تجاربي الشخصيه مع الميك اب الجزء 2

موضوع مثل تبادل التجارب في المكياج .... يعني اكيد كل وحده تتمكيج وكل وحده لها طريقه ....
شرايكم لو نعطي بعضنا معلومات ..
الطريقه سهله ..شوفي اي صورة ميك اب في النت .. وتعالي علمينا شلون نسويها ....
ما نبي مواضيع منقوله .... الصور بس بتكون منقوله ...
في حركه حلوه جربتها ...
طبعا اول شي اغسل ويهي بماي بارد ...
عقب امسحه بشوية ماي ورد ...
بعدين اخذ بودرة كرايولاين المائيه
بس اللي عندي شكلها غير ..قوطيها ابيض ...
المهم واحط على ويهي كامل ...
عقب انطرها تنشف ششوي من الماي و استخدم بودره مضغوطه من ماك ..
الحين
اخذ الفرشاه اللي شكلها جي ..
واحطها في الماي ..عقب احركها على بودرة كرايولان المائيه
المهم اخلي الفرشاه مخلوطه بالبودره المائيه والماي عقب اامسح ع العين من فوق ....
وقبل ما ينشف ..اجيب هاذي الفرشاه مالت الظل ... الاسفنجيه مب اللي فيها شعر ... واحط الظل اللي ابيه .... واللي احس ان لونه باهت ...عقب اضغط على الجفن فوق المائي طبعا ....
شوفوا شلون اللون بيطلع واضح ...
عقب اختار لون ظل اغمج شوي ....
واستخدم هالفرشاه
واتم احرك في الزاويه يعني مكان ثنية العين .... كامله
بيطلع جي
انشالله فاهميني ...
المهم بيطلع عندي مزج بين اللون اللي تحت واللون اللي فوق .....
عقب استخدم لون اغمج من الاثنين اللي حطيتهم ... او اسود .... بهالفرشاه
اواصغر منها ... واشتغل في الزاويه الخارجيه للعين ... طبعا مع دمج الالوان كلها ....
عقب الايلاينر السائل .فوق وو تحت العين ... . واللي ما تجيده ..... تستخدم ظل اسود بس يكون غامج
عقب الماسكارا .... والمكياج بيطلع تقريبا بهالطريقه ...
بس احنا دخلنا اللون الثاني لين زاوية العين ... والاسود لين النص ...
طبعا انا احب استخدم اللون الوردي الفاتح والاغمج منه ..... والبنفسجي مع الاسود ...يطلع وايد حلو ...
او
استخدم الاصفر مع الوردي والوردي الاغمج منه
او البيج مع الوردي
او البيج مع البرتقالي ..
طبعا عقب استخدم البلاشر بس على العظمه القريبه من الاذن ..
ع الخشم
اخذ ظل بنتي غامج
واحط من بداية الحواجب لين بداية النف
طبعا مب ع النص لا .. ع الاطراف ...
عقب اخذ لون بيج لامع او ذهبي لامع
او ابيض واحطه في النص ..
واحاول ادمجهم مع بعض
بيطلع جي
ااصوره مب واضحه ها ...
الحين ناخذ فرشاة الوجه الكبيره ... ونحركها ع الوجه كامل ...بخفه ..
انشالله عجبكم وكانت الطريقه سهله