بعد صلاة اتوقع العصر وقلت خلاص اريح لين العشا
وبعدين ابدا اراجع واروح الكليه مواصله مو مشكله اهم شي اعدي هالماده ع خير
وبنت اختي مازالت تذاكر الى بعد العشاء وجوا اهلها واخذوها وهي باقي ماختمت
المهم ماجت الساعه 10 الا وهي الحمدلله مختمه ....يعني ماتركنا شي الا وذاكرناه
ورحنا الاختبار ....وياعيني ع الاختبار
اقسم بالله العظي يوم ماراح انساه
اول سؤال كان اكملي الفراغ وربع صفحه وحليت
ثاني سؤال ....؟؟؟
ثالث سؤال ....؟؟؟
رابع سؤال ....؟؟؟؟
خاس سؤال .....؟؟؟؟
اقسم بالله بغيت انجن وقتها ولاسؤال من اللي ذاكرته كلها اسئله خارجيه
وفيها افكار ذكاء ....والله ماعرفت وش اسوي
قريت اية الكرسي وبديت احل اللي ربي يقدرني عليه واطلع اجابات بالآله الحاسبه
تفجع ارقام خياليه وشكلها غلط مليون في الميه وحليت وحليت وحليت
وكلي ثقه انها كولها غلط بغلط واستغفرت الله ودعيت الله وقلت
(( ياربي انت اعلم مابنفسي مني ....ياربي ياعالم الغيب والشهاده انت عالم
بأني ذاكرت واجتهدت وماتركت شي بالمادة الا وذاكرته ...ياودود ياودو ياودود
ياذا العرش المجيد ...أسألك بعزك اللي لايرام وبملكك اللذي لايضام وبنور
وجهك اللذي ملأ اركان عرشك ....يامغيث اغثني يامغيث اغثني
يامغيث اغثني وخلصت الحل والورقه طبعا كل الارقام فيها تسد النفس
اخترعت طبعا بس حاولت اسمي حاولت مستحيل اضيع اللي ذاكرته ذيك الليالي
المهم وقفلت الورقه بعد ماراجعتها ...وقريت عليه ....يمكن تستغربون
لكن اقسم بالله العلي العظيم اني قريت على الورقه وقلت عند كل سؤال اجابته خطأ
( وجعلنا من بين ايديهم سدا ومن خلفهم سدا فأغشيناهم فهم لايبصرون )
وقفلت الورقه وقلت نفس الدعاء
ويوم سلمت الورقه قلت ( استودعتك الله الذي لا تضيع ودائعه ) 3 مرات
واستغفرت الله واولكلت امري لله
المهم ماكنت خايفه لاني اوكلت امري لله ...ولو ع اجاباتي انا في خبر كان
وجا يوم النتيجه والحمدلله نجحت وبنت اختي رسبت مسكينه وقلت لها قريتي او دعيتي
تقول لا .... طبعا قهر ....انا كان مصيري مثلها وانا ابصم بالمليون وسبحان الله ماخاب من التجأ اليه ودعاه
ويارب تكونوا استفدتوا
واقسم بالله العظيم هذي قصتي يوم امتحان االا حصاء ويارب تستفيدوا

للاحساس لغة
قولي امين يارب ربي يرزقك رزق ماحسبتي له ويسعدك بالزوج اللي مايشوف الانتي
يارب ومشكوره ياعمري على المرور وربي يجعلها فرج لك هالقصه هذا

وهذه تجاربي انا
http://alfrasha.maktoob.com/alfrasha118/thread1366627/
http://alfrasha.maktoob.com/alfrasha126/thread1399755/

*بنت الاصيل*
الله يسعدك يارب ودوم حياتك سعاده تسلمين ياعمري فالك الطيب