تجاربي الفاشله مع الصبغات

السلام عليكم ورحمة الله وبركاته أولا :
كل عام وأنتم بألف خير
كيفكم يافراشات
هذا أول موضوع لي بهالمنتدى
وأتمنى ترحبون فيني
وتحبوني وترتاحون لي زي ماأنا أحبكم وأموت فيكم ياعسولات
المهم أنا ماعندي وقت بدخل في الموضوع على طول
تعرفون وحدة تخصل شعر بس أبي وحدة يكون تخصيلها
مرتب مرة أهم شي يكون مرتب مو خرابيط تقعد
تلعب في شعري وتعرف تختاار الألوان إلي تناسبك واذا طلبتها لون تسوي
لي نفسه مو تروح تحط لي لون ثاني على كيفها غير إلي طلبته ومايهمني
تجي للبيت ولاوحده تشتغل في المشغل وحتى الأسعار بعد مو مهم المهم
شغلها يكون حلو ومرتب
تكفون يافراشات لاتطنشون والله نفسي أحط خصل مرتبه وحلوه
أنا جربت المعالي حلو بس مو مرتب أبدا
وكمان جربت دار الجمال الله لايعيدها من تجربه المشكله جربت قبل ملكتي
بيوم تخيلو
أنا طلبت خصل أحمر بقدرة قادر
طلع فوشي صارخ يفقع العين
وكمان مو مرتب
وبعد جربت مشغل داليه بعد مو مرتب وموبس كذا بعد تقريبا أسبوعين
إختفت الخصل أدور لها يمين يسار مافيه شي وين راحت الله أعلم
وهاذي تجاربي الفاشله ولله الحمد
أنا شفت وحده عندنا بالكليه ماشالله عليها الله لايضرها خصل جنان
من جد إيش ترتيب
ولاإيش لون خقان بسم الله عليها
سألتها وين خصلتي شعرك قالت وحده تجيني البيت إسمها( ثريا ) أنا
بصراحه بحياتي ماسمعت عنها وغريبه مومشهورة وهي ماهرة
بالخصل والترتيب
وكمان تقولي أن فيه وحده بمشغل لبنى إسمها ناديه مغربيه ترتيبها أحلى
بكثير من ثريا
عاد أنا ياطويلات العمر قلت خليني أسال الفراشات عن ثريا وناديه
إلي بمشغل لبنى اذايعرفون شغلهم ومعروفات ولا لأ
أنا عارفه بتقولون مشغل لبنى والسالفه إلي صارت فيه بس أنا إلي
أعرفه إنه
كلام في كلام والمشغل ماشالله عليه ماشي شغلهم
يالله ياحلوات عطونا من تجاربكم في الخصل
ولا تفشلوني وماأحد يرد ترى هذا أول موضوع لي